ចរាចរណ៍
ករណីក្រឡាប់ឡានលើផ្លូវល្បឿនលឿន៖ អភិបាលខេត្តកំពង់ស្ពឺបង្ហាញក្តីរន្ធត់ និងស្នើឱ្យបើកបរមានការប្រុងប្រយ័ត្ន
លោក វ៉ី សំណាង អភិបាលខេត្តកំពុងស្ពឺ បានបង្ហាញក្តីរន្ធត់ចំពោះករណីគ្រោះថ្នាក់ចរាចរណ៍ ដែលបានកើតឡើងលើផ្លូវល្បឿនលឿនបណ្តាលឱ្យស្លាប់មនុស្ស៥នាក់ និងបានស្នើឱ្យអ្នកបើកបរមានការប្រុងប្រយ័ត្ន។
បន្ទាប់ពីមានករណីនេះកើតឡើង លោកអភិបាលខេត្តកំពង់ស្ពឺ បានសរសេររៀបរាប់នៅលើឆាណែលតេឡេក្រាមរបស់លោកយ៉ាងដូច្នេះថា៖ «ថ្ងៃនេះ ខ្ញុំពិតជាមានសេចក្តីរន្ធត់ចំពោះដំណឹងស្ដីពីគ្រោះថ្នាក់ចរាចរណ៍មួយដែលបានកើតឡើងនៅគីឡូម៉ែត្រលេខ២០ ស្ថិតក្នុងភូមិសាស្ត្រស្រុកសំរោងទង ខេត្តកំពង់ស្ពឺ លើផ្លូវល្បឿនលឿន»។ គ្រោះថ្នាក់ចរាចរណ៍នេះ បានបណ្ដាលឱ្យមនុស្សចំនួន៥នាក់ បានបាត់បង់ជីវិត និង២នាក់រងរបួសធ្ងន់ធ្ងរ។ អាស្រ័យហេតុនេះ លោកសុំឱ្យអ្នកបើកបរទាំងអស់ មេត្តាបើកបរប្រកបដោយការប្រុងប្រយ័ត្នជាប់ជានិច្ច ដោយមិនត្រូវវ៉ាជែងក្នុងស្ថានភាពមិនល្អ គោរពល្បឿននៃការបើកបរ មិនត្រូវបើកក្នុងស្ថានភាពដែលងងុយដេក ឬស្រវឹងឡើយ។
របាយការណ៍ពីស្នងការដ្ឋាននគរបាលខេត្ដកំពង់ស្ពឺ បានឱ្យដឹងថា ករណីរថយន្ត Alphard ក្រឡាប់នៅផ្លូវល្បឿនលឿនមានអ្នកស្លាប់នៅកន្លែងកើតហេតុ៥នាក់ និងរបួសធ្ងន់២នាក់។ របាយការណ៍បានបញ្ជាក់បន្ថែមថា រថយន្ត Alphard ពណ៍ស ដឹកមនុស្សលក្ខណៈគ្រួសារចំនួន ៧នាក់ ក្នុងគោលបំណងទៅលេងខេត្ដព្រះសីហនុ និងមានអ្នកបើកបរជាស្រ្ដី។
គ្រោះថ្នាក់ចរាចរណ៍ក្រឡាប់រថយន្ដនេះ បានកើតឡើងវេលាម៉ោង៧ និង ១២នាទីព្រឹក ថៃ្ងទី៧ ខែកុម្ភៈ ឆ្នាំ២០២៤ នៅចន្លោះគីឡូម៉ែត្រលេខ២០ ហួសច្រកចេញកំពង់ស្ពឺ កើតបន្ដិច។ ជនរងគ្រោះត្រូវបានសមត្ថកិច្ចនគរបាលអធិការដ្ឋានស្រុកសំរោងទង នៃស្នងការដ្ឋាននគរបាលខេត្ដកំពង់ស្ពឺ បាននឹងកំពុងសហការអន្ដរាគមន៍ជួយសង្គ្រោះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ