ធ្លាយ​ពាក្យ​ចចាមអារ៉ាមថា Baifern និង Naphat បែកគ្នាហើយ

ក្រោយ​ពី​មាន​ពាក្យ​ចចាម​អារ៉ាម​មួយ​ចំនួន​បាន​លេច​ឮ​ថា គូស្នេហ៍​ដ៏​ផ្អែមល្ហែម Nine Naphat និង Baifern Pimchanok បានផ្ដាច់ទំនាក់ទំនងលែងជាគូសង្សារ រឿងនេះ​បាន​បង្ក​ចម្ងល់​ជាច្រើន​ក្នុងចំណោម​អ្នកគាំទ្រ និង​អ្នកលេង​អ៊ីនធឺណិត​ហើយក៏ក្លាយជា​ប្រធានបទ​ក្តៅ​ក្នុង​បណ្តាញ​សង្គម​ស្ទើរតែ​ភ្លាមៗ​តែម្ដង។

ក្នុងពេលថ្មីនេះៗដែរថ្មីៗ Baifern បានបង្ហោះរូបថតញញឹមស្រស់មួយសន្លឹក តាមរយៈ Instagram ដើម្បីផ្សព្វផ្សាយផលិតផលសម្រាប់ម៉ាកយីហោ ហើយ​ក្នុង​រយៈពេល​មិន​ដល់​១​ម៉ោង​ផង​ចំនួន​អ្នក​ចូល​ចិត្ត​លើស​ពី​ជិត​១០​ម៉ឺន​ ដល់ថ្នាក់​អ្នក​គាំទ្រ​បាន​ចូល​មក​បញ្ចេញ​មតិ​យ៉ាង​គគ្រឹកគគ្រេង ពាក់ព័ន្ធនឹងការបែកគ្នារបស់អ្នកទាំងពីរថា តើជាការពិតឬយ៉ាងណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ នៅក្នុងព្រឹត្តិការណ៍ True Across Thailand នៅអគារ True Tower Ratchada នេះ Baifern បានបង្ហាញខ្លួននៅក្នុងព្រឹត្តិការណ៍ ក្នុងនាមជាអ្នកធ្វើបទបង្ហាញ។ ពេលនោះ នាងបានបដិសេធពីប្រព័ន្ធផ្សព្វផ្សាយដើម្បីឆ្លើយសំណួរអំពីទំនាក់ទំនងជាមួយមិត្តប្រុសដោយនិយាយថា “សុំទោស! ចាំសម្ភាសន៍លើកក្រោយ” មុននឹងដើរចូលទៅក្នុងជណ្តើរយន្តហើយចាកចេញទៅយ៉ាងរហ័ស។

ទោះបីជាយ៉ាងណា អ្នកគាំទ្រក៏ដូចជាមហាជនជាច្រើនបានចូលមកបញ្ចេញមតិក្នុងន័យមួយថា ពួកគេភាគច្រើនមិនចង់ឲ្យពាក្យចចាមអារ៉ាមនេះក្លាយជាការពិតទេ ព្រោះ Nai-Baifern ជាគូស្នេហ៍ដែលស័ក្តិសមបំផុត ប៉ុន្តែពួកគេចង់លើកទឹកចិត្តអ្នកទាំងពីរក្នុងពេលតែមួយ។​ អ្វី​ដែល​​អាច​ធ្វើ​បាន​ គឺ​គ្រាន់​តែ​រង់​ចាំ​ពេល​វេលា​ឲ្យគូស្នេហ៍នេះចេញ​មក​បើក​ចំហ​ឲ្យបាន​ច្បាស់​ដោយ​ខ្លួន​ឯង​ថាតើនេះគឺជារឿងពិតឬគ្រាន់តែជាពត៌មានចចាមអារ៉ាម៕

អត្ថបទ៖ សាង ស្រីល័ក្ខ

ចុចអាន៖Ploy បង្ហោះរូបបញ្ចាក់ភាពឯកា ខណៈមហាជនទាយថា នាងបែកគ្នាជាមួយមិត្តប្រុសមែនទែនហើយ