ព័ត៌មានជាតិ
អ្នកនាំពាក្យ ៖ ៤ ថ្ងៃ នៃពិធីបុណ្យចូលឆ្នាំថ្មី មានកម្មករ-និយោជិត ជួបគ្រោះថ្នាក់ចរាចរណ៍ ៤ ករណី
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ១៨ មេសា នេះថា ក្នុងឱកាសបុណ្យចូលឆ្នាំថ្មីប្រពៃណីជាតិ រយៈពេល ៤ ថ្ងៃ ចាប់ពីថ្ងៃទី ១៣ ដល់ ១៦ ខែមេសា ឆ្នាំ ២០២៤ មានកម្មករ-និយោជិតដែលជួបគ្រោះថ្នាក់ចរាចរណ៍ផ្លូវគោក ចំនួន ៤ ករណី ក្នុងចំណោមករណីគ្រោះថ្នាក់ចរាចរណ៍នៅទូទាំងប្រទេស។
លោកបានបន្តថា កម្មករ-និយោជិតដែលជួបគ្រោះថ្នាក់ចរាចរណ៍ផ្លូវគោក ចំនួន ៤ ករណី បានខលចូលមកខាង Hotline ប.ស.ស ហើយក៏មិនបានបញ្ជាក់ពីចំនួនជនរងគ្រោះស្លាប់ ឬ របួសប៉ុន្មាននោះទេ។
យោងតាមរបាយការណ៍របស់អគ្គស្នងការដ្ឋាននគរបាលជាតិ បានឱ្យដឹងថា ក្នុងឱកាសបុណ្យចូលឆ្នាំថ្មីប្រពៃណីជាតិ រយៈពេល ៤ ថ្ងៃ ចាប់ពីថ្ងៃទី ១៣ ដល់ ១៦ ខែមេសា ឆ្នាំ ២០២៤ មានករណីគ្រោះថ្នាក់ចរាចរណ៍នៅទូទាំងប្រទេសសរុបចំនួន ៦៤ ករណី បណ្តាលឱ្យមនុស្សចំនួន ៣៧ នាក់ ស្លាប់ និង ៨៨ នាក់ រងរបួស។ ក្នុងនោះ នៅថ្ងៃទី ១៣ ខែមេសា មានករណីគ្រោះថ្នាក់ចរាចរណ៍កើតឡើងមានចំនួនសរុប ១៧ ករណី ដែលបណ្តាលឱ្យមនុស្សស្លាប់ចំនួន ១១ នាក់ និងរបួស ២២ នាក់។ នៅថ្ងៃទី ១៤ ខែមេសា ករណីគ្រោះថ្នាក់ចរាចរណ៍មានចំនួនសរុប ១៧ ករណី មនុស្សស្លាប់ ៨ នាក់ និងរបួស ២៨ នាក់។ នៅថ្ងៃទី ១៥ ខែមេសា ករណីគ្រោះថ្នាក់ចរាចរណ៍មានចំនួនសរុប ១៨ ករណី មនុស្សស្លាប់ ១១ នាក់ និងរបួស ២៤ នាក់ និង នៅថ្ងៃទី ១៦ ខែមេសា ករណីគ្រោះថ្នាក់ចរាចរណ៍មានចំនួនសរុប ១២ ករណី មនុស្សស្លាប់ចំនួន ៧ នាក់ និងរងរបួសចំនួន ១៤ នាក់។
តួលេខនេះ បើធៀបនឹងចំនួនករណីគ្រោះថ្នាក់ចរាចរណ៍ ក្នុងឱកាសពិធីបុណ្យចូលឆ្នាំប្រពៃណីជាតិ នៅថ្ងៃទី ១៤-១៦ ខែមេសា ឆ្នាំ ២០២៣ ឃើញថា មានការកើនឡើង ដោយឆ្នាំមុនមានករណីគ្រោះថ្នាក់ចរាចរណ៍ បានកើតឡើងនៅទូទាំងប្រទេសចំនួន ៤៥ ករណី ដែលបណ្តាលឱ្យមនុស្សចំនួន ២៥ នាក់ បានស្លាប់ និងរងរបួសធ្ងន់-ស្រាលចំនួន ៩២ នាក់៕
អត្ថបទ ៖ សំអឿន
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ