ថៃជាក្រុមអាស៊ានមួយគត់រកបាន៣ពិន្ទុពីការប្រកួតបើកឆាក AFC Asian Cup

ក្រោយជ័យជម្នះកាលពីយប់មិញ ក្រុមបាល់ទាត់ថៃបានក្លាយជាក្រុមតែមួយគត់ដែល​ទទួល​បាន​ជ័យជម្នះ​សម្រាប់​ការ​ប្រកូត​បើកឆាក​វគ្គ​សន្សំ​ពិន្ទុ​ក្នុង​ពូល​ ពានរង្វាន់ AFC Asian Cup នៅប្រទេសកាតារ ខណៈក្រុមក្នុងតំបន់អាស៊ាន៣ ទៀតសុទ្ធតែចាញ់។

ការប្រកូត AFC Asian Cup ឆ្នាំ២០២៣ មានក្រុមក្នុងតំបន់អាស៊ានតែ៤ចូលរួមប្រកួតប្រជែង​ដោយ​ជួបសុទ្ធតែក្រុមខ្លាំង ប៉ុន្តែមានតែក្រុមថៃមួយគត់ ដែលរកបាន៣ពិន្ទុ។ ចំណែក​​វៀតណាម​បាន​ចាញ់ក្រុមជប៉ុន ៤-២ ហើយឥណ្ឌូណេស៊ីចាញ់អុីរ៉ាក់ ៣-១ និងក្រុមម៉ាឡេស៊ីចាញ់ហ្ស៊កដានី ៤-០។

ការប្រកួតទី២ ក្រុមវៀតណាម ត្រូវជួបជាមួយក្រុមជាមួយឥណ្ឌូណេស៊ី ដែលជាក្រុមក្នុងតំបន់អាស៊ានដូចគ្នា នៅថ្ងៃសុក្រ ទី១៩ ខែមករា ឆ្នាំ២០២៤ ។ ម៉ាឡេស៊ី ត្រូវជួបជាមួយក្រុមបារ៉ែន នៅថ្ងៃសៅរ៍ ទី២០ ខែមករា និងថៃប៉ះ​អូម៉ង់ នៅថ្ងៃអាទិត្យ ទី២១ ខែមករា។

ការប្រកួតក្នុងវគ្គ១៦ក្រុម ចុងក្រោយនឹងធ្វើឡើងនៅថ្ងៃទី២៨ ខែមករា ឆ្នាំ២០២៤ ហើយក្រុមលេខ១ និងលេខ២ ក្នុងពូលនឹងត្រូវឡើងទៅដោយស្វ័យប្រវត្តិ ខណៈក្រុមលេខ៣ ក្នុងពូលទាំង៦ មាន៤ក្រុមបានឡើងទៅវគ្គបន្តក្នុងនាមជាក្រុមលេខ៣ល្អបំផុតក្នុងពូល៕

អត្ថបទ៖ ផា រតនា