សេដ្ឋកិច្ច

ថៃ និងវៀតណាម ប្រកៀកប្រកិតគ្នាលើដំណែងលេខ២ខាងនាំចេញអង្ករទៅទីផ្សារពិភពលោក

បានផុស

២ years មុន

នៅ

ថ្ងៃសៅរ៍ ១១ ឧសភា ២០២៤

ដោយ

ប្រទេសថៃ និងវៀតណាម កំពុងប្រកៀកប្រកិតគ្នាលើដំណែងលេខ២ ក្នុងនាមជាអ្នកនាំចេញអង្ករធំជាងបំផុតនៅលើទីផ្សារពិភពលោកឆ្នាំនេះ ខណៈឥណ្ឌាដែលជាអ្នកចេញលេខ១ ហាក់ធ្លាក់ការនាំចេញរបស់ខ្លួនគួរឱ្យកត់សម្គាល់ ដោយសារតែគោលនយោបាយផ្ទៃក្នុង។ នេះបើតាមការគូសបញ្ជាក់របស់សមាគមអ្នកនាំចេញអង្ករថៃ (TREA) កាលពីថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានថៃ The Nation បានចុះផ្សាយដោយស្រង់សម្ដី TREA ដែលនិយាយថា ស្ថិតិសម្រាប់ត្រីមាសទី១នៃឆ្នាំ ២០២៤ បានបង្ហាញថា ឥណ្ឌាបាននាំចេញអង្ករច្រើនជាងគេចំនួន ៤,៣ លានតោន ធ្លាក់ចុះ ២៨,១ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។ ប្រទេសថៃ ឈរនៅលំដាប់រៀងទី១ ដោយនាំចេញអង្ករចំនួន ២,៤៦ លានតោន ក្នុងកំណើន ១៩,៤ ភាគរយ ខណៈវៀតណាមឈរនៅលេខរៀងបន្ទាប់ ដោយនាំចេញអង្ករបាន ២,១៨ លានតោន ក្នុងកំណើន ១៧,៧ ភាគរយ។

TREA បាននិយាយថា ការនាំចេញអង្កររបស់ប្រទេសឥណ្ឌាសម្រាប់រយៈពេល៣ត្រីមាសចុងក្រោយ អាចនឹងបន្តធ្លាក់ចុះបន្ថែមទៀត ខណៈមានសេចក្ដីរាយការណ៍ថា រដ្ឋាភិបាលប្រទេសនេះគ្រោងនឹងដាក់កំហិតបន្ថែមទៀតលើការនាំចេញ ដើម្បីទប់ស្កាត់ការកើនឡើងតម្លៃអង្ករក្នុងស្រុក ដែលធ្វើឱ្យប៉ះពាល់ដល់អ្នកប្រើប្រាស់។

បើតាម TREA ការនាំចេញអង្កររបស់ថៃក្នុងត្រីមាសដំបូងឆ្នាំនេះ គិតជាទឹកប្រាក់បានប្រមាណ ៥៦,៧៣ ប៊ីលានបាត ដោយកើនឡើង ៤៩ ភាគរយ បើប្រៀបធៀបនឹងឆ្នាំមុន។

សមាគមដដែល បានប៉ាន់ប្រមាណថា ការនាំចេញអង្ករក្នុងខែមេសា មានចំនួនប្រហែល ៨០០ ០០០ តោន ដែលភាគច្រើន រួមចំណែកពីការទិញអង្ករសពីប្រទេសឥណ្ឌូនេស៊ី ហ្វីលីពីន ម៉ាឡេស៊ី និងជប៉ុន។

ទន្ទឹមនឹងនោះ អង្ករផ្កាម្លិះ កំពុងមានតម្រូវការកាន់តែច្រើនពីសហរដ្ឋអាមេរិក កាណាដា ហុងកុង សិង្ហបុរី និងប្រទេសមួយចំនួនក្នុងទ្វីបអឺរ៉ុប។ TREA បានបន្ថែមថា អង្ករថៃកាន់តែមានភាពទាក់ទាញនៅក្នុងទីផ្សារពិភពលោក ដោយសារការធ្លាក់ចុះប្រាក់បាត ទោះបីជាតម្លៃអង្ករថៃនៅតែខ្ពស់ជាងគូប្រជែងបន្តិចក្ដី៕

Related Topics:ប្រទេសថៃ ប្រទេសវៀតណាម អង្ករ

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា