វប្បធម៌ ជំនឿ
អត្ថន័យល្អ និងអាក្រក់ ចំពោះការប្រើសម្ភារពណ៌ក្រហមក្នុងជីវភាពប្រចាំថ្ងៃ
ពណ៌ក្រហម ខាងផ្នែកចិត្តសាស្ត្រជាពណ៌តំណាងឱ្យភាពក្លៀវក្លា ពុះកញ្ច្រោល និងភាពរុងរឿងនៃជីវិត។
ផ្អែកតាមទ្រឹស្ដីចិត្តវិទ្យា មនុស្សប្រុសដែលស្រឡាញ់ពណ៌ក្រហម ច្រើនតែជាមនុស្សឆេវឆៅ ចិត្តដាច់ យល់តែពីអារម្មណ៍ខ្លួនឯង ប៉ុន្តែជាបុរសដែលពោរពេញដោយថាមពលខ្លាំងផ្នែករាងកាយនិងផ្លូវចិត្ត ព្រមទាំងជាបុរសដែលមានអនុភាពអាថ៌កំបាំងម្យ៉ាងអាចទាញបានការរាប់អានពីមនុស្សក្បែរខ្លួន។
ដោយឡែកសម្រាប់មនុស្សស្រីស្រឡាញ់ពណ៌ក្រហម ជានារីដែលមានភាពទាក់ទាញខ្ពស់ពីអ្នកជុំវិញខ្លួន ជាពិសេសភេទផ្ទុយតែម្ដង។ នាងរមែងឆក់បានការចូលចិត្តពីមនុស្សប្រុស និងធ្វើឲ្យពួកគេឆាប់ធ្លាក់ក្នុងអន្លង់ស្នេហ៍របស់នាង។
យ៉ាងណាមិញ ពណ៌ក្រហមក៏ជាពណ៌ហុងស៊ុយពេញនិយមនៅតាមបណ្ដាប្រទេសជាច្រើនលើលោក ជាពិសេសប្រទេសចិន និងឥណ្ឌា។
ពណ៌នេះ ត្រូវបានជនជាតិចិនជំនាន់មុន តមកដល់បច្ចុប្បន្នចាត់ទុកជាពណ៌នៃសេចក្តីសុខ និងសុភមង្គល។ ដោយឡែកនៅប្រទេសឥណ្ឌាគេចាត់ក្រហមជានិមិត្តរូបនៃភាពបរិសុទ្ធ ។
ក្រៅពីនោះ ការប្រើប្រាស់ពណ៌ក្រហមនៅក្នុងជីវភាពប្រចាំ អាចទាយដឹងពីរាសីល្អអាក្រក់បានទៀតផង។
ផ្កាក្រហម៖ អំណោយផ្កាក្រហមឆ្អិនឆ្អៅ ឬតាំងលម្អផ្កាពណ៌នេះលើតុ បង្ហាញពីថាមពលខ្លាំងក្លា និងទាក់ទាញក្ដីស្រឡាញ់ពីញាតិផៅនិងមិត្តភក្ដិ។
សម្លៀកបំពាក់ក្រហម៖ ទាក់ទាញខាងភេទសម្ព័ន្ធ អំណាចនិងយសសក្កិ។
ស្បែកជើងក្រហម៖ បង្កើនសំណាងជីវិត ទៅណាមកណាជួបប្រទះសេចក្ដីសុខ មានមនុស្សតាមជួយយឹតយោង។
ទូរសព្ទក្រហម៖ បង្កើតថាមពលផ្លូវចិត្តរឹងមាំ ឈ្នះការបៀតបៀនពីមនុស្សអាក្រក់។
កាបូបលុយក្រហម៖ អាប់រាសី! វាអាចងាយរក តែក៏ងាយចំណាយ ហើយប្រាក់ចាយខ្ជះខ្ជាយមិនសល់នឹងខ្លួន និងពិបាកសន្សំសំចៃណាស់។
ម៉ូតូឬឡានក្រហម៖ បង្កើនអំណាច ទាក់ទាញលុយកាក់ ជួយឱ្យការរកស៊ីរីកចម្រើន។
បន្ទប់ក្រហម៖ តុបតែងបន្ទប់គេងឬជួសជុលផ្ទះដោយលាបពណ៌នេះតាមក្បួនហុងស៊ុយនិយាយថា អាចនាំសុភមង្គលគ្រួសារ រួមនឹងកិត្តិយសរុងរឿងផងដែរ។ មិនត្រឹមតែប៉ុណ្ណោះ ពណ៌ក្រហមជានិមិត្តរូបបង្កើតកូនចៅ ពូជពង្សវង្សត្រកូល សម្បូរសប្បាយ៕
ប្រែសម្រួល៖ សន្យា
ប្រភព៖ Open Space
ចុចអាន៖ តាមពិតអ្នកដែលនិយមប្រើអ្វីៗពណ៌ក្រហមមានចរិតលក្ខណៈបែបនេះ
ចុចអាន៖ មុនពេលប្រើសម្លៀកបំពាក់ពណ៌ក្រហម នារីៗគួរអានអត្ថបទនេះសិន
ចុចអាន៖ ពណ៌សំណាង សក្តិសមជាមួយរាសីកំណើត ដើម្បីនាំថាមពលវិជ្ជមាន នាឆ្នាំ ២០២១
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង