ព័ត៌មានអន្ដរជាតិ

ថៃនឹងប្រឈមខ្វះថាមពល បើអ៊ីរ៉ង់បិទច្រកនាំប្រេង Hormuz ក្នុងជម្លោះនឹងអ៊ីស្រាអែល

បានផុស

១២ ខែ មុន

នៅ

ថ្ងៃអង្គារ ២៤ មិថុនា ២០២៥

ដោយ

ប្រទេសថៃអាចប្រឈមមុខនឹងការរំខានផ្នែកថាមពលខ្លាំង ប្រសិនបើអ៊ីរ៉ង់អនុវត្តវិធានការបិទច្រកដឹកជញ្ជូនឆ្លងកាត់ប្រេងនៅមជ្ឈឹមបូព៌ាទៅកាន់ក្នុងសកលលោក បន្ទាប់ពីសភានៃសាធារណៈរដ្ឋអ៊ីស្លាមនេះបានអនុម័តដើម្បីបិទច្រកសមុទ្រ Hormuz។

ទង់ជាតិថៃនៅទីក្រុងបាងកក។ រូបភាព asian-power

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសថៃត្រូវបានរាយការណ៍ថា បានពឹងផ្អែកលើការនាំចូលថាមពលយ៉ាងច្រើនពីតំបន់មជ្ឈិមបូព៌ា ដោយប្រហែលជាង៣០ភាគរយ (ឬមួយភាគបី) នៃការនាំចូលថាមពលរបស់ខ្លួន បានឆ្លងកាត់ផ្លូវទឹកយុទ្ធសាស្ត្រមួយនេះ។ នេះបើយោងតាមវិទ្យាស្ថានស្រាវជ្រាវអភិវឌ្ឍន៍ប្រទេសថៃ (TDRI)។
.
តាមការផ្សាយរបស់សារព័ត៌មាន The Nation លោកបណ្ឌិត Areeporn Asawinpongphan ដែលជាអ្នកស្រាវជ្រាវឯកទេសខាងគោលនយោបាយថាមពលនៅ TDRI បានព្រមានកាលពីថ្ងៃចន្ទថា ខណៈពេលដែលសភារបស់ប្រទេសអ៊ីរ៉ង់បានអនុម័តវិធានការឲ្យបិទច្រកសមុទ្រ Hormuz វានៅតែតម្រូវឱ្យមានការផ្តល់សច្ចាប័នពីក្រុមប្រឹក្សាសន្តិសុខជាតិជាន់ខ្ពស់ និងមេដឹកនាំកំពូលរបស់ប្រទេស មុនពេលច្បាប់នោះចូលជាធរមាន។
.
ច្រកសមុទ្រ Hormuz បម្រើជាផ្លូវដឹកជញ្ជូនថាមពលសកលដ៏សំខាន់សម្រាប់ទាំងប្រេង និងឧស្ម័ន ដែលស្មើនឹង 30% នៃការដឹកជញ្ជូនថាមពលទូទាំងពិភពលោក។
.
ប្រសិនបើអ៊ីរ៉ង់បន្តបិទច្រកសមុទ្រនេះ តម្លៃប្រេងអាចឡើងលើសពី ១០០ ដុល្លារក្នុងមួយបារ៉ែលពីកម្រិតបច្ចុប្បន្ន ៧៧-៨០ ដុល្លារក្នុងមួយបារ៉ែល។ ទោះបីជាអ្នកជំនាញជឿថា ការរំខាននេះអាចមានរយៈពេលខ្លីប៉ុណ្ណោះ ដោយសារតែផលប៉ះពាល់លើខ្សែសង្វាក់ផ្គត់ផ្គង់ពិភពលោក និងការដឹកជញ្ជូន៕

រូបភាពបង្ហាញពីច្រកសមុទ្រ Hormuz ដែលអ៊ីរ៉ង់កាន់កាប់។ REUTERS

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា