ព័ត៌មានជាតិ
ហេតុផលធំៗពីរនាំឲ្យតម្លៃពងទានៅលើទីផ្សារធ្លាក់ថ្លៃ
តម្លៃពងទានៅលើទីផ្សារនាពេលបច្ចុប្បន្ននេះ កំពុងមានការធ្លាក់ថ្លៃគួរឲ្យកត់សម្គាល់ដែលធ្វើឲ្យកសិករចិញ្ចឹមទាត្រូវប្រឈមទៅនឹងការខាតបង់ដោយសារចំណាយច្រើនទៅលើការចិញ្ចឹមតែទទួល បានចំណូលមកវិញទាប។
លោក សោម សុធា អគ្គនាយកក្រុមហ៊ុន ភូមិពងទាខ្មែរ បានប្រាប់ពីមូលហេតុដែលបណ្តាលឲ្យពងទាធ្លាក់ថ្លៃថា មានកក្តាពីរយ៉ាងដែលនាំឲ្យទីផ្សារពងទារបស់កសិករធ្លាក់ថ្លៃ គឺទី១ដោយសារបច្ចុប្បន្នកំណើនប្រជាពលរដ្ឋងាកមកចិញ្ចឹមទាមានច្រើនគួរឱ្យកត់សម្គាល់ និងទី២ការនាំចូលពងទាពីក្រៅប្រទេសមកខ្លះផង ទើបឱ្យពងទាមានច្រើនលើស តម្រូវការទីផ្សារខណៈអ្នកចិញ្ចឹមពឹងផ្អែកខ្លាំងតែទៅលើឈ្មួញកណ្តាល។
លោកបានបន្តថា ប្រសិនបើប្រជាពលរដ្ឋនាំគ្នាប្រើប្រាស់តែផលិតផលក្នុងស្រុក នោះចំនួនពងទាដែលកសិករខ្មែរចិញ្ចឹមរាល់ថ្ងៃនេះ អាចនឹងផ្គត់ផ្គង់មិនគ្រប់គ្រាន់នោះទេ។
ផ្ទុយពីនេះលោក ជុំ សំវ៉ន ជាកសិករចិញ្ចឹមទាយកពងនៅភូមិគោកខ្ពស់ ឃុំរូងជ្រៃ ស្រុកថ្មគោលខេត្តបាត់ដំបង បានឲ្យដឹងថាហេតុផលការធ្លាក់ថ្លៃពងទានេះ បណ្ដាលមកមានការចិញ្ចឹមទាប្រដេញតាមវាលស្រែនាំចូលពីខាងក្រៅខេត្តច្រើន ដែលវាស៊ីចំណីតាមវាលស្រែ ដែលធ្វើឲ្យការចំណាយថ្លៃដើមតិចជាងការចិញ្ចឹមក្នុងទ្រុងរបស់គាត់ ដោយចំណាយថ្លៃដើមច្រើននិងបណ្តាលមកពីបញ្ហាជំងឺកូវីដ១៩ ធ្វើឲ្យអ្នកហូបនិងអ្នកលក់មានការកាត់បន្ថយការចំណាយ។
លោក ជុំ សំវ៉ន បានប្រកបមុខរបរចិញ្ចឹមទាអស់រយៈពេល១០ឆ្នាំមកហើយ បច្ចុប្បន្នគាត់មានទារចំនួន៥ពាន់ក្បាល ចិញ្ចឹមក្នុងទ្រុង។
លោកបានបន្តថា មុនពេលធ្លាក់ថ្លៃគាត់បានលក់ពងទាសាបតម្លៃ៤០០រៀល ក្នុងមួយគ្រាប់ និងពងទាកូន លក់តម្លៃ៤៧០រៀលក្នុង១គ្រាប់ បើធៀបនឹងឆ្នាំមុនពងទាសាបតម្លៃពី៣៤០រៀលទៅ៣៥០រៀលក្នុង១គ្រាប់ និងពងទាកូនតម្លៃ៤៤០ទៅ៤៥០រៀលក្នុងមួយគ្រាប់។
លោកបានបន្តទៀតថា ក្នុងពេលនេះគាត់លក់តម្លៃទាបដោយតម្លៃពងទាសាប ៣០០រៀលក្នុងគ្រាប់និងពងទាកូនតម្លៃ៤០០រៀលក្នុង១គ្រាប់។
ចំណែកមន្ទីរកសិកម្មរុក្ខាប្រមាញ់និងនេសាទខេត្តបាត់ដំបង ក៏បានចេញលិខិតមួយធ្វើការបដិសេធថា ការដែលពងទាធ្លាក់ថ្លៃនេះ មិនមែនបណ្តាលមកពីការនាំចូលពងទាពីក្រៅប្រទេស ពិសេសពីប្រទេសវៀតណាមនោះ។
ទោះបីជាយ៉ាងណាក៏ដោយក្រុមហ៊ុន ភូមិពងទាខ្មែរ បានប្រកាសទិញពងទាចំនួន២០ម៉ឺនគ្រាប់ពីកសិករ ក្នុងខេត្តតាកែវ និងខេត្តព្រៃវែង ដែលកំពុងជួបបញ្ហាខ្វះទីផ្សារ ដើម្បីរួមចំណែកដោះស្រាយទីផ្សារពងទាដែលកំពុងធ្លាក់ថ្លៃ ដោយសារតែនៅខេត្តទាំងពីរនេះប្រជាកសិករដែលប្រកបរបស់ចិញ្ចឹមទាមានចំនួនច្រើន ។
លោក សោម សុធា បានបន្តទៀតថា «បើទោះបីជាកសិករជួបប្រទះបញ្ហាទីផ្សារនិងការធ្លាក់ថ្លៃក៏ដោយ តែក្រុមហ៊ុនលោកមិនធា្លប់ជួបបញ្ហាលក់មិនចេញនោះទេ ដោយសារលោកមានទីផ្សារស្រាប់សម្រាប់ផ្គត់ផ្គង់គ្រប់គ្រាន់ និងមានទម្រង់ផ្សព្វផ្សាយដើម្បីឱ្យពងទារបានទៅដល់ដៃអតិថិជន»។
លោកបានឱ្យដឹងទៀតថា« នៅថ្ងៃនេះក្រុមការងាររបស់លោកកំពុងចុះទៅតាមកសិដ្ឋាននានាក្នុងខេត្តតាកែវ និងព្រៃវែង ដែលនៅក្នុងដំណាក់កាលដំបូងនេះ លោកនឹងទិញក្នុងតម្លៃ ៤០០រៀលក្នុងមួយគ្រាប់ សម្រាប់ពងទាថ្មីៗមានគុណភាពល្អ និងតម្លៃ២០០រៀលក្នុងមួយគ្រាប់សម្រាប់ពងទាដែលមានគុណភាពអន់សម្រាប់យកមកផ្គត់ផ្គង់ឱ្យអតិថិជនរបស់លោក»។
លោកបានបន្ថែមទៀតថា ក្នុងមួយថ្ងៃក្រុមហ៊ុនលោកអាចបញ្ចេញលក់ពងទាបានប្រមាណ៤ម៉ឺនគ្រាប់ ផ្គត់ផ្គង់នៅរាជធានីភ្នំពេញ និងនៅខេត្តចំនួន១៤ផ្សេងទៀតខណៈអតិថិជនរបស់លោកនៅតែបន្តបញ្ជាទិញពងទាជាបន្តបន្ទាប់ ។
លោកបានបញ្ជាក់ថា ដោយឡែកខេត្តផ្សេងទៀត លោកមិនទាន់មានផែនការចុះទិញនៅឡើយទេ ប៉ុន្តែប្រសិនបើសន្ទុះនៃការគាំទ្រ និងការលើកទឹកចិត្តពីសាធារណៈជនកាន់តែច្រើន លោកនឹងដាក់ផែនការចុះទិញនៅខេត្តផ្សេងទៀត។
យោងតាមរបាយការណ៍របស់ក្រសួងកសិកម្មបានឱ្យដឹងថា គិតត្រឹមដើមខែធ្នូនេះ កសិដ្ឋានចិញ្ចឹមបក្សីមានចំនួន៦៨១កន្លែង មានសត្វក្នុងស្តុក១៧លានក្បាល កើនលើសឆ្នាំ២០១៩ ប្រមាណជា ៣៥,៦០%៕
អត្ថបទ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ