ព័ត៌មានជាតិ
១ សប្ដាហ៍ កម្ពុជា ត្រូវការកម្លាំងពលកម្មក្នុងស្រុកជាង ៥៤ ០០០ កន្លែង
រយៈពេល ១ សប្តាហ៍ ពោលចាប់ពីថ្ងៃទី ៥ ដល់ ថ្ងៃទី ១១ ខែសីហា ឆ្នាំ ២០២៤ ខាងមុខនេះ កម្ពុជា ត្រូវការកម្លាំងពលកម្មក្នុងស្រុកជាង ៥៤ ០០០ កន្លែង សម្រាប់បម្រើទៅលើវិស័យធំៗ ចំនួន ៣ រួមមាន វិស័យឧស្សាហកម្ម សេវាកម្ម និងកសិកម្ម។
បើតាមក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា បច្ចុប្បន្ននេះក្រសួងមានតម្រូវការកម្លាំងពលកម្មចំនួន ៥៤ ១២២ កន្លែង សម្រាប់បម្រើទៅលើវិស័យធំៗ ចំនួន ៣ ក្នុងនោះ វិស័យឧស្សាហកម្មមានចំនួន ៣៩ ៨៤៩ កន្លែង វិស័យសេវាកម្មមានចំនួន ៤ ៤២២ កន្លែង និងវិស័យកសិកម្មមានចំនួន ៩ ៨៥១ កន្លែង។
ក្នុងនោះនៅខេត្តរតនគីរី មានតម្រូវការផ្នែកកសិកម្មចំនួន ៥ ២៨៦ កន្លែង។ ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម ១១ ០៨៣ កន្លែង។ ខេត្តក្រចេះមានតម្រូវការផ្នែកកសិកម្ម ៤ ០០០ កន្លែង។ រាជធានីភ្នំពេញមាន ១០ ៧៣៦ កន្លែង ក្នុងនោះផ្នែកឧស្សាហកម្ម ៩ ២១៣ កន្លែង និងផ្នែកសេវាកម្ម ១ ៥២៣ កន្លែង។ ខេត្តកំពង់ឆ្នាំងមានតម្រូវការផ្នែកឧស្សាហកម្ម ១០ ៣០០ កន្លែង។ ខេត្តស្វាយរៀងមានចំនួន ៦ ៥៤៣ កន្លែង ក្នុងនោះវិស័យឧស្សាហកម្មមាន ៥ ១២៣ កន្លែង និងសេវាកម្ម ១ ៤២០ កន្លែង។ ខេត្តកណ្តាលមានតម្រូវការកម្លាំងពលកម្មវិស័យឧស្សាហកម្ម ១ ១១០ កន្លែង។ ខេត្តតាកែវមាន ២ ៧៤៤ កន្លែង ក្នុងនោះវិស័យឧស្សាហកម្ម ២ ៧០២ កន្លែង និងសេវាកម្ម ៤២ កន្លែង។ ខេត្តបន្ទាយមានជ័យមានតម្រូវការកម្លាំងពលកម្ម ៦៥១ កន្លែង ក្នុងនោះផ្នែកវិស័យឧស្សាហកម្ម ១៣៦ កន្លែង និងសេវាកម្ម ៥១៥ កន្លែង។ ខេត្តស្ទឹងត្រែងមាន ៥៣២ កន្លែង ក្នុងនោះសេវាកម្ម ២៩ កន្លែង និងកសិកម្ម ៥០៣ កន្លែង និងខេត្តផ្សេងៗ មាន ១ ១៤៧ កន្លែង ក្នុងនោះឧស្សាហកម្មមាន ៨៩៣ កន្លែង សេវាកម្ម ៨៨៨ កន្លែង និងកសិកម្ម ៦២ កន្លែង។
ក្រសួងការងារ បានបន្តទៀតថា កម្លាំងពលកម្មជាង ៥៤ ០០០ កន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរចំនួន ៣៤ ៥២៤ កន្លែង កម្មករចម្ការដំណាំចំនួន ៩ ៥៨៦ កន្លែង កម្មករក្នុងផលិតកម្មចំនួន ២ ៩៥៩ កន្លែង អ្នកធ្វើការក្នុងកាស៊ីណូ ១ ៣៨៩ កន្លែង មន្ត្រីឥណទាន និងកម្ចីប្រាក់ ៥៩៥ កន្លែង អ្នកធ្វើការផ្នែកសិប្បកម្មខាងសម្ភារៈវាយនភណ្ឌធ្វើពីស្បែក ៥០០ កន្លែង អ្នកប្រមូលបំណុល និងអ្នកធ្វើការពាក់ព័ន្ធ ៣០៥ កន្លែង កម្មករវេចខ្ចប់ដោយដៃ ២២៥ កន្លែង អ្នករៀបចំទំនិញតាមធ្នើរក្នុងឃ្លាំង ២១៨ កន្លែង និងមុខរបរផ្សេងៗ ៣ ៣៧០ កន្លែង៕
អត្ថបទ ៖ សំអឿន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម