កីឡា
លោក Muñoz សរសើរ វិសាខា លេងបានល្អខ្លាំងយប់មិញ
ក្រុមព្រះខ័នរាជស្វាយរៀងបានចាញ់លើកទី៣ ក្នុងលីគកំពូលកម្ពុជា រដូវកាល២០២៤-២៥ បន្ទាប់ពីចាញ់ក្រុមវិសាខា ដោយលទ្ធផល ១-២ នៅក្នុងដីរបស់ខ្លួន ក្នុងសប្តាហ៍ទី២៣ កាលពីថ្ងៃទី៩ ខែមីនា ឆ្នាំ២០២៥។
ជ័យជម្នះរបស់វិសាខា ត្រូវបានលោក Josep Muñoz គ្រូបង្វឹកព្រះខ័នរាជស្វាយរៀង កោតសសរសើរពីទម្រង់លេងដ៏ល្អ និងមានការជឿជាក់ដែលស័ក្តិសមទទួលបានជ័យជម្នះ។ ផ្ទុយទៅវិញ ក្រុមរបស់លោកលេងមិនសូវបានល្អឡើយ។
លោកបាននិយាយថា ៖«ពួកគេពិតជាលេងបានល្អថ្ងៃនេះ ពួកយើងគ្មានលេសអ្វីដោះសាទេ ពីព្រោះវិសាខាពិតជាលេងបានល្អមែន។ តាំងពីនាទីដំបូង វិសាខា ចាប់ផ្តើមបានល្អ គេមានមហិច្ឆតាខ្លាំងជាងយើង ហើយទីបំផុតពួកគេទទួលបានជោគជ័យ»។
លោកបានបន្តថា ៖«ការប្រកួតនេះប្រធាន វិសាល មានបញ្ហាសាច់ដុំតិចតូច ហើយ Riyo ចូលក្នុងវគ្គទី២ដោយសារគាត់មានបញ្ហាសាច់ដុំ។ សម្រាប់ Matheus អត់ទាន់មានកម្លាំងលេង៩០នាទីពេញទេ។ ក្រៅពីនេះ កីឡាករយើងផ្សេងព្រៗអត់មានបញ្ហាអ្វីឡើយ។ សម្រាប់វិសាខាដូចខ្ញុំនិយាយពីដំបូងអីចឹង ពួកគាត់មានភាពស្រស់ស្រាយ មានទំនុកចិត្តក្នុងការលេង ហើយជឿជាក់តាំងពីចាប់ពីដំបូងរហូតដល់ចុងបញ្ចប់»។
នេះជាការចាញ់លើកទី៣ ក្នុងលីគរបស់ព្រះខ័នរាជស្វាយរៀង។ ក្នុងនោះព្រះខ័នរាជស្វាយរៀងបានចាញ់វិសាខា ដល់ទៅ២ដងក្នុងជំនួប៣លើកចុងក្រោយ។ លើកទី១ វិសាខា បានយកឈ្នះ ព្រះខ័នរាជស្វាយរៀង ដោយលទ្ធផល ១-០ នៅទឹកដីរបស់ខ្លួន។ លើកទី២ ព្រះខ័នរាជស្វាយរៀង បានយកឈ្នះ ១-០ វិញ នៅទឹកដីខេត្តស្វាយរៀង ហើយជួបគ្នាលើកទី៣បានចាញ់ ១-២។ បរាជ័យមួយលើកទៀតរបស់ព្រះខ័នរាជស្វាយរៀង គឺនៅទឹកដីភ្នំពេញក្រោន ៤-៣។
ទោះបីជាយ៉ាងណា ព្រះខ័នរាជស្វាយរៀង នៅតែបន្តឈរលើកំពូលតារាងដោយមាន៥៨ពិន្ទុ នាំមុខ១ពិន្ទុលើក្រុមលេខ២ ភ្នំពេញក្រោន ដែលមាន៥៧ពិន្ទុ។ វិសាខា ស្ថិតនៅលេខ៣មាន៥៣ពិន្ទុ។
លទ្ធផល២៣ប្រកួតរបស់ ព្រះខ័នរាជស្វាយរៀង ក្នុងលីគរដូវកាលនេះ
- ឈ្នះ ក្រសួងការពារជាតិ ៧-០
- ឈ្នះ ដង្កោសែនជ័យ ៤-១
- ឈ្នះ គិរីវង់សុខសែនជ័យ ៦-១
- ចាញ់ វិសាខា ០-១
- ឈ្នះ ណាហ្គាវើលដ៍ ២-០
- ចាញ់ ភ្នំពេញក្រោន ៣-៤
- ឈ្នះ អង្គរថាយហ្គឺរ ៤-២
- ឈ្នះ បឹងកេត ២-១
- ស្មើ ក្រសួងការពារជាតិ ០-០
- ឈ្នះ ដង្កោសែនជ័យ ៦-០
- ឈ្នះ ឡាយហ្វ ព្រះសីហនុ ២-០
- ឈ្នះ គិរីវង់សុខសែនជ័យ ៦-០
- ឈ្នះ ក្រសួងមហាផ្ទៃ ៥-០
- ឈ្នះ វិសាខា ១-០
- ឈ្នះ ណាហ្គាវើលដ៍ ២-០
- ឈ្នះ បឹងកេត ២-០
- ឈ្នះ ភ្នំពេញក្រោន ៣-១
- ឈ្នះ អង្គរថាយហ្គឺរ ៣-២
- ឈ្នះ ឡាយហ្វ ព្រះសីហនុ ៣-១
- ឈ្នះ ក្រសួងមហាផ្ទៃ ៥-០
- ឈ្នះ បឹងកេត ១-០
- ឈ្នះ អង្គរថាយហ្គឺរ ៥-២
- ចាញ់ វិសាខា ១-២
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ