ព័ត៌មានអន្ដរជាតិ

ភ័យខ្លាចសង្គ្រាមព្រំដែនជាមួយមីយ៉ាន់ម៉ា ថៃកំពុងបង្រៀនក្មេងឲ្យចេះក្រាបលូន

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

កម្លាំងយាមល្បាតព្រំដែនភាគខាងជើងប្រទេសថៃបានកំពុងបង្រៀនក្មេងឲ្យចេះក្រាបលូន និងការពារខ្លួន ដើម្បីត្រៀមសម្រាប់ការប្រយុទ្ធណាមួយ ប្រសិនបើជម្លោះវាងកម្លាំងទ័ពមីយ៉ាន់ម៉ា និងជនជាតិភាគតិចអាចកើតមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិស្សសាលាបឋមសិក្សាថៃបានកំពុងហ្វឹកហាត់សមយុទ្ធជម្លៀសកាលពីចុងសប្តាហ៍នេះ និងឲ្យពួកគេត្រៀមខ្លួនសម្រា់ការប៉ះទង្គិចនៅពេលក្រុមជនជាតិភាគតិចបានប្រឆាំងនឹងយោធាមីយ៉ានម៉ាចាប់តាំងរដ្ឋប្រហារថ្ងៃទី១ កុម្ភៈ និងបានប្រើកម្លាំងឃោឃៅលើអ្នកតវ៉ា។

វីដេអូមួយបានបង្ហាញថា សិស្សកំពុងហ្វឹកហាត់នៅទីធ្លាសាលារៀនមួយក្នុងខេត្ត Mae Hong Son តាមការបញ្ជារបស់ទាហានល្បាតដែលស្ថិតក្នុងឯកសណ្ឋាន និងមួកប៉េរេដែលបានបង្ហាញពីបច្ចេកទេសដើម្បីការពារខ្លួន និងសុវត្ថិភាពពីគ្រាប់កាំភ្លើង។

ក្រុមប្រដាប់អាវុធជនជាតិភាគតិចជាងពីរក្រុមកំពុងសកម្មនៅព្រំដែនមីយ៉ាន់ម៉ា ខណៈសហភាពជនជាតិ Karen ជាក្រុមមួយលេចធ្លោបំផុតបានប្តេជ្ញាគាំទ្រចលនាប្រឆាំងនឹងរដ្ឋប្រហារ។

អាជ្ញាធរថៃបានកំពុងប្រុងប្រៀបទប់ស្កាត់ជនភៀសខ្លួន និងរៀបចំទីកន្លែងសម្រាប់មនុស្សជាង ៤៣០០០នាក់នៅស្រុក Mae Sot។

រដ្ឋប្រហារបានធ្វើឲ្យប៉ះពាល់ដល់ការប្តេជ្ញាចិត្តរបស់យោធាទៅលើកិច្ចព្រមព្រៀងឈប់បាញ់គ្នាទូទាំងប្រទេសជាមួយកម្លាំងឧទ្ទាម ដែលមានប្រវត្តិជម្លោះជូរចត់យូរណាស់មកហើយ៕

ប្រែសម្រួល៖ វីរបុត្រ
ប្រភព៖ bangkokpost