ព័ត៌មានជាតិ
អ្នកសេដ្ឋកិច្ច ៖ ការចាយវាយរបស់ពលរដ្ឋក្នុងរដូវកាលភ្ជុំបិណ្ឌជួយឱ្យចរន្តសេដ្ឋកិច្ចកាន់តែរស់រវើក
ភ្ជុំបិណ្ឌ គឺជាបុណ្យប្រពៃណីជាតិដ៏សំខាន់របស់កម្ពុជា។ ប្រជាពលរដ្ឋខ្មែរតែងតែធ្វើដំណើរទៅកាន់ស្រុកកំណើត ដើម្បីជួបជុំគ្រួសារ សាច់ញាតិ យ៉ាងសប្បាយរីករាយ។ រយៈពេល ១៥ថ្ងៃ នៃពិធីបុណ្យភ្ជុំបិណ្ឌ ពលរដ្ឋតែងតែចំណាយថវិកា ដើម្បីជូនឪពុកម្តាយ សាច់ញាតិ បងប្អូន និងទិញសម្ភារៈ រៀបចំម្ហូបអាហារតិចឬច្រើនទៅតាមលទ្ធភាពរៀងៗខ្លួន។
នៅក្នុងការចំណាយរបស់ពលរដ្ឋក្នុងពិធីបុណ្យភ្ជុំបិណ្ឌម្នាក់បន្តិចៗ នៅទូទាំងប្រទេស គឺជាចរន្តសេដ្ឋកិច្ចមួយដ៏ធំផងដែរ។លោក បណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា បានលើកឡើងថា ការចំណាយរបស់ប្រជាពលរដ្ឋ នៅក្នុងអំឡុងពេលភ្ជុំបិណ្ឌនេះ គឺជាចរន្តសេដ្ឋកិច្ច ហើយថវិកាដែលបងប្អូនចំណាយទិញរបស់របរសម្ភារៈ ចំណីអាហារទាំងអស់នេះ គឺបានចាក់ចូលក្នុងទីផ្សារតាមរយៈអាជីវករ ពោលគឺមានចរន្តរសេដ្ឋកិច្ចល្អ ដោយមិនបានហូរចេញទៅក្រៅនោះទេ គឺលុយទាំងនេះបានវិលចុះឡើងនៅក្នុងស្រុក។
លោក បណ្ឌិត ហុង វណ្ណៈ បានបន្តដូច្នេះ« ខ្ញុំមើលឃើញថា ការចំណាយនេះ ធ្វើឱ្យមានសកម្មភាពសេដ្ឋកិច្ចរស់រវើក ស្របពេលដែលពលរដ្ឋមានប្រាក់ចំណូល និងការងារធ្វើគ្រប់គ្នា ការចំណាយផ្សេងៗរបស់ពួកគាត់ ជួយជំរុញឱ្យសេដ្ឋកិច្ចជាតិកាន់តែរីកចម្រើន»។
ចំពោះពលរដ្ឋដែលមានប្រាក់ចំណូលតិចតួច គេគិតថា ការចំណាយរបស់ពួកគាត់ គឺមានការខ្ជះខ្ជាយ។ ប៉ុន្តែបើគិតក្នុងទិដ្ឋភាពសេដ្ឋកិច្ច គឺមិនមែនជាការខ្ជះខ្ជាយទេ ដោយសារនេះគឺជាប្រពៃណី ហើយការចំណាយនេះ បើទោះជាតិច ឬច្រើនក្តី គឺសុទ្ធតែរួមចំណែក្នុងចរន្តសេដ្ឋកិច្ចសង្គមទាំងអស់។ នេះជាការបន្ថែមរបស់លោកបណ្ឌិត ហុង វណ្ណៈ។
លោកថា នៅប្រទេសរីកចម្រើនខ្លាំងដូចជា អាមេរិក សិង្ហបុរី និងអឺរ៉ុបជាដើម ពលរដ្ឋគេតែងតែចំណាយច្រើន នៅពេលមានពិធីបុណ្យប្រពៃណីផ្សេងៗ ដោយសារតែពួកគេរកចំណូលបានខ្ពស់ ហើយការចំណាយទាំងនេះ បានជួយចរន្តសេដ្ឋកិច្ចសង្គមប្រទេសគេរីកចម្រើនកាន់តែខ្លាំង រដ្ឋាភិបាលក៏សប្បាយចិត្ត។
អ្នកសេដ្ឋកិច្ចរូបនេះ បានប៉ាន់ស្មានថា ចំពោះពលរដ្ឋខ្មែរ ការចំណាយក្នុងរដូវកាលភ្ជុំបិណ្ឌនេះ យ៉ាងតិចក៏ ២០ម៉ឺនរៀល ដែរ។ តែយ៉ាងណា លោកថា ការចំណាយនេះ គឺមិនទៀងទាត់ ដោយសារអ្នកមានធនធានច្រើនចំណាយច្រើន និងអ្នកមានធនធានតិច ក៏ចំណាយតិចតាមនោះដែរ។ អ្នកខ្លះចំណាយក្នុង១វេនកាន់បិណ្ឌរហូតដល់ ៨០ម៉ឺនរៀល ក៏មាន។ ក្នុងន័យនេះ ទោះជាពលរដ្ឋចំណាយតិច ឬច្រើន គឺបានធ្វើឱ្យចរន្តសេដ្ឋកិច្ចរស់រវើកដូចគ្នា។ នេះជាការបញ្ជាក់របស់លោកបណ្ឌិត ហុង វណ្ណៈ។
សូមបញ្ជាក់ថា ពិធីបុណ្យភ្ជុំបិណ្ឌប្រពៃណីជាតិខ្មែរ តែងតែប្រារព្ធឡើងរៀងរាល់ថ្ងៃ ១រោច ដល់ថ្ងៃ ១៥រោច ខែភទ្របទ ចន្លោះ ខែកញ្ញា និងខែតុលា ពោលគឺមានរយៈពេល ១៥ថ្ងៃ ជារៀងរាល់ឆ្នាំ។ ប្រជាពលរដ្ឋកម្ពុជាគ្រប់រូប ត្រូវបានឈប់សម្រាកពីការងាររយៈពេល ៣ថ្ងៃ ដើម្បីចូលរួមពិធីបុណ្យភ្ជុំបិណ្ឌ។ នៅឆ្នាំ ២០២២នេះ ពិធីកាន់បិណ្ឌចាប់ពីថ្ងៃទី ១១ ដល់ថ្ងៃទី ២៣ ខែកញ្ញា។ ចំណែកភ្ជុំបិណ្ឌធំរយៈពេល៣ថ្ងៃ គឺត្រូវនឹងថ្ងៃទី ២៤-២៦ ខែ កញ្ញា ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ