ពណ៌សំណាង សក្តិសមជាមួយរាសីកំណើត ដើម្បីនាំថាមពលវិជ្ជមាន នាឆ្នាំ ២០២១
Connect with us
Helistar Cambodia - Helicopter Charter Services

ជំនឿ

ពណ៌សំណាង សក្តិសមជាមួយរាសីកំណើត ដើម្បីនាំថាមពលវិជ្ជមាន នាឆ្នាំ ២០២១

Published

on

តារានិករ Aries (អ្នកកើតចន្លោះ ២១ មីនា ដល់ ២០ មេសា)

Aries តំណាងភពព្រះអង្គារ រីឯធាតុភ្លើងជានិមិត្តសញ្ញានៃតារានិករនេះ។ ដូច្នេះពណ៌ក្រហមអាចនាំមកនូវសំណាងល្អក្នុងការបណ្តាក់ទុនគ្រប់ប្រភេទ ព្រោះវាជានិមិត្តរូបនៃថាមពល ការចល័ត និងភាពបរិសុទ្ធ។

ក្រៅពីក្រហម លឿងក៏អាចនាំលាភសក្ការៈដល់អ្នកដែរ។ ចំណែកពណ៌ត្រូវចៀសវាងគឺខៀវ ខ្មៅ និងបៃតង។

តារានិករ Taurus (អ្នកកើតចន្លោះ ២១ មេសា ដល់ ២១ ឧសភា)

មនុស្សកើតចំតារានិករនេះ សក្តិសមបំផុតជាមួយផ្កាឈូកនិងពណ៌ស ព្រោះមិនថារកស៊ីអ្វី នឹងចំណេញកាក់កប។ និមិត្តរូបនៃ Taurus គឺភពសុក្រ ចំណែកធាតុតំណាងគឺ ផែនដី។

បៃតងក៏ជាពណ៌អាចទាក់ទាញឥទ្ធិពលល្អផងដែរ។ ក្រុមជំនាញណែនាំឱ្យអ្នកនៅឆ្ងាយពីពណ៌លឿងនិងក្រហម ប្រសិនបើចង់ចៀសពីឥទ្ធិពលអាក្រក់នានា។

តារានិករ Gemini (អ្នកកើតចន្លោះ ២២ ឧសភា ដល់ ២១ មិថុនា)

ពណ៌សំណាងសម្រាប់ Gemini ហើយអាចនាំយកថាមពលវិជ្ជមានបានគឺ លឿង និងបៃតង។ ពុធ ជាភពគ្រប់គ្រងរបស់តារានិករនេះ ដូច្នេះហើយពណ៌ផ្កាឈូកនិងពណ៌សក៏អាចនាំយកលាភបានដូចគ្នា។

Gemini ជាតារានិករភ្លោះ។ ហេតុនេះពណ៌លឿងនិងបៃតងមានទំនាក់ទំនងទៅនឹងភាពវិជ្ជមាននិងជោគជ័យ។ ជាការល្អ ត្រូវចៀសពណ៌ក្រហមនិងខៀវ។

តារានិករ Cancer (អ្នកកើតចន្លោះ ២២ មិថុនា ដល់ ២២ កក្កដា)

មនុស្សកើតប៉ះតារានិករ Cancer  ស៊ីគ្នាជាមួយពណ៌សាច់  ក្រហម ស ប្រាក់ នោិងលឿងបែកទឹកក្រូច។ ពណ៌ទាំងនេះអាចជួយទាក់ទាញថាមពលពីភពតំណាងយ៉ាងល្អ ដែលភពតំណាងគឺព្រះចន្ទ។ រាសីចក្ររបស់អ្នក ត្រូវចៀសពណ៌ស្រអាប់ និងស្រស់ខ្លាំងពេក។

តារានិករ Leo (អ្នកកើតចន្លោះ ២៣ កក្កដា ដល់ ២១ សីហា)

Leo អាចជ្រើសរើសពណ៌ទឹកក្រូច មាស និងក្រហម នៅឆ្នាំ ២០២១នេះ ដើម្បីទទួលបានភាពជោគជ័យ និងទាក់ទាញភាពវិជ្ជមានលើមុខរបរ ស្នេហា ក៏ដូចជាសុខភាព។ ព្រះអាទិត្យគឺជាភពតំណាងរបស់អ្នក។ ដូច្នេះហើយពណ៌ទាំងនេះ អាចនាំមកនូវលទ្ធផលសមប្រកប។

តារានិករ Virgo (អ្នកកើតចន្លោះ ២២ សីហា ដល់ ២៣ កញ្ញា)

ពណ៌ខៀវ បៃតង ស និងលឿងស្រាល អាចធ្វើឱ្យមនុស្ស Virgo ទទួលបានជោគជ័យខ្ពស់ នៅឆ្នាំ ២០២១។ ភពពុធ ជាសញ្ញារាសីនៃតារានិកររបស់អ្នក។ រីឯនិមិត្តរូបនៃធាតុគឺផែនដី។ Virgo ត្រូវបានណែនាំឱ្យនៅឆ្ងាយពីពណ៌ក្រហម ព្រោះពណ៌នេះ អាចនាំគ្រោះកាច។

តារានិករ Libra (អ្នកកើតចន្លោះ ២៤ កញ្ញា ដល់ ២៣ តុលា)

រាល់បុគ្គលដែលកើតពី Libra ចង់មានសំណាងនៅឆ្នាំ ២០២១ អាចជ្រើសរើសយកពណ៌ទឹកក្រូច និងពណ៌ស។ ភពតំណាងរបស់អ្នកគឺភពសុក្រ។  ដោយឡែកពណ៌សំណាងផ្សេងទៀតដែលអាចជ្រើសរើសរួមមាន ស និងផ្ទែមេឃ។ មិនត្រូវរើសយកក្រហមមកប្រើទេ ព្រោះពណ៌នេះគ្មានហុងស៊ុយឡើយសម្រាប់អ្នក។

តារានិករ Scorpio (អ្នកកើតចន្លោះ ២៤ តុលា ដល់ ២២ វិច្ឆិកា)

ពណ៌ស ក្រហម សូកូឡា និងទឹកក្រូចនឹងនាំមកនូវសំណាងល្អសម្រាប់ Scorpio នៅឆ្នាំ នេះ។ ភពព្រះអង្គារ ជាភពតំណាងរបស់អ្នក ហើយការប្រើពណ៌ទាំងនេះអាចបញ្ចៀសបាននូវឧបសគ្គនានា និងនាំរឿងល្អៗដល់អ្នក។ ប្រសិនបើមិនចង់បានជីវិតដើរថយក្រោយ គួរកុំជ្រើសរើសពណ៌ខៀវនិងបៃតង។

តារានិករ Sagittarius (អ្នកកើតចន្លោះ ២៣ វិច្ឆិកា ដល់ ២២ ធ្នូ)

Sagittarius ទាំងអស់ត្រូវប្រើពណ៌លឿង ខ្មៅ និងទឹកក្រូច ដែលជាពណ៌សំណាងសម្រាប់នៅឆ្នាំ ២០២១ ។ បៃតងនិងពណ៌សាច់ ក៏អាចនាំអ្នកទៅជួបរឿងល្អៗពេញមួយឆ្នាំដែរ។ ពណ៌មិនគួប្រើគឺខៀវ។

តារានិករ Capricorn (អ្នកកើតចន្លោះ ២៣ ធ្នូ ដល់ ២០ មករា)

ដើម្បីទទួលបានលាភសំណាង គួរជ្រើសរើសពណ៌ខ្មៅ និងស្វាយ។ ពណ៌ត្នោតនិងពណ៌បៃតងចាស់ក៏អាចយកមកប្រើបានដូចគ្នា។ ភពសៅរ៍ជាភពដែលរបស់ Capricorn។ ពណ៌ហាមប្រាមសម្រាប់តារានិករនេះ ក្រហមនិងលឿង ព្រោះវាមិនអាចបង្កើតសមិទ្ធិផលជាដុំកំភួនអ្វីឡើយ។

តារានិករ Aquarius (អ្នកកើតកើតចន្លោះ ២១ មករា ១៩ កុម្ភៈ)

សម្រាប់ Aquarius ពណ៌សក្តិសមគឺ ផ្ទៃមេឃ និងស្វាយ ដែលអាចហៅសំណាងបានពេញមួយឆ្នាំ។ សៅរ៍គឺជាភពតំណាងរបស់អ្នក។ ដូច្នេះពណ៌សនិងពណ៌ភ្លឺៗ ផ្សេងទៀតក៏អាចនាំយកមកលាភបានដែរ។ Aquarius ឆុងជាមួយពណ៌ខៀវចាស់និងបៃតង។ ដូច្នេះគួរតែនៅឱ្យឆ្ងាយពីពណ៌ពីរនេះ។

តារានិករ Pisces (អ្នកកើតចន្លោះ ២០ កុម្ភៈ ដល់ ២០ មីនា)

ទឹកក្រូច និងលឿង ជាពណ៌លើករាសីសម្រាប់ Pisces នៅឆ្នាំ ២០២១។ រីឯភពព្រហស្បតិ៍ ជានិមិត្តរូបនៃចក្រារបស់អ្នក។ ហេតុដូចនេះពណ៌ទាំងពីរអាចធ្វើឱ្យអ្នកទទួលជោគជ័យខ្ពស់នៅឆ្នាំបន្តបន្ទាប់។ ពណ៌ផ្កាឈូកក៏ល្អផងដែរ តែត្រូវចៀសដាច់ខាតជាមួយពណ៌អាប់ៗ និងភ្លឺពេក ព្រោះនាំឲ្យបំណងប្រាថ្នាមិនអាចសម្រេចដូចប៉ង៕

ប្រែសម្រួល៖ សន្យា

ប្រភព៖ Business Insider

ចុចអាន៖ ពណ៌ ៣ នាំលាភសំណាង ហើយពណ៌១ ជាអពមង្គលក្នុងពិធីបុណ្យចូលឆ្នាំចិន

ចុចអាន៖ ៨ ប្រផ្នូលនរណាម្នាក់កំពុងគិតល្អពីយើង ឬនិយាយដើមបង្ខូចឈ្មោះ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services