កីឡា
Hojlund រីករាយខ្លាំងក្រោយរកបានគ្រាប់បាល់ដំបូងនៅ Premier League
ខ្សែប្រយុទ្ធ Rasmus Hojlund ជាសមាជិកដ៏សំខាន់មួយរូបដែលរកបានគ្រាប់បាល់ជ័យជម្នះកាលពីយប់មិញក្នុងជំនួប Manchester United លើក្រុមឡើងជើង Aston Villa ដោយលទ្ធផល ៣-២។
Rasmus Hojlund បាននិយាយថា ៖«ទោះបីវាមានរយៈពេលខ្លីមែន តែខ្ញុំសប្បាយចិត្ត។ ខ្ញុំជាបុរសដែលរីករាយបំផុតដែលមើលឃើញពីអបអរសាទរជ័យជម្នះនេះ។ ការជឿជាក់របស់យើងនៅតែមានរហូតដល់ទីបញ្ចប់។ យើងបានបង្ហាញឆន្ទៈនិងការតាំងចិត្តខ្ពស់ថ្ងៃនេះ។ ខ្ញុំធ្លាប់រកបានគ្រាប់បាល់នៅ Champions League យូរហើយ តែខ្ញុំមិនទាន់រកបានគ្រាប់បាល់នៅ Premier League។ ខ្ញុំសប្បាយចិត្តដែលបានទទួលជម្រើសដំបូង។ ឥឡូវនេះសង្ឃឹមថា ខ្ញុំអាចបង្កើតវាបាន។ ខ្ញុំសប្បាយចិត្តសម្រាប់ការវាយបកដ៏អស្ចារ្យ»។
ខ្សែប្រយុទ្ធ Rasmus Hojlund បានរងសម្ពាធខ្លាំង ក្នុងរយៈពេលប៉ុន្មានខែចុងក្រោយនេះ បន្ទាប់ពីរកមិនបានគ្រាប់បាល់សោះសម្រាប់ក្រុម Manchester United នៅ Premier League ចាប់តាំងពីចាកចេញពី Atalanta។ ខ្សែប្រយុទ្ធរូបនេះរកបាន៥គ្រាប់ក្នុងការបង្ហាញខ្លួន៦លើកនៅពាន Champions League ប៉ុន្តែនៅលីគកំពូលអង់គ្លេសទើបតែរកបានគ្រាប់បាល់ដំបូងក្នុងការបង្ហាញខ្លួន១៥លើក។
ជ័យជម្នះយប់មិញនេះជាជ័យជម្នះលើកដំបូងរបស់ក្រុម Man Utd ក្រោយការប្រកួត៤លើកចុងក្រោយគឺពួកគេមិនទាន់ស្គាល់ជ័យជម្នះ បន្ទាប់ពីចាញ់៣ និងស្មើ១។ ៣ពិន្ទុទល់នឹងក្រុម Aston Villa បិសាចក្រហមបានឡើងទៅកាន់ចំណាត់ថ្នាក់ទី៦។ ការប្រកួតបន្ទាប់របស់ពួកគេនៅលើទឹកដី Nottingham Forest ថ្ងៃសៅរ៍ ទី៣០ ខែធ្នូ ឆ្នាំ២០២៣៕
ប្រែសម្រួល៖ ផា រតនា
ប្រភព៖ Goal
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ