ព័ត៌មានជាតិ
នាយករដ្ឋមន្ត្រី គូសបញ្ជាក់ថា វិធានការគន្លឹះក្នុងការពង្រឹងវិស័យសុខាភិបាល មានទិសដៅចំនួន ៣ចំណុច
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា វិធានការគន្លឹះនៅក្នុងការពង្រឹងវិស័យសុខាភិបាល មានទិសដៅចំនួន ៣ចំណុច។ ការគូសបញ្ជាក់នេះ បានធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការមន្ទីរពេទ្យតេជោសែនកោះធំ នៅព្រឹកថ្ងៃទី ១៣ ខែមីនា ឆ្នាំ ២០២៤នេះ។
សម្ដេចធិបតី ហ៊ុន ម៉ាណែត បានថ្លែងថា នៅក្នុងគោលនយោបាយអាទិភាពរបស់រាជរដ្ឋាភិបាល គឺវិធានការគន្លឹះនៅក្នុងការពង្រឹងវិស័យសុខាភិបាល មានទិសដៅចំនួន ៣ចំណុច។ ទី ១. ត្រូវពង្រឹងមូលដ្ឋានគ្រឹះមន្ទីរពេទ្យ ដែលរួមមាន៖ មន្ទីរពេទ្យបង្អែក, មន្ទីរពេទ្យស្រុក និងមណ្ឌលសុខភាព។ ទី ២. ត្រូវពង្រឹង និងបង្កើនសមត្ថភាពគ្រូពេទ្យគ្រប់ថ្នាក់ ជាពិសេស ផ្តោតទៅលើគ្រូពេទ្យ នៅតាមបណ្ដាខេត្ត។ ទី ៣. ត្រូវបង្កើនភាពជាដៃគូជាមួយវិស័យឯកជន និងរដ្ឋ។
ត្រង់ចំណុចនេះទី ៣ សម្ដេចធិបតី ហ៊ុន ម៉ាណែត បានថ្លែងបញ្ជាក់ថា «នៅក្នុងវិស័យនេះ ព្រោះពេទ្យរដ្ឋមិនអាចទទួលបានទាំងអស់ទេ យើងត្រូវផ្ដល់សិទ្ធិនៅក្នុងការចូលរួម ខ្ញុំចាំកាលយើងចេញ ប.ស.ស ដំបូង ពេលនោះយើងតម្រូវឲ្យទៅពេទ្យរដ្ឋទាំងអស់ យើងអត់មានដៃគូជាវិស័យឯកជនច្រើនទេ ពេលនោះប្រជាពលរដ្ឋយើងដែលអ្នកកាន់ ប.ស.ស ទៅពេទ្យជួនកាលពិបាកចាំយូរ ដោយពេទ្យរដ្ឋយើងមានចំនួនតិច ហើយព្យាបាលអ្នកផ្សេងផងគ្រប់ទាំងអស់»។
សម្ដេចនាយករដ្ឋមន្ត្រី បានបញ្ជាក់ទៀតថា ការពង្រឹងលើវិធានការគន្លឹះក្នុងវិស័យសុខាភិបាលទាំង ៣ចំណុចខាងលើ គឺពិតមានសារៈសំខាន់ខ្លាំងណាស់ ដែលជាកម្លាំងសរុប ហើយដែលត្រូវកំណត់ស្ដង់ដារ និងគុណភាព ឲ្យបានច្បាស់លាស់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ