សេដ្ឋកិច្ច

ស្ថានភាពតម្លៃគ្រាប់ស្វាយចន្ទីល្អ តែទិន្នផលធ្លាក់ចុះ

បានផុស

២ ខែ មុន

នៅ

ថ្ងៃពុធ ២២ មេសា ២០២៦

ដោយ

ស្ថានភាពតម្លៃទីផ្សារគ្រាប់ស្វាយចន្ទីកម្ពុជាបន្តល្អ ស្ថិតនៅតម្លៃ ៥៧០០-៥៩០០ រៀល ក្នុងមួយគីឡូ ខណៈទិន្នផលមានការធ្លាក់ចុះ ដោយសារការប្រែប្រួលអាកាសធាតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុយ កុកធាន អនុប្រធានសមាគមស្វាយចន្ទីកម្ពុជាប្រាប់កម្ពុជាថ្មីនៅថ្ងៃពុធ ២២ មេសា ២០២៦ថា ម្ចាស់ចម្ការភាគច្រើនបានលើកឡើងថា ការប្រមូលផលមានការធ្លាក់ចុះនៅក្នុងឆ្នាំនេះ ប៉ុន្តែទំហំថវិកាមិនមានការធ្លាក់ចុះទេ ដោយសារតែស្ថានភាពតម្លៃស្វាយចន្ទីទទួលបានល្អ។

លោក ស៊ុយ កុកធាន បន្ថែមថា៖ «យើងអត់ទាន់វាយតម្លៃថា តើការប្រមូលផលធ្លាក់ចុះប៉ុន្មានភាគរយ ប៉ុន្តែយើងសង្កេតឃើញជាក់ស្ដែងនៅតាមចម្ការនីមួយៗ គឺផ្កាចន្ទីក្រៀមអស់ហើយ បើយ៉ាងនេះ យ៉ាងយូរការប្រមូលផលនឹងបិទបញ្ចប់នៅដើមខែក្រោយ»។

ការប្រមូលផលគ្រាប់ស្វាយចន្ទីនៅរដូវកាលឆ្នាំ ២០២៦ បានពន្យាពេលដល់ខែមេសា ដោយសារការប្រែប្រួលអាកាសធាតុបានធ្វើឱ្យចន្ទីទុំយឺតជាងការរំពឹងទុក។ ការប្រែប្រួលអាកាសធាតុ បានធ្វើឱ្យប៉ះពាល់ដល់ស្វាយចន្ទី តាំងពីដើមឆ្នាំរហូតមកដល់ពេលនេះ កាលពីដើមឆ្នាំអាកាសធាតុបានចុះត្រជាក់ ហើយធ្លាក់ភ្លៀងនៅចំពេលដែលស្វាយចន្ទីកំពុងតែរីកផ្កា។

យោងតាមសមាគមស្វាយចន្ទីកម្ពុជា នៅក្នុងឆ្នាំ ២០២៥ កម្ពុជារកចំណូលបាន ១,៥ ពាន់លានដុល្លារ ពីការនាំចេញគ្រាប់ស្វាយចន្ទីឆៅ ១ លានតោន កើនឡើង ២៧% ធៀបនឹងឆ្នាំ ២០២៤។ គិតមកដល់ពេលនេះ កម្ពុជាមានផ្ទៃដីដាំដុះស្វាយចន្ទីប្រមាណ ៧៤ ម៉ឺនហិកតា៕

អត្ថបទ៖ ឡេង ដេត

Related Topics:តម្លៃគ្រាប់ស្វាយចន្ទី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា