ព័ត៌មានជាតិ
ខេត្តស្វាយរៀង បំពាក់អំពូលភ្លើង LED ភ្លឺស្អាតសន្សំសំំចៃបច្ចេកវិទ្យាក្រុមហ៊ុនជប៉ុន
រដ្ឋបាលខេត្តស្វាយរៀង កំពុងបន្តគម្រោងបំពាក់អំពូលភ្លើងបំភ្លឺផ្លូវសាធារណៈនាពេលរាត្រីដើរដោយប្រព័ន្ធបច្ចេកវិទ្យាឆ្លាតវៃនៅតាមទីប្រជុំជន និងតំបន់មួយចំនួនក្នុងក្រុងស្វាយរៀង។
ជាគម្រោងបន្តមានស្រាប់ ដែលបានបំពាក់អំពូលភ្លើងបំភ្លឺផ្លូវជាង ៤០០ បង្គោលមកហើយ រាយបណ្តាក់នៅក្នុងក្រុងស្វាយរៀង នៅទីប្រជុំជនក្រោលគោ និងនៅស្វាយជ្រុំ។
លោក ហែម ពិសិដ្ឋ អភិបាលរងខេត្តស្វាយរៀង បានថ្លែងប្រាប់កម្ពុជាថ្មីថា រដ្ឋបាលខេត្តនៅតែបន្តគម្រោងសាងសង់បង្គោលភ្លើង បំពាក់អំពូលភ្លើងបំភ្លឺផ្លូវនៅក្នុងខេត្ត និងទីប្រជុំជន គ្រាន់តែបច្ចុប្បន្នរដ្ឋបាលខេត្តអនុវត្តទៅតាមដំណាក់កាលប៉ុណ្ណោះ។ ការបន្តគម្រោងបំពាក់ភ្លើងបំភ្លឺឆ្លាតវៃ គឺរដ្ឋបាលខេត្តធ្វើទៅតាមលទ្ធភាពចំណូលថវិកាដែលខេត្តរកបាន។
“ យើងធ្វើរាល់ថ្ងៃ មានថវិកាប៉ុណ្ណា យើងធ្វើប៉ុណ្ណឹង ដាក់ជាច្រើនកន្លែងហើយ គ្រាន់តែកន្លែងខ្លះ យើងចង់សាកល្បងអំពូលក្រុមហ៊ុននេះ ក្រុមហ៊ុននោះ”។
បច្ចុប្បន្នខេត្តស្វាយរៀង មានអំពូលភ្លើងដាក់បំភ្លឺផ្លូវសាធារណៈប្រមាណជាង ៤០០ បង្គោល ដែលត្រូវបានដាក់ដាច់ដោយកន្លែងនៅក្នុងក្រុងស្វាយរៀង។
តំណាងក្រុមហ៊ុនជប៉ុន មីនេបៀមីតស្ស៊ុមិ ដែលផ្គត់ផ្គង់ភ្លើងបំភ្លឺផ្លូវឆ្លាតវ័យប្រភេទ LED ថ្មីៗនេះបានធ្វើបទបង្ហាញមួយទៅកាន់អាជ្ញាធររដ្ឋបាលខេត្ត ពាក់ព័ន្ធនឹងគម្រោងបំពាក់ភ្លើងបំភ្លឺផ្លូវសាធារណៈដោយប្រព័ន្ធបច្ចេកវិទ្យាឆ្លាតវ័យ នៅខេត្តស្វាយរៀង។
លោក ហែម ពិសិដ្ឋបញ្ជាក់ថា តំណាងក្រុមហ៊ុន ជប៉ុនមីនេបៀ មានបំណងធ្វើការវិនិយោគភ្លើងបំភ្លឺផ្លូវសាធារណៈ។ រដ្ឋបាលខេត្តសង្ឃឹមថាក្រុមហ៊ុននឹងបន្ធូរបន្ថយតម្លៃសមស្រប ដើម្បីផ្តល់លទ្ធភាពឲ្យរដ្ឋបាលខេត្តត្រៀមកញ្ចប់ថវិកាសម្រេចលើគម្រោងមួយនេះ។
អំពូលភ្លើងឆ្លាតវ័យផ្តល់អត្ថប្រយោជន៍រួមចំណែក ក្នុងកាត់បន្ថយទៅលើការចំណាយថាមពលអគ្គិសនី និងឧស្ម័នការបូនិច ជាពិសេសចូលរួមលើកកម្ពស់សោភ័ណភាពនៅក្នុងខេត្តស្របទៅតាមសម័យកាលបច្ចុប្បន្ន៕
អត្ថបទ៖ ឡេង ដេត
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ