Connect with us

ព័ត៌មានអន្ដរជាតិ

ត្រាំ ថា ពូទីន និងហ្សេលេនស្គី ត្រៀមខ្លួនចុះហត្ថលេខាលើកិច្ចព្រមព្រៀងសន្តិភាព រួចហើយ

បានផុស

នៅ

នៅក្នុងយន្តហោះ Air Force One, ប្រធានាធិបតីអាមេរិក ដូណាល់ ត្រាំ បានប្រាប់ទៅអ្នកសារព័ត៌មានថា មេដឹកនាំរុស្ស៊ីនិងអ៊ុយក្រែន ត្រៀមខ្លួនរួចរាល់ហើយក្នុងការចុះហត្ថលេខាលើកិច្ចព្រមព្រៀងសន្តិភាព ដែលសម្របសម្រួលដោយទីក្រុងវ៉ាស៊ីនតោន។ នេះបើយោងតាមការចុះផ្សាយរបស់ RT នៅថ្ងៃសុក្រទី៤ខែមេសាឆ្នាំ២០២៥។

(ពីឆ្វេងទៅស្តាំ) លោក ហ្សេលេនស្គី, ត្រាំ និងពូទីន (រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដ្បិតមិនទាន់លាតត្រដាងអំពីព័ត៌មានលម្អិតក៏ដោយ ប៉ុន្តែប្រមុខសេតវិមានរូបនេះអះអាងថា លោកបានទាក់ទងទាំងជាមួយ វ្ល៉ាឌីមៀរ ពូទីន និងវ៉ូឡូឌីមៀរ ហ្សេលេនស្គី ហើយក៏ពិភាក្សាប្រកបដោយផ្លែផ្កាជុំវិញដំណើរឈានឆ្ពោះទៅរកសន្តិភាពរុស្ស៊ី-អ៊ុយក្រែនហើយដែរ។

ស្របពេលជាមួយគ្នានោះ លោកបានវាយប្រហារអឺរ៉ុបដោយស្តីបន្ទោសថា «អឺរ៉ុបធ្វើរឿងនេះមិនបានទេ ប៉ុន្តែខ្ញុំនឹងធ្វើបាន។ យើងចង់ឃើញសង្គ្រាមចប់ឆាប់ៗ ព្រោះមួយសប្តាហ៍ៗ មានមនុស្សស្លាប់រាប់ពាន់នាក់ឯណោះ»។

ប្រធានាធិបតីអាមេរិក ដូណាល់ ត្រាំ

យ៉ាងណាក្តី ពាក់ព័ន្ធកិច្ចព្រមព្រៀងនេះដែរ មួយថ្ងៃមុននេះភាគីរុស្ស៊ី បានដាក់ចេញនូវលក្ខខណ្ឌថ្មីរួចហើយទៅសហរដ្ឋអាមេរិក ប្រសិនបើចង់ឲ្យមានសន្តិភាពមែន នោះគឺរុស្ស៊ីទាមទារឲ្យអាមេរិក ត្រូវយល់ឲ្យច្បាស់អំពីឫសគល់នៃសង្គ្រាមនេះជាមុនសិន សឹមនឹងរៀបរៀងកិច្ចព្រមព្រៀងសន្តិភាពថ្មី។

សារព័ត៌មាន JOE បានដកស្រង់សម្តីអនុរដ្ឋមន្ត្រីការបរទេសរុស្ស៊ីលោក Sergei Ryabkov ដែលនិយាយថា «យើងបានពិនិត្យមើលដំណោះស្រាយដែលស្នើឡើងដោយអាមេរិកយ៉ាងយកចិត្តទុកដាក់ បំផុតប៉ុន្តែបើដូចទម្រង់បច្ចុប្បន្ននេះ យើងមិនអាចទទួលយកបានទាំងស្រុងទេ។ តាមដែលយើងអាចមើលឃើញ អាមេរិកត្រូវដោះស្រាយបញ្ហាទាក់ទងនឹងមូលហេតុនៃជម្លោះនេះជាមុនសិន”។

អនុរដ្ឋមន្ត្រីការបរទេសរុស្ស៊ីលោក Sergei Ryabkov (រូបថត៖ Reuters)

នេះគឺជាលក្ខខណ្ឌថ្មីរបស់រុស្ស៊ី ខុសពីកាលពីខែមីនា ដែលកាលនោះរុស្ស៊ីក៏បង្ហាញលក្ខខណ្ឌ៣ចំណុចទៅសហរដ្ឋអាមេរិកដែរ ដូចជា ១. គ្មានសមាជិកភាពណាតូសម្រាប់អ៊ុយក្រែនឡើយ ២. ត្រូវតែមានកិច្ចព្រមព្រៀងដើម្បីធានាថា គ្មានការដាក់ទ័ពបរទេសលើដីអ៊ុយក្រែន ៣. ត្រូវតែមានការទទួលស្គាល់ជាអន្តរជាតិចំពោះតំបន់គ្រីមៀនិងទឹកដី៤ទៀត ដែលរុស្ស៊ីកាត់យកពីអ៊ុយក្រែន។

ហេតុដូច្នេះទើបមានការសង្ស័យខ្លះថា តើរដ្ឋបាលលោក ត្រាំ នឹងប្រើវិធីសាស្រ្តអ្វីឬទទួលយកលក្ខខណ្ឌបែបណាខ្លះពីភាគីរុស្ស៊ីនិងអ៊ុយក្រែន ដើម្បីនាំសន្តិភាពឲ្យប្រទេសទាំងពីរនេះបាន៕

អត្ថបទ៖ សុខ សុវណ្ណ

ចុចអាន៖ រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៣ នាទីutes មុន

រុស្ស៊ី​ប្រាប់​ថា ខ្លួន​នឹង​ជួសជុល​យន្តហោះ​ចម្បាំង​ដែល​ខូចខាត អំឡុង​ការ​វាយ​ប្រហារ​របស់​អ៊ុយក្រែន

ព័ត៌មានជាតិ៨ នាទីutes មុន

កំពង់ដរព្រែកព្រលូង ​នឹងត្រូវបិទអាជីវកម្ម ក្រោយ​​ស្ពាន​​​ខេត្តក្រចេះ​សាងសង់រួចរាល់​ដាក់​ឲ្យ​ដំណើរការ

ជីវិតកម្សាន្ដ៤៤ នាទីutes មុន

នាយ ពាង ត្រៀមវះកាត់ដុំសាច់កាចអណ្តាតខាងឆ្វេងឆាប់ៗនេះ ខណៈកំពុងសម្រាកតាមដាននៅមន្ទីរពេទ្យ

ព័ត៌មានអន្ដរជាតិ២ ម៉ោង មុន

​សមាជិកសភា​ប៊ុលហ្គារីគាំទ្ររុស្ស៊ីនិង​អឺរ៉ុប ប៉ះពារគ្នា​​ដល់​រាងកាយ​ ក្នុងជម្លោះ​លើ​​​​​ប្រាក់​អឺរ៉ូ​

ព័ត៌មានអន្ដរជាតិ២ ម៉ោង មុន

ក្មេងជំនាន់ Gen Z ថៃ ​ព្រួយបារម្ភពី​ការចំណាយប្រចាំថ្ងៃខ្ពស់

Sokha Hotels

ព័ត៌មានពេញនិយម