ព័ត៌មានអន្ដរជាតិ
នាយករដ្ឋមន្ត្រី ផែថងថាន ត្រូវបានព្យួរអំណាច ចំពេលស្តេចថៃតែងតាំងគណៈរដ្ឋមន្ត្រីថ្មី
តុលាការធម្មនុញ្ញនៅរសៀលថ្ងៃអង្គារនេះ សម្រេចព្យួរតួនាទីរបស់នាយករដ្ឋមន្ត្រី ផែថងថាន ស៊ីណាវ៉ាត្រ (Paetongtarn Shinawatra) តាមរយៈការបោះឆ្នោតដោយចៅក្រមតុលាការធម្មនុញ្ញ៩រូប ក្នុងនោះ ចៅក្រម៧រូបបានឆ្នោតឲ្យផ្អាកតួនាទីនាយករដ្ឋមន្ត្រី ខណៈ២រូបទៀតបានបោះឆ្នោតប្រឆាំង។
ការសម្រេចរបស់ក្រុមប្រឹក្សាចៅក្រមតុលាការធម្មនុញ្ញនាពេលនេះ ធ្វើឡើងតាមបណ្តឹងពីសមាជិកព្រឹទ្ធសភាចំនួន ៣៦រូប ដោយចោទប្រកាន់លោកស្រី ផែថងថាន ស៊ីណាវ៉ាត្រ ជុំវីញការបំពានរដ្ឋធម្មនុញ្ញ ដោយសារការបែកធ្លាយវីដេអូឃ្លីបនៃការសន្ទនាជាមួយសម្តេច ហ៊ុន សែន ប្រធានព្រឹទ្ធសភាកម្ពុជាកាលថ្ងៃទី១៧ខែមិថុនា។
ការសម្រេចរបស់តុលាការធម្មនុញ្ញនេះកើតឡើងតែមួយថ្ងៃប៉ុណ្ណោះ បន្ទាប់ពីព្រះមហាក្សត្រថៃបានចេញព្រះរាជក្រឹត្យតែងតាំងការរុះរើគណៈរដ្ឋមន្ត្រីរបស់លោកស្រីកាលថ្ងៃទី៣០ខែមិថុនា និងត្រូវបានប្រព័ន្ធផ្សព្វផ្សាយចុះផ្សាយនៅថ្ងៃអង្គារ៍ទី១កក្កដានេះដូចគ្នា។
បន្ទាប់ពីការព្យួរតំណែងនេះ ឧបនាយករដ្ឋមន្ត្រី និងជារដ្ឋមន្ត្រីដឹកជញ្ជួន លោក សូរិយា ជុនហ្គ្រុនហ្គ្រីងគីត Suriya Jungrungreangkit មកពីគណបក្សភឿថៃនឹងកាន់តំណែងជានាយករដ្ឋមន្ត្រីស្តីទី។
អតីតឧបនាយករដ្ឋមន្ត្រីក្រសួងការពារជាតិ លោក Phumtham Wechayachai មិនអាចធ្វើជានាយករដ្ឋមន្ត្រីស្តីទីទេ ដោយសារលោកត្រូវបានដកចេញពីតំណែងជាឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិទៅកាន់តំណែងជារដ្ឋមន្ត្រីក្រសួងមហាផ្ទៃ ហើយលោកត្រូវរង់ចាំពិធីស្បថចូលកាន់តំណែងមុននឹងលោកអាចចូលកាន់តំណែងជាផ្លូវការបាន។
លោកស្រី ផែថងថាន នឹងក្លាយជារដ្ឋមន្ត្រីក្រសួងវប្បធម៌វិញ បន្ទាប់ពីពិធីស្បថចូលកាន់តំណែងនៅថ្ងៃព្រហស្បតិ៍ខាងមុខនេះ៕
រ៉ាន់ រើយ
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ