ចិនចង់ឱ្យប្រជាពលរដ្ឋខ្លួនធ្វើដោះដូររថយន្ត និង ទូរទឹកកកចាស់ៗ ដើម្បីជួយសន្សំសំចៃសេដ្ឋកិច្ច​

ទីក្រុងប៉េកាំង៖​ ឧស្សាហកម្មរថយន្តអគ្គិសនី (EV) ដែលកំពុងវាយលុកពិភពលោករបស់ប្រទេសចិន ដែលកំពុងបង្ករភាពតានតឹងពាណិជ្ជកម្មកើនឡើងជាមួយសហរដ្ឋអាមេរិក និងអឺរ៉ុប ត្រូវបានកំណត់ថានឹងទទួលបានការជំរុញដ៏ធំមួយពីកិច្ចខិតខំប្រឹងប្រែងចុងក្រោយរបស់រដ្ឋាភិបាលក្នុងការបង្កើនល្បឿននៃកំណើន។

ការណ៍នេះគឺជាចំណុចដ៏សំខាន់មួយពីអ្វីដែលទីក្រុងប៉េកាំងបានបង្ហាញអំពីផែនការរបស់ខ្លួនសម្រាប់ការលើកទឹកចិត្ត​ដល់អាជីវកម្ម និងពលរដ្ឋខ្លួនឱ្យទទួលយកបច្ចេកវិទ្យាថ្មីៗនិងស្អាតជាងមុន។ វាត្រូវបានគេរំពឹងយ៉ាងមុតមាំថាជាកម្មវិធីជំរុញដ៏សំខាន់មួយក្នុងឆ្នាំ ២០២៤ ទោះបីជាសំនួរនៅតែមាន ​ថាតើរដ្ឋាភិបាលនឹងចំណាយប៉ុន្មាន។

រយៈពេលបួនខែបន្ទាប់ពីប្រធានាធិបតី Xi Jinping បានដាក់ចេញលើសំណើនេះដើម្បីជួយគ្រួសារ និងអាជីវកម្មធ្វើឱ្យប្រសើរឡើងនូវគ្រឿងម៉ាស៊ីនចាស់ៗ ប៉ុន្តែព័ត៌មានលម្អិតនៅតែមិនទាន់ច្បាស់លាស់នៅឡើយ។ នៅក្នុងសន្និសីទសារព័ត៌មានមួយកាលពីដើមខែមេសា មន្ត្រីមកពីនាយកដ្ឋានជាច្រើនបានប្រកាសអំពីរឿងនេះ​​ និងក៏បានសន្យាបន្ថែមទៀតផងដែរ។

ចំពោះការផ្លាស់ប្តូររបស់រថយន្ត និងទូរទឹកកចាស់ៗនេះវាក៏ជួយក្នុងការបង្កើនល្បឿនកំណើនសេដ្ឋកិច្ច​ ដែលបច្ចុប្បន្នត្រូវបានព្យាករណ៍ថានឹងធ្លាក់ចុះបន្តិចនៃគោលដៅរបស់ប្រទេសចិនថានឹងកើនប្រហែល ៥ភាគរយ។ ជាមួយគ្នានេះដែរ ពួកគេក៏អាចធ្វើឱ្យវាមិនសូវមានភាពច្របូកច្របល់ដោយការលើកទឹកចិត្តឱ្យការទិញនៅផ្ទះដើម្បីធ្វើឱ្យមានតុល្យភាពនៃការជំរុញការនាំចេញ។ ការណ៍នេះអាចបន្ធូរបន្ថយការព្រួយបារម្ភជាសកលមួយចំនួនអំពីភាពលើសចំណុះនៅក្នុងរោងចក្ររបស់ប្រទេសចិន។

រដ្ឋាភិបាលក្នុងតំបន់នឹងទទួលបន្ទុកលើការអនុវត្តជាក់ស្តែងលើរឿងទាំងនេះ។ ទីក្រុង Suzhou ក្នុងខេត្ត Jiangsu បានចាប់ផ្តើមរួចហើយ ដោយបានប្រកាសការឧបត្ថម្ភធនដែលមានតម្លៃ ១០០លានយន់ ​សម្រាប់រថយន្ត រហូតដល់ ៦ ពាន់​យន់ដល់អ្នកទិញម្នាក់ និង ២០ លានយន់សម្រាប់គ្រឿងប្រើប្រាស់ ឬតម្លៃអតិបរមា  ១ ៥០០ ពាន់​យន់សម្រាប់ម៉ាស៊ីននីមួយៗ​ចាប់ពីថ្ងៃទី ២០ ខែមេសាតទៅ៕