Connect with us

ព័ត៌មានជាតិ

អង្គការសម្អាតទន្លេស្រង់សំរាមជាង ៦ តោន បន្ថែម ទៀត​ ចេញពីទន្លេ

បានផុស

នៅ

អង្គការសម្អាតទន្លេ សមុទ្រ និងមន្ទីរបរិស្ថានខេត្តកណ្ដាលនៅថ្ងៃទី ១១ ខែកក្កដា ឆ្នាំ ២០២៤ បានសហការរៀបចំកម្មវិធីផ្សព្វផ្សាយការថែទាំបរិស្ថានសម្រាប់សាលា និងសហគមន៍មានភូមិសាស្រ្តជាប់ទន្លេ ដើម្បីបញ្ជៀសការបំពុលទន្លេ បន្តក្រោមបេសកកម្មសំអាតទន្លេរយ:ពេល ៥ ឆ្នាំ ឧបត្ថម្ភដោយក្រុមហ៊ុន Leader Energy Group Berhad នៅត្រង់តំបន់ទន្លេសាប ភូមិព្រែកល្វា ឃុំពញាឮ ជិតវត្តពាមសត្ថរាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីផ្សព្វផ្សាយការថែទាំបរិស្ថានទន្លេនេះមានការចូលរួមពីសំណាក់អាជ្ញាធរមូលដ្ឋាន សិស្ស យុវជន និងប្រជាពលរដ្ឋ ប្រមាណ ១៥០ នាក់ ក្នុងគោលបំណង បង្កើនចំណេះដឹងពីសារសំខាន់នៃទន្លេ ចំណេះដឹងអំពីការគ្រប់គ្រងកាកសំណល់រឹងតាមផ្ទះ សាលា ភូមិឃុំ ដើម្បីបញ្ជៀសការបំពុលទន្លេ និងចំណេះដឹងពីការលើកកម្ពស់ដើម្បីកាត់បន្ថយសំណល់ (Refuse, reduce, reuse, recycle)។

ក្រៅពីការអប់រំផ្សព្វផ្សាយ អង្គការសម្អាតទន្លេ សមុទ្រក៏បានធ្វើសកម្មភាពសំអាតសំរាមប្លាស្ទិកចេញពីចំណុចស្ពានទល់មុខវត្តពាមសត្ថរាម ដែលមានសំរាមជាច្រើន ដែលអាចនឹងហូរចូលទន្លេសាប នៅរដូវវស្សាដែលនឹងចូលមកដល់ឆាប់ៗនេះ។ ជាក់ស្ដែង អង្គការសំអាតទន្លេ សមុទ្របានសំអាត ២ លើកមកហើយ ដែលប្រមូលបានប្រមាណ ៦ តោន ស្មើនឹង ៤០ភាគរយនៃសំរាមសរុប។

លោក នូ សុវណ្ណ នាយកប្រតិបត្តិ របស់អង្គការសម្អាតទន្លេ សមុទ្រ បានឱ្យដឹងថា ចាប់តាំងពីខែមីនា ឆ្នាំ ២០២២ មកដល់ខែកក្កដា ឆ្នាំ ២០២៤ នេះ អង្គការសម្អាតទន្លេ សមុទ្រ បានប្រមូល និងស្រង់សំរាមប្រមាណ ១ ពាន់ ៨ រយតោន ចេញពីទន្លេសាប ទន្លេមេគង្គ និងទន្លេបាសាក់។

លោក នូ សុវណ្ណបញ្ជាក់ថា ជំហានបន្ទាប់ អង្គការនឹងប្រមូលសំរាមឱ្យអស់ពីក្រោមស្ពាន ដើម្បីធានាថាទន្លេ និងប្រភព​ទឹកទាំងអស់មិនត្រូវបានបំពុលដោយសំណល់ប្លាស្ទិក៕

Helistar Cambodia - Helicopter Charter Services
Sokimex Investment Group
បច្ចេកវិទ្យា៧ ម៉ោង មុន

ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង

ព័ត៌មានជាតិ១០ ម៉ោង មុន

អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព

សេដ្ឋកិច្ច១០ ម៉ោង មុន

រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ

ព័ត៌មានជាតិ១១ ម៉ោង មុន

អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ

ព័ត៌មានអន្ដរជាតិ១១ ម៉ោង មុន

ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?

Sokha Hotels

ព័ត៌មានពេញនិយម