ព័ត៌មានអន្ដរជាតិ

យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត

បានផុស

១ year មុន

នៅ

ថ្ងៃពុធ ២២ មករា ២០២៥

ដោយ

ក្នុងរយៈពេល១៣ខែកន្លងទៅនេះ យោធាមីយ៉ាន់ម៉ាបានបណ្ដេញមនុស្សប្រហែល ៥៦០០០នាក់ដែលភាគច្រើនលើសលប់ជាជនជាតិចិន ទៅកាន់ប្រទេសនិងដែនដីអធិបតេយ្យផ្សេងៗ ដោយអ្នកត្រូវបណ្តេញចេញភាគច្រើនត្រូវបានសង្ស័យថា ជាប់ពាក់ព័ន្ធនឹងការបោកប្រាស់តាមអ៊ីនធឺណិត និងល្បែងអនឡាញ។ យោងការចេញផ្សាយរបស់ទូរទស្សន៍ជាតិជប៉ុន NHK។

(រូបភាព៖ Chinese Ministry of Public Security)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាតិបរទេសចំនួន ៥៥៧១១នាក់ទៅកាន់ប្រទេសដើមវិញនៅចន្លោះថ្ងៃទី៥ខែតុលា ឆ្នាំ ២០២៣ដល់ថ្ងៃទី១៣ខែមករាឆ្នាំ២០២៥។ ក្នុងចំណោមពួកគេ មានជាង៥៣៣០០នាក់ជាជនជាតិចិន ឬស្មើនឹងជាង៩០ភាគរយនៃចំនួនសរុប។ អ្នកដែលត្រូវបានបណ្តេញចេញទាំងនោះមកពីប្រទេសចំនួន ២៩និងដែនដីអធិបតេយ្យ នៅអាស៊ី អឺរ៉ុប និងអាហ្វ្រិក។

ក្នុងពេលកន្លងមកនេះ តារាសម្ដែងចិនម្នាក់ក៏បានបាត់ខ្លួនក្នុងទីប្រជុំជនថៃជាប់ព្រំដែនមីយ៉ាន់ម៉ាកាលពីដើមខែនេះ។ ក្រោយមកអាជ្ញាធរថៃបានកំណត់ទីតាំងរបស់គាត់នៅមីយ៉ាន់ម៉ា ហើយបាននាំគាត់ត្រឡប់ទៅប្រទេសថៃវិញដោយមានកោរសក់ទៀតផង។ ក្រុមសង្គមស៊ីវិលថៃ បាននិយាយថា វាអាចទៅរួចដែលមនុស្សជាង ៦០០០នាក់មកពី ២១ប្រទេសត្រូវបានចាប់ឃុំខ្លួនក្នុងប្រទេសមីយ៉ាន់ម៉ាគិតត្រឹមថ្ងៃទី៧ខែមករា។

យោធាមីយ៉ាន់ម៉ាហាក់ដូចជាកំពុងហៅការនិរទេសនេះថាជាសមិទ្ធិផលមួយ ខណៈចំណាត់ការនេះកើតឡើងចំពេលមានការអំពាវនាវអន្តរជាតិកាន់តែខ្លាំងឡើងសម្រាប់ខ្លួនដើម្បីដោះស្រាយឧក្រិដ្ឋកម្មដែលបានប្រព្រឹត្តមកពីប្រទេសមីយ៉ាន់ម៉ា។ជាមួយគ្នានេះអាជ្ញាធរថៃ និងចិន ដែលជាប់ព្រំដែនមីយ៉ាន់ម៉ា ក៏បាននិងកំពុងបង្កើនការប្រុងប្រយ័ត្ន និងចាត់វិធានការប្រឆាំងនឹងសកម្មភាពឧក្រិដ្ឋកម្មបែបនេះផងដែរ៕

អត្ថបទ៖ ប៊ុន សុភាព

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា