ព័ត៌មានជាតិ
ដំណាំតាសក់ ជួយសម្រួលជីវភាពរស់នៅរបស់ពលរដ្ឋមួយចំនួនក្នុងស្រុកកងមាស
ដំណាំតាសក់ស្រូវ ជាដំណាំម្យ៉ាងដែលគេអាចយកទៅកែច្នៃជាមុខម្ហូបច្រើនយ៉ាង និងរក្សាទុកឲ្យបានយូរទៀតផង ដែរប្រជាពលរដ្ឋមួយចំនួនរស់នៅក្នុងភូមិពោធិសាលាទី២ ឃុំព្រែកក្របៅ ស្រុកកងមាស ខេត្តកំពង់ចាម និយមលើការដាំដុះដំណាំកសិកម្មប្រភេទនេះ ហើយយកទៅត្រាំទឹកអំបិលរួចដាក់ហាលថ្ងៃឲ្យបានស្ងួតល្អបន្តិច ទើបលក់បន្តទៅឲ្យអ្នកដ៏ទៃ ដើម្បីយកទៅកែច្នៃជាម្ហូបអាហារតាមចំណង់ចំណូលចិត្ត ។
តាមការរៀបរាប់ពីស្ត្រីម្នាក់ ឈ្មោះ គង់ សុភី ជាគ្រួសារកសិករ នៅភូមិពោធិសាលាទី២ ដែលគាត់មានផ្ទៃដីប្រមាណជាកន្លះហិកតា សម្រាប់ប្រកបមុខរបរដាំដំណាំតាសក់ស្រូវ ក្រៅពីដីដំណាំរួមផ្សំផ្សេងទៀត ដោយដំបូង គឺគាត់បានទៅទិញគ្រាប់ពូជយកមកពីផ្សារ ដោយក្នុង១ប៉ុង ទម្ងន់១ខាំ តម្លៃ១០ម៉ឺនរៀល ដែលក្នុង២កំប៉ុង ដាំបានដីកន្លះហិកតា រួចស្រោចទឹក ដាក់ជី តាមការកំណត់ឲ្យបានត្រឹមត្រូវ ក្នុងរយៈពេល៣៥ថ្ងៃ ទើបគាត់ទទួលបានផល ដែលល្អជាងការដាំដុះតាមទម្លាប់នាពេលកន្លងមកនោះ។
កសិករដដែល បានបញ្ជាក់ទៀតថា ចំពោះការប្រកបមុខរបរដាំតាសក់ស្រូវនេះ គឺគាត់ទទួលបានផលជារៀងរាល់ថ្ងៃ ក្នុងរយៈពេលជាង១ខែឯណោះ ដោយក្នុងផ្ទៃដីកន្លះហិកតា ដល់ថ្ងៃទទួលផលដំបូង គឺបេះបានប្រមាណជា៤០០គីឡូក្រាម ក្នុង១ថ្ងៃ បន្ទាប់មកធ្លាក់ចុះនៅសល់ជាង៣០០គីឡូក្រាម និងបន្តធ្លាក់ចុះនៅសល់ជាង២០០គីឡូក្រាម ព្រោះដើមវាចាស់។ ចំពោះការលក់ចេញក្នុង១គីឡូក្រាម តម្លៃចាប់ពី៧០០រៀល ទៅ១០០០រៀល ដែលមិនពិបាកយកទៅលក់នៅទីឆ្ងាយនោះឡើយ។
ដោយឡែកលោក លី វុទ្ធី រស់នៅភូមិពោធិសាលាទី២ ឃុំព្រែកក្របៅ ស្រុកកងមាស បានឲ្យដឹងដែរថា ចំពោះការផលិតតាសក់ត្រាំ សម្រាប់កែច្នៃជាម្ហូបអាហារផ្សេងៗនេះ គឺលោកត្រូវទិញតាសក់ស្រស់ពីបងប្អូនប្រជាកសិករ ក្នុងភូមិ ដោយទិញចូលក្នុង១គីឡូក្រាមតម្លៃចាប់ពី៩០០រៀលទៅ១០០០រៀល ហើយយកទៅដាក់ត្រាំទឹកអំបិលសុទ្ធ (ដោយគ្មានលាយសារធាតុអ្វីផ្សេងនោះទេ) ហើយដាក់ហាលថ្ងៃ រយៈពេល២ថ្ងៃ គឺអាចលក់ចេញបានក្នុង១គីឡូក្រាម តម្លៃចាប់ពី២០០០រៀល ទៅ២២០០រៀល ដោយក្នុង១ថ្ងៃទិញចូល និងលក់ចេញ ប្រមាណជា៧០០គីឡូក្រាម ទៅ១០០០គីឡូក្រាម ឯណោះ ។
លោក លី វុទ្ធី បានបញ្ជាក់ទៀតថា ប្រសិនជាមានម៉ាស៊ីនសម្ងួត ការផលិតតាសក់ស្រូវរបស់លោក គឺវាកាន់តែមានភាពងាយស្រួល ដោយមិនចាំបាច់ឈរនៅហាលថ្ងៃប្រែចុះប្រែឡើងទៀតទេ ហើយបើមានលទ្ធភាពផលិតច្រកចូលកំប៉ុងទៀតនោះ វាកាន់តែល្អប្រសើរ ព្រោះមុខរបរមួយនេះ គឺវាអាចជួយកែប្រែជីវភាពគ្រួសាររបស់គាត់បានយ៉ាងល្អប្រសើរថែមមួយកម្រិតផងដែរ ៕
អត្ថបទ ៖ ហុង ម៉េងហៀ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ