ព័ត៌មានជាតិ

៤ ថ្ងៃជាប់គ្នា ខេត្តព្រះសីហនុមានអត្រាអ្នកឆ្លងកូវីដទាបបំផុត ថ្ងៃខ្លះគ្មានមួយករណី

បានផុស

៥ years មុន

នៅ

ថ្ងៃសៅរ៍ ១៣ មីនា ២០២១

ដោយ

ខេត្តព្រះសីហនុ ដែលចំណុចផ្ទុះកូវីដធំបំផុតបន្ទាប់ពីរាជធានីភ្នំពេញក្នុងព្រឹត្តិការណ៍ ២០ កុម្ភៈ ប៉ុន្តែក្នុងរយៈពេល ៤ ថ្ងៃចុងក្រោយ ខេត្តច្រកដឹកជញ្ជូនដ៏សំខាន់នេះ អាចគ្រប់គ្រងស្ថានការបាន ដោយមានអត្រាអ្នកឆ្លងថ្មីទាបបំផុតជាច្រើនថ្ងៃជាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីគ្រប់គ្រងស្ថានការកុំឲ្យកាន់តែអាក្រក់ទៅ ចាប់តាំងពីផ្ទុះព្រឹត្តិការណ៍ឆ្លងសហគមន៍២០កុម្ភៈ អាជ្ញាធរខេត្តព្រះសីហនុ នៅថ្ងៃទី៤មីនា បានប្រកាសបិទខេត្តមិនឲ្យមានការចរាចរណ៍ចេញចូលទៅខេត្តក្រុងផ្សេងទៀត។

ការរិតបន្តឹងនេះ លើកលែងតែរថយន្តដឹកទំនិញដែលនៅបន្តអាចចេញចូលជាធម្មតាបាន តែត្រូវឆ្លងកាត់ការត្រួតពិនិត្យយ៉ាងតឹងរ៉ឹងបំផុត។ ក្រៅគ្រប់គ្រងចរាចរណ៍ចេញចូល ខេត្តព្រះសីហនុក្រោមការដឹកនាំរបស់លោកគួច ចំរើន ជាអភិបាលខេត្តក៏រឹតបន្តឹងអ្នកធ្វើចត្តាឡឺស័ក ដោយមានការផាកពិន័យអ្នកល្មើសបំពានវិធានសុខាភិបាលបានជាហូរហែ។

នេះជារបាយការណ៍ ៤ ថ្ងៃចុងក្រោយនៃអត្រាអ្នកឆ្លងកូវីដនៅខេត្តព្រះសីហនុពីថ្ងៃ ៩ មីនាដល់ ១២ មីនា ២០២១។

ថ្ងៃ ៩ ខែ មីនា ២០២១ (រកឃើញ ០២ នាក់)

-បុរសជនជាតិចិន អាយុ ៣០ ឆ្នាំ មានអាសយដ្ឋានស្នាក់នៅភូមិ ៣ សង្កាត់លេខ ៤ ក្រុងព្រះសីហនុ ខេត្តព្រះសីហនុ
-បុរសជនជាតិចិន អាយុ ៤០ មានអាសយដ្ឋានស្នាក់នៅខេត្តព្រះសីហនុ

ថ្ងៃ ១០ ខែ មីនា ២០២១ (រកឃើញ ០១ នាក់)

បុរសជនជាតិចិនអាយុ ៣១ ឆ្នាំ មានអាសយដ្ឋានស្នាក់នៅសង្កាត់លេខ ១ ក្រុងព្រះសីហនុ ខេត្តព្រះសីហនុ

ថ្ងៃ ១១ ខែ មីនា ២០២១ (មិនមានករណីឆ្លង)

ថ្ងៃ ១២ ខែ មីនា ២០២១ (រកឃើញ ០១ នាក់)

-ស្រ្តីជនជាតិខ្មែរអាយុ ៣៣ ឆ្នាំ មានអាសយដ្ឋានស្នាក់នៅសង្កាត់លេខ ៤ ក្រុងព្រះសីហនុ ខេត្តព្រះសីហនុ៕

អត្ថបទ៖ ប៊ុណ្ណារ៉ា

Related Topics:

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា