ព័ត៌មានជាតិ

កម្ពុជាទទួលបានចំណូលប៉ុន្មានពីធនាគារប្រេង?

បានផុស

៥ years មុន

នៅ

ថ្ងៃអង្គារ ២ កុម្ភៈ ២០២១

ដោយ

ដំណក់ប្រេងលើកដំបូងរបស់កម្ពុជាបានចាប់ផ្តើមផលិតកាលពីថ្ងៃទី២៩ ខែធ្នូ ឆ្នាំ២០២០ កន្លងមកនៅក្នុងប្លុកនៃឈូងសមុទ្រកម្ពុជា។ដំណើរការផលិតប្រេងនេះ ត្រូវបានគេរំពឹងថា នឹងជួយជំរុញកំណើនការអភិវឌ្ឍសេដ្ឋកិច្ចជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តែយ៉ាងណាផលចំណូលពីប្រេងនេះបានមិនដល់ ៣០ លានដុល្លារផងក្នុងមួយឆ្នាំ ដែលចំណូលនេះមានកម្រិតតិចតួចណាស់ បើធៀបចំណូលសរុបរបស់ជាតិ។

សម្តេចតេជោ ហ៊ុន សែនបានប្រកាសថា ចំណូលពីធនធានប្រេងមានកម្រិតតិចតួចណាស់ បើធៀបផលចំណូលសរុបរបស់ជាតិ។

ឆ្នាំ ២០២០ រដ្ឋាភិបាលទទួលបានចំណូល ៥៥០០ លានដុល្លារ ហើយបើធៀបចំណូលជាង ៣០ លានដុល្លារទទួលបានពីធនធានប្រេង មិនអាចជះឥទ្ធិពលធំធុំដល់ការរុញកំណើនសេដ្ឋកិច្ចជាតិ។

តាមការប៉ាន់ប្រមាណ កម្ពុជាអាចផលិតប្រេងបានចន្លោះពី ៧ ០០០ ទៅ ៧ ៥០០ បារ៉ែលក្នុងមួយថ្ងៃ។ បើតាមទីផ្សារតម្លៃប្រេងបច្ចុប្បន្នប្រហែល ៥៥ ដុល្លារក្នុងមួយបារ៉ែល ចំណូលបានមិនដល់៣០ លានដុល្លារផងក្នុងមួយឆ្នាំ។

ចំណូលប្រេង ៣០លាន ដុល្លារនេះ មិនទាន់ស្មើចំណូលសារពើពន្ធភ្ញៀវទេសចរជាង ០៦ លាននាក់ ដែលមកលេងកម្ពុជានោះឡើយ។

កាលពីឆ្នាំ ២០១៩ កម្ពុជាទទួលភ្ញៀវទេសចរប្រមាណ ៦ លាននាក់។ ក្នុងនោះគ្រាន់តែចំណូលពីការយកថ្លៃទិដ្ឋាការមានរហូតដល់ជាង ១៨០ លានដុល្លារ។

ប្រទេសផលិតប្រេងធំជាច្រើនមិនអាចពឹងផ្អែកលើប្រេងមួយមុខទេ ដើម្បីរុញច្រានកំណើនសេដ្ឋកិច្ចជាតិ ក៏មានការចូលរួមចំណែកលើការអភិវឌ្ឍផ្នែកឧស្សាហកម្ម កសិកម្ម និងសេវាកម្មជាដើម៕

អត្ថបទ៖ ប៊ុណ្ណារ៉ា

Related Topics:ប្រេងកាត

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា