ថាមពលវិជ្ជមានកើតឡើងក្នុងខ្លួនមនុស្ស និងបញ្ចេញរស្មីឲ្យជួបតែសំណាងល្អ និងសុភមង្គលក្នុងជីវិត ខណៈខាងក្រោមនេះ ​គឺ​​ជា​គោលការណ៍ហុងស៊ុយទាំង ៥ ដែលប្រជាជនជប៉ុនណែនាំថា បើអនុវត្តរាល់ថ្ងៃនឹងនាំមកនូវភាពរុងរឿង។

១ ក្រោកពីព្រលឹម ហើយ​ធ្វើសមាធិ

ពេលព្រឹកព្រលឹមចាប់ពីម៉ោង ៥:០០ដល់ ៧:០០ គឺជាពេលវេលាដ៏​ស្វាហាប់​បំផុត នេះ​គឺជាពេលវេលាដ៏សំខាន់មួយដើម្បីបំពេញថាមពលជីវិត។ ភ្ញាក់ឡើងដោយចិត្តរឹងមាំ និងធ្វើសមាធិ ឬសូត្រពាក្យថា ខ្ញុំនឹងមានសំណាងនៅលើគ្រែ១០ដងនឹងបណ្តាលឲ្យមានថាមពលវិជ្ជមានដ៏រឹងមាំ ដើម្បីជ្រៀតចូលទៅក្នុងរាងកាយរួមជាមួយនឹងសន្ទុះនៃព្រះអាទិត្យរះ ដែលជាលទ្ធផល បង្កើតសុភមង្គលនៅពេលព្រឹក។

២ ជូតសម្អាតផ្ទះ ៥នាទីក្នុងមួយថ្ងៃ

ការបោសសម្អាតនៅទីនេះមានន័យថា សំអាតផ្ទះ បោសផ្ទះ រៀបចំតុឲ្យស្អាត សម្អាត​បង្គន់ និងលាងចាន យ៉ាងតិច៥នាទីក្នុងមួយថ្ងៃ ដើម្បីរក្សាផ្ទះឲ្យ​ស្អាត។ ជនជាតិជប៉ុនជឿថា​ ផ្ទះ​ស្អាតនឹង​ទាក់ទាញ​ព្រះ​នៃ​សំណាងល្អ។

៣ និយាយអរគុណ

ការនិយាយពាក្យអរគុណ គឺជាការបង្ហាញពីការដឹងគុណដែលបញ្ចេញថាមពលវិជ្ជមានចូលទៅក្នុងបេះដូង។ ការនិយាយអរគុណទៅកាន់អ្នកជុំវិញខ្លួន គឺជារឿងដ៏ល្អបំផុត។ ប៉ុន្តែប្រសិនបើគ្មានអ្នកណានិយាយពាក្យអរគុណទេ នោះ ពួកគេអាចនិយាយថាអរគុណចំពោះអាហារដូចជាសាច់ និងផ្លែឈើ និងបន្លែសម្រាប់ជីវិតដែលបានផ្តល់ឲ្យយើងដើម្បីរស់នៅ ឬឧបករណ៍ប្រើប្រាស់ក្នុងផ្ទះ ដូចជាម៉ាស៊ីនបូមធូលីដែលធ្វើ​ឲ្យផ្ទះស្អាត។ល។

៤ រស់នៅជាមួយបៃតង

រុក្ខជាតិបៃតងមានសារសំខាន់ ក្នុងការរក្សាលំនឹងចិត្ត ដែលជាវិធីល្អក្នុងការបង្កើនសំណាងល្អ។ ដាំរុក្ខជាតិលម្អសម្រាប់ផ្ទះ នឹងធ្វើឲ្យមនុស្សក្នុងផ្ទះសប្បាយចិត្ត ហើយ​នាំ​​ឲ្យគ្រាប់ពូជ​នៃ​លាភ​សំណាង​ដុះ​ក្នុង​ចិត្តផងដែរ។

៥ តម្លៃវិចារណញាណ

វិចារណញាណគឺជាសំឡេងខាងក្នុងរបស់អ្នក។ ដើម្បីវាយតម្លៃស្ថានភាពផ្សេងៗ ដែលកើតឡើងទាំងក្នុងការងារ និងជីវិត មនុស្សដែលជឿលើសភាវគតិរបស់ពួកគេមានទំនុកចិត្តលើខ្លួនឯងខ្ពស់ និងធ្វើឲ្យវាអាចនាំមកនូវវិចារណញាណរួមជាមួយនឹងហេតុផលដើម្បីធ្វើការសម្រេចចិត្តដោយជោគជ័យ។

ទោះយ៉ាងណា ប្រជាជនជប៉ុនជឿថា ការធ្វើតាមគោលការណ៍ហុងស៊ុយទាំងប្រាំខាងលើ ជារៀងរាល់ថ្ងៃ នឹងបង្កើតសុភមង្គលក្នុងចិត្តញរបស់មនុស្ស ហើយបញ្ចូលថាមពលវិជ្ជមានចូលក្នុងជីវិតថែមទៀត៕

គ្រូ ណុប

ចុចអាន៖អាថ៌កំបាំងហុងស៊ុយសុភមង្គល ១០ ប្រភេទ ពីនាឡិកាព្យួរជញ្ជាំង