ព័ត៌មានជាតិ

អាជ្ញាធរសង្កាត់ចោមចៅទី ៣ សហការជាមួយរថយន្តបូមលូ ចុះដោះស្រាយបញ្ហាប្រព័ន្ធលូជូនពលរដ្ឋក្នុងភូមិព្រៃទា ១

បានផុស

២ years មុន

នៅ

ថ្ងៃចន្ទ ៧ តុលា ២០២៤

ដោយ

អាជ្ញាធរសង្កាត់ចោមចៅទី ៣ ដឹកនាំដោយ លោក វ៉ា សាវឿន ចៅសង្កាត់ បានសហការជាមួយរថយន្តបូមលូរបស់សាលារាជធានីភ្នំពេញ ចុះដោះស្រាយបញ្ហាប្រព័ន្ធលូ (បូមលូ) ជូនប្រជាពលរដ្ឋ ជៀសវាងការស្ទះនូវចរន្តទឹក ក្រោយមេឃធ្លាក់ភ្លៀងប៉ុន្មានថ្ងៃមកនេះ នៅក្នុងភូមិព្រៃទា ១ សង្កាត់ចោមចៅទី ៣ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ៧ ខែតុលា ឆ្នាំ ២០២៤ នេះ ដោយទទួលបានការជូនដំណឹងពីប្រជាពលរដ្ឋអំពីបញ្ហាប្រព័ន្ធលូកកស្ទះចរន្តទឹកមិនហូរ លោក វ៉ា សាវឿន ចៅសង្កាត់ បានសហការជាមួយរថយន្តបូមលូរបស់សាលារាជធានីភ្នំពេញ ចុះទៅធ្វើការបូមទឹក និងកាកសំណល់ចេញពីក្នុងលូធ្វើយ៉ាងណាមិនឱ្យមានផលប៉ះពាល់បន្តទៀត។

ជាមួយគ្នានេះដែរ លោក វ៉ា សាវឿន តំណាងឱ្យរដ្ឋបាលសង្កាត់ចោមចៅទី ៣ ទាំងមូល សូមថ្លែងអំណរគុណដល់ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន រួមទាំងក្រុមការងារ រាជធានីភ្នំពេញ ដែលផ្តល់រថយន្តសម្រាប់បូមលូដោះស្រាយបញ្ហាជូនប្រជាពលរដ្ឋទាន់ពេលវេលា។

លោកចៅសង្កាត់ បានសំណូមពរដល់ប្រជាពលរដ្ឋទាំងអស់ មេត្តាវេចខ្ចប់ និងទុកដាក់សំរាមក្នុងធុងសំរាមឱ្យបានត្រឹមត្រូវ រង់ចាំក្រុមហ៊ុនស៊ីនទ្រីមកប្រមូល ជៀសវាងបោះចោលអាចហើរ ឬ ធ្លាក់ចូលប្រព័ន្ធលូ បង្កឱ្យស្ទះចរន្តទឹក៕

អត្ថបទ ៖ សុខា