ព័ត៌មានជាតិ
មិនស្តាប់អាជ្ញាធរ បើកបរបំពានបម្រាមគោចរទាំងយប់ ឃាត់ទុក ១៤ ថ្ងៃទើបឲ្យទៅយកនៅខណ្ឌ
ភ្នំពេញ៖ លោកវរសេនីយឯក សានសុខសីហា អ្នកនាំពាក្យស្នងការនគរបាលរាជធានីភ្នំពេញមានប្រសាសន៍នៅព្រឹកថ្ងៃទី០៤មេសានេះថា ចាប់ពីម៉ោង៨យប់ថ្ងៃទី០២ដល់ម៉ោង៥ទៀបភ្លឺ ថ្ងៃទី០៣ខែមេសា សមត្ថកិច្ចចម្រុះបានធ្វើការឃាត់យានយន្តល្មើសបម្រាមគោចររបស់សាលារាជធានីភ្នំពេញចំនួនសរុបចំនួន ៨២ គ្រឿងក្នុងនោះម៉ូតូ ៦៩ គ្រឿង រថយន្តចំនួន ១៣ គ្រឿង។
ម៉ូតូនិងរថយន្តទាំង៨២គ្រឿងនោះ ត្រូវបានសមត្ថកិច្ចយកទៅរក្សាទុកនៅតាមអធិការដ្ឋានខណ្ឌនីមួយៗរយៈពេល ១៤ថ្ងៃទើបប្រគល់ជូនម្ចាស់វិញ។ ចំណែកអ្នកបើកបរល្មើសនឹងបម្រាមគោចរត្រូវអនុវត្តទៅតាមគោលការណ៍ណែនាំរបស់សាលារាជធានីភ្នំពេញ ដោយតម្រូវឲ្យធ្វើចត្តាឡីស័កនៅតាមផ្ទះរៀងៗខ្លួនរយៈពេល១៤ ដោយមានការត្រួតពិនិត្យយ៉ាងតឹងរ៉ឹងពីអាជ្ញាធរមូលដ្ឋាន។
លោកបានបន្តទៀតថា នៅថ្ងៃទី០២ដែលជាថ្ងៃដំបូងនៃការនុវត្តវិធានការរបស់សាលារាជធានីភ្នំពេញមានយានយន្តដែលល្មើសនឹងបម្រាមគោចរចំនួន ៧៣ គ្រឿងក្នុងនោះមានម៉ូតូចំនួន ៦៥ គ្រឿងនិងរថយន្តចំនួន ៨ គ្រឿង។
យ៉ាងណាក៏ដោយ អ្នកនាំពាក្យនោះបានបន្ថែមថាប្រជាពលរដ្ឋភាគច្រើនបានដឹងអំពីបម្រាមគោចរនេះ ហើយបានចូលរួមគោរព និងសហការបានយ៉ាងល្អដោយមិនចេញពីផ្ទះបើមិនមានការចាំបាច់ ។ មានតែប្រជាពលរដ្ឋចំនួនតិចតួចបំផុតដែលល្មើសនឹងបម្រាមនេះ គោលចរនេះ។
លោកសង្ឃឹមជឿជាក់ថាចាប់ពីយប់នេះទៅនិងបន្តបន្ទាប់ទៀត បងប្អូនប្រជាពលរដ្ឋនឹងអនុវត្តតាមបម្រាមគោចរនេះ ជាពិសេសចំនួនអ្នកល្មើសនឹងថយចុះពីមួយថ្ងៃទៅមួយថ្ងៃដើម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវី១៩ ។
គួរបញ្ជាក់ថាវិធានការរដ្ឋបាលបណ្តោះអាសន្នដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្ររាជធានីភ្នំពេញនេះមានរយៈពេល២សប្តាហ៍ គឺចាប់ពីថ្ងៃទី០១ ខែមេសានេះ រហូតដល់ថ្ងៃទី១៤ ខែមេសាឆ្នាំ២០២១៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
សន្តិសុខសង្គម៧ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា១ សប្តាហ៍ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៥ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ១ សប្តាហ៍ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៧ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៥ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានអន្ដរជាតិ៦ ថ្ងៃ ago
មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង