ព័ត៌មានជាតិ
រោងចក្រធំៗជាង ២០០ ជាមួយទុនជាង ២ ៩៦៤ លានដុល្លារអាមេរិក កំពុងដំណើរការនៅខេត្តព្រះសីហនុ
នៅខេត្តព្រះសីហនុបច្ចុប្បន្នមានរោងចក្រចំនួន ២០៣ រោងចក្រ កំពុងបើកដំណើរការជាមួយទុនវិនិយោគសរុបប្រមាណជាង ២ ៩៦៤ លានដុល្លារអាមេរិក។
លោក ឡុង ឌីម៉ង់ អភិបាលរងខេត្តព្រះសីហនុបានឲ្យដឹងថា ខេត្តព្រះសីហនុបច្ចុប្បន្នមានរោងចក្រចំនួន ២០៣ កំពុងបើកដំណើរការ ក្នុងនោះនៅតំបន់សេដ្ឋកិច្ចពិសេសមានចំនួន ១៥៩ រោងចក្រ និងនៅក្រៅតំបន់សេដ្ឋកិច្ចពិសេសមានចំនួន ៤៤ រោងចក្រ។
រោងចក្រចំនួន ២០៣ សរុបមានទុនវិនិយោគជាង ២ ៩៦៤ លានដុល្លារ ដែលបានបង្កើតការងារបានប្រមាណ ៥៨ ៦១៨ កន្លែង។
តំបន់សេដ្ឋកិច្ចពិសេសខេត្តព្រះស៊ីហនុប្រមូលផ្តុំដោយរោងចក្រឧស្សាហកម្មធំៗដូចជា គ្រឿងបន្លាស់រថយន្ត គ្រឿងអេឡិចត្រូនិក ការផលិតសំបកកង់រថយន្ត និងដំឡើងរថយន្ត និងកង់ជាដើម។
បើតាមលោក ឡុង ឌីម៉ង់ តំបន់សេដ្ឋកិច្ចពិសេសចំនួន ៥ ដែលកំពុងដំណើរការក្នុងខេត្តព្រះសីហនុ មានតំបន់សេដ្ឋកិច្ចពិសេសក្រុងព្រះសីហនុ តំបន់សេដ្ឋកិច្ចពិសេសកំពង់ផែស្វយ័តក្រុងព្រះសីហនុ តំបន់សេដ្ឋកិច្ចពិសេសចេជាង តំបន់សេដ្ឋកិច្ចពិសេសហ្គ្រេនបូកគោ និងតំបន់សេដ្ឋកិច្ចពិសេសខេមបូឌាន ស៊ីណូមេធលលីក មេធៀរៀល អ៊ិនដាសស្ទៀល ផាក (CAMBODIAN SINO METALLIC MATERIAL INDUSTRIAL PARK)។
លោក ឡុង ឌីម៉ង់បានឲ្យដឹងថា ក្រៅពីតំបន់សេដ្ឋកិច្ចពិសេសទាំង ៥ ក្នុងខេត្តក៏មានសហគ្រាសធុនតូច និងមធ្យម និងសិប្បកម្មមានចំនួនប្រមាណ ១ ១៩០ មូលដ្ឋាន ដែលបានបង្កើតការងាររាប់ពាន់កន្លែងថែមទៀតសម្រាប់ពលរដ្ឋក្នុងមូលដ្ឋាន។
រដ្ឋាភិបាលកម្ពុជាបានដាក់ផែនការប្រែក្លាយខេត្តព្រះសីហនុជាតំបន់សេដ្ឋកិច្ចពហុបំណង។ ផែនការមេអភិវឌ្ឍខេត្តព្រះសីហនុជាតំបន់សេដ្ឋកិច្ចពិសេសពហុបំណង គឺជាគម្រោងវិនិយោគដ៏ធំមួយរបស់រាជរដ្ឋាភិបាល ដើម្បីរៀបចំខេត្តព្រះសីហនុ ដោយមានការសិក្សាវិភាគ និងបែងចែកតំបន់អភិវឌ្ឍសេដ្ឋកិច្ចទៅតាមតំបន់សក្តានុពលនីមួយៗ។
ផែនការមេក្នុងការប្រែក្លាយខេត្តសីហនុជាតំបន់សេដ្ឋកិច្ចពហុបំណងដោយរួមបញ្ចូលទាំងការកសាងហេដ្ឋារចនាសម្ព័ន្ធ ការរៀបចំបែងចែកតំបន់ស្នូលសម្រាប់ការអភិវឌ្ឍដូចជាតំបន់កម្មន្តសាល ឡូជីស្ទិក តំបន់កសិឧស្សាហកម្ម និងតំបន់អេកូទេសចរណ៍ពិសិដ្ឋ។
ដើម្បីសម្រេចផែនការមេនេះត្រូវការកៀគរទុនវិនិយោគប្រមាណ ២០ ពាន់លានដុល្លារអាមេរិក។ នេះបើតាមលោក ជា កុកហុង ប្រធានលេខាធិការដ្ឋានផែនការមេអភិវឌ្ឍខេត្តព្រះសីហនុ។
លោកគូសបញ្ជាក់ថា គោលដៅធំរបស់រដ្ឋាភិបាលគឺនៅរយៈពេល ១៥ ឆ្នាំទៀតនេះ ប្រែក្លាយខេត្តព្រះសីហនុទៅជាមជ្ឍមណ្ឌលឡូជីស្ទិក និងជាទីក្រុងទេសចរណ៍និងឧស្សាហកម្មដ៏ល្បីល្បាញមួយនៅអាស៊ាន៕
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម