ជីវិតកម្សាន្ដ

តួប្រុសសង្ហា២រូប ដើរចេញពីប៉ុស្តិ៍លេខ៣ថៃគ្មានស្រណោះ ក្លាយជាតារាឯករាជ្យក្នុងអាជីពសម្ដែង

បានផុស

៣ សប្តាហ៍ មុន

នៅ

ថ្ងៃចន្ទ ១០ មីនា ២០២៥

ដោយ

ដំណឹងដ៏ធំដែលបានអង្រួនឧស្សាហកម្មទូរទស្សន៍ឌីជីថល វាត្រូវបានគេរាយការណ៍កាលពីថ្ងៃទី ០៦ ខែមីនា ឆ្នាំ ២០២៥ ថា ប៉ុស្តិ៍លេខ៣របស់ថៃ បានបាត់បង់តួសំខាន់២រូបដែលជាទីពេញចិត្តរបស់អ្នកគាំទ្រគឺ Nine Naphat Siangsomboon និង Tate Henry Myron សម្រេចចិត្តមិនបន្តកុងត្រាសម្ដែងជាមួយក្រុមហ៊ុននិងបានប្រកាសជាផ្លូវការពីការផ្លាស់ប្តូរទៅជាតារាសម្តែងឯករាជ្យ បន្ទាប់ពីកិច្ចសន្យាដើមបានបញ្ចប់នៅឆ្នាំ ២០២៤។

ព័ត៌មានអំពីការមិនបន្តកុងត្រារបស់តារារះពីរដួង បានបង្កឲ្យមានការភ្ញាក់ផ្អើល និងសោកស្ដាយដល់អ្នកគាំទ្រមួយចំនួនធំ។ ជាពិសេសអ្នកគាំទ្ររបស់ Myron កំពុងរង់ចាំយ៉ាងអន្ទះសារចំពោះរឿងភាគបន្ទាប់របស់គាត់ជាមួយប៉ុស្តិ៍លេខ៣។ ប៉ុន្តែ អ្នកគាំទ្រភាគច្រើនយល់ និងគោរពទាំងការសម្រេចចិត្តរបស់អ្នកទាំងពីរ។ និងត្រៀមខ្លួនផ្តល់ការគាំទ្រ និងលើកទឹកចិត្តយ៉ាងពេញទំហឹងដល់ពួកគេទាំងពីរក្នុងវិថីឆ្ពោះទៅរកភាពជាតារាឯករាជ្យ។ ម៉្យាងវិញទៀត ក្លាយជាតារាសម្តែងឯករាជ្យ នេះជាឱកាសដ៏ល្អសម្រាប់ Naphat និង Myron ក្នុងការចាប់យកតួនាទីចម្រុះ និងអភិវឌ្ឍសក្តានុពលសម្ដែងរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nine Naphat ជាតារាសម្ដែងវ័យក្មេងមានមន្តស្នេហ៍ និងជាកូប្រុសតែមួយរបស់តារាសម្ដែងស្រីដ៏មានទេពកោសល្យ Pimpaka Siangsomboon នាងបានចាប់ផ្តើមអាជីពក្នុងវិស័យសិល្បៈដោយធ្វើម៉ូដែល និងផ្សាយពាណិជ្ជកម្ម។ មុនពេលដែលលោកបង្ហាញសក្ដានុពលរបស់ខ្លួន លោកជាតារាដែលកំពុងរះក្នុងរឿងមនោសញ្ចេតនាដ៏កក់ក្តៅ «A Gift» កាលពីឆ្នាំ ២០១៦។ ក្រោយមកក្នុងឆ្នាំ ២០១៧ លោកបានចុះកិច្ចសន្យាធ្វើជាតួសម្តែងនៅប៉ុស្តិ៍លេខ៣ និងទទួលបានឱកាសបង្ហាញជំនាញក្នុងរឿងភាគជាច្រើនដូចជារឿង Rak Kan Panlawan, Tee Krai Tee Mun, A Tale of Ylang Ylang ដែលបានចាប់គូជាមួយនឹង Baifern ព្រមទាំងរឿងភាគចុងក្រោយក្នុងប៉ុស្តិ៍លេខ៣ «Nobody’s Happy If I’m Not» ដែលសម្តែងជាមួយ Taew Natapohn ។

យ៉ាងណា ក្រោយកុងត្រាជាមួយប៉ុស្ដិ៍លេខ៣ផុតកំណត់ Naphat បានប្រកាសពីសេរីភាពក្នុងការងារ។ លោកបានលើកឡើងពីបំណងចង់បើកខ្លួនឲ្យទទួលបានបទពិសោធថ្មីៗ និងស្វែងរកការប្រជែងផ្សេងៗក្នុងអាជីពសម្ដែងផ្ទាល់ខ្លួនហើយលោកក៏កំពុងត្រៀមបើកប៉ុស្តិ៍ YouTube ផ្ទាល់ខ្លួនដើម្បីប្រើប្រាស់ជាប៉ុស្តិ៍ទំនាក់ទំនង និងអាប់ដេតការងារឲ្យអ្នកគាំទ្រតាមដានយ៉ាងជិតស្និទ្ធ។ លើសពីនេះលោកក៏បានបង្កើតអារម្មណ៍តាមរយៈការទទួលយកតួនាទីក្នុងរឿងខ្នាតធំ «Gangster 2499 The Musical» ដែលចាត់ទុកថាជាតួនាទីសំខាន់ និងជាការសាកល្បងសមត្ថភាពសម្តែងនៅលើឆាក។

ដោយឡែក ងាកមកកាន់ Tate Henry Myron តួឯកប្រុសល្បីឈ្មោះក្នុងរឿង «Duangjai Dhevaprom» បានប្រែក្លាយជាតារាសម្ដែងក្រៅភ្នាក់ងាររបស់ខ្លួន មិនខុសពីរៀមច្បង Naphat ដែរ។

**តារាសម្ដែងប្រុស** **Tate Henry Myron**

Myron ជាតារាសម្ដែងថៃអង់គ្លេសអាយុ ២១ ឆ្នាំ ដែលបច្ចុប្បន្នកំពុងសិក្សានៅមហាវិទ្យាល័យសិល្បៈនៃ សាកលវិទ្យាល័យ Chulalongkorn ។ ចាប់ផ្ដើមប្រឡូកលើវិស័យកម្សាន្តដំបូងក្នុងនាមជាតារាម៉ូដែល និងផ្តើមអាជីពសម្តែងក្នុងស៊េរីរឿង “XYZ” នាឆ្នាំ ២០២១ និងបានចុះកិច្ចសន្យាក្លាយជាតារាសម្តែងជាមួយប៉ុស្តិ៍លេខ៣ ក្នុងឆ្នាំ ២០២២។ មិនយូរប៉ុន្មាន លោកបានទទួលបានឱកាសមាសក្នុងតួនាទីជាម៉មហ្លួង Ronnajak Chutathep ក្នុងរឿងភាគរឿង «Duangjai Dhevaprom» ដែលធ្វើឲ្យឲ្យកេរ្តិ៍ឈ្មោះរបស់លោកឡើងសន្ទុះ ហើយបានក្លាយជាតារារះរបស់ប៉ុស្តិ៍លេខ ៣ យ៉ាងឆាប់រហ័ស។

ទោះបីជាអាជីពកើនឡើងស្រីតៗយ៉ាងណាក្ដី តារាប្រុសវ័យ២១ឆ្នាំក៏មានគំនិតមិនខុស Naphat ដែរ ក្រោយកុងត្រាផុតកំណត់ Myron សម្រេចចិត្តក្លាយជាតារាឯកភាព ដើម្បីបើកឱកាសការងារកាន់តែសម្បូរបែប លោកចាប់ផ្ដើមសម្ដែងដោយសម្ដែងក្នុងរឿងខ្នាតធំ «Gangster 2499 The Musical» រួមជាមួយ Naphat។ ក្រៅពីនេះ លោកក៏មានរឿងភាគមួយដែលពេលនេះកំពុងតែត្រៀមថតដែរ។ ទន្ទឹមនោះ ក៏លេចឮព័ត៌មានថា តួវ័យក្មេងកូនកាត់ នឹងចូលរួមសម្តែងជាមួយប៉ុស្តិ៍ One31 ក្នុងរឿងភាគមួយផ្សេងដែរ៕