ព័ត៌មានជាតិ
អ្នកវិនិយោគកំពុងសម្រុកបោះទុនវិនិយោគរាប់ពាន់លានដុល្លារ លើវិស័យជាច្រើននៅខេត្តកំពត
លោក ញ៉ូវ សាឯម សមាជិកក្រុមប្រឹក្សាខេត្តកំពតបាឲ្យដឹងថា មកដល់សព្វថ្ងៃនេះ ខេត្តកំពតមានក្រុមហ៊ុនវិនិយោគវិស័យជាង៣០ បាននឹងកំពុងបោះទុនវិនិយោគរាប់ពាន់លានដុល្លារ លើវិស័យជាច្រើន ដែលមានដូចជាភោជនីយដ្ឋាន សណ្ឋាគារ កំពង់ផែ ទេសចរណ៍ និងអគ្គិសនីជាដើម។
បើតាមលោក ញ៉ូវ សាឯម ក្នុងចំណោមក្រុមហ៊ុនទាំងនោះ មានដូចជា ក្រុមហ៊ុន Property International ដាក់ទុនវិនិយោគ ជិត៤លានដុល្លារ នៅស្រុកឈូក ខេត្តកំពត, គម្រោងវិនិយោគ សណ្ឋាគារ (១០០បន្ទប់) និងទេសចរណ៍ នៅកោះសេះ ទំហំដីជាង៣៨៨ ហិកតា, គម្រោងវិនិយោគកំពង់ផែ ទេសចរណ៏ នៅភ្នំដូង សង្កាត់ត្រើយកោះ ក្រុងកំពត មានទុនចំនួន១លានដុល្លារ, គម្រោងវិនិយោគសណ្ឋាគារ ទេសចរណ៍ នៅព្រែកអំពិល ឃុំកោះតូច ស្រុកទឹកឈូរ មានទុនវិនិយោគ៨៥០ពាន់ដុល្លារ, គម្រោងវិនិយោគមួយទៀត លើផ្នែកទេសចរណ៍ នៅភូមិបឹងតាព្រាហ្ម សង្កាត់ត្រើយកោះ មានទុនវិនិយោគ៩០០លានដុល្លារ, គម្រោងវិនិយោគ អភិវឌ្ឍសមុទ្រទេសចរណ៍ នៅភូមិត្រពាំងល្ពៅ ស្រុកទឹកឈូរ មានទុនវិនិយោគ១៥០០លានដុល្លារ, គម្រោងវិនិយោគភោជនីយដ្ឋានមានលក្ខណៈស្តង់ដារ នៅសង្កាត់អណ្តូងខ្មែរ ក្រុងកំពត មានទុនវិនិយោគចំនួន៥៨០ពាន់ដុល្លារ, គម្រោងវិនិយោគរោងចក្រអគ្គិសនី កម្លាំង១៥ គីឡូវាត់ ភ្នំបូកគោ ស្រុកទឹកឈូរ (មិនទាន់បញ្ជាក់ទឹកប្រាក់), គម្រោងវិនិយោគតំបន់សេដ្ឋកិច្ចពិសេសរបស់រាជរដ្ឋាភិបាល នៅឃុំល្អាង ស្រុកដងទង់ មានទុនវិនិយោគចំនួន១២៥លានដុល្លារ, គម្រោងវិនិយោគរបស់ក្រុមហ៊ុនចិន នៅឃុំព្រែកត្នោត ស្រុកទឹកឈូរ មានទុនវិនិយោគ៥០០ពាន់ដុល្លារ។
តាមរយៈបាយការណ៍របស់អាជ្ញាធរខេត្ត ដែលបានបង្ហាញនៅក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្តរបស់ខេត្តកំពត នៅទីស្ដីការគណៈរដ្ឋមន្ត្រី កាលពីព្រឹកថ្ងៃទី២៨ ខែមករា ឆ្នាំ២០២១ បានឲ្យដឹងដែរថា ក្រុមហ៊ុន ដែលបានមកធ្វើការវិនិយោគនៅខេត្តកំពតមានចំនួន៣៥ ក្រុមហ៊ុន ក្នុងនោះក្រុមហ៊ុនវិនិយោគវិស័យកសិ-ឧស្សាហកម្មចំនួន០៤, កំពង់ផែខ្នាតតូចចំនួន០៥, ឧស្សាហកម្មចំនួន០៩, ទេសចរណ៍-សណ្ឋាគារចំនួន១០, ភោជនីយដ្ឋានចំនួន០១, ថាមពលចំនួន០៣, តំបន់សេដ្ឋកិច្ចពិសេសចំនួន០២, ផលិត និងកែច្នៃផលិតផលសមុទ្រចំនួន០១។ ឧស្សាហកម្មធុនធំ សហគ្រាសធុន តូច មធ្យម និងសិប្បកម្ម សរុបចំនួន២.៨៨៧ មូលដ្ឋាន មានច្បាប់អនុញ្ញាតចំនួន១៨៩មូលដ្ឋាន ក្នុងនោះ ឧស្សាហកម្មធុនធំ ២៤មូលដ្ឋាន សហគ្រាសធុនតូច និងមធ្យម ៤៩មូលដ្ឋាន សិប្បកម្មសរុប ២.៨១៤មូលដ្ឋាន មានច្បាប់អនុញ្ញាតិចំនួន ១១៦មូលដ្ឋាន ដែលចេញលិខិតអនុញ្ញាតប្រកបអាជីវកម្ម សេវាកម្ម ពាណិជ្ជកម្ម សរុបបានចំនួន ៦៧៧ច្បាប់។
អាជ្ញាប័ណ្ណសរុបមានចំនួន៥៤ រួមមាន៖ អាជ្ញាប័ណ្ណអណ្តូងរ៉ែបើក និងការដ្ឋានវាយថ្ម ចំនួន ២៩ អាជ្ញាប័ណ្ណឧស្សាហកម្មអាជីវកម្មធនធានរ៉ែ (ថ្មកំបោរ) ចំនួន០៦ អាជ្ញាប័ណ្ណរុករក និងសិក្សាស្រាវជ្រាវចំនួន០១ និងអាជ្ញាប័ណ្ណសិប្បកម្មធនធានរ៉ែចំនួន១៨ ដោយប្រមូលចំណូលសួយសាររ៉ែសំណង់ស្មើនឹង៥.៧៦៦.៥៨៨,៣៦ដុល្លារ (ប្រាំលានប្រាំពីររយហុកសិបប្រាំមួយពាន់ ប្រាំរយប៉ែតសិបប្រាំបី ក្បៀស សាមសិបប្រាំមួយដុល្លារ)៕
ដោយ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង