មន្ទីរពេទ្យខេត្តស្វាយរៀង នឹងរៀបចំកម្មវិធីបរិច្ចាគឈាម ដើម្បីអបអរសាទរទិវានៃសេចក្តីស្រលាញ់

មន្ទីរពេទ្យខេត្តស្វាយរៀង បានសហការជាមួយ សាកលវិទ្យាល័យស្វាយរៀង នឹងរៀបចំកម្មវិធីបរិច្ចាគឈាមក្រោមប្រធានបទ “ផ្ដល់ឈាម ផ្ដល់ក្ដីស្រលាញ់ ផ្ដល់ក្ដីសង្ឃឹម” ដើម្បីអបអរសាទរទិវានៃសេចក្តីស្រលាញ់ ១៤-កុម្ភៈ-២០២៥ ខាងមុខ។ នេះបើតាមការបង្ហោះលើទំព័រហ្វេសសប៊ុករប​ស់រដ្ឋបាលខេត្តស្វាយរៀង នៅថ្ងៃទី១២ ខែកុម្ភៈ ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យខេត្តស្វាយរៀង បានជូនដំណឹងដល់ប្រជាពលរដ្ឋ និស្សិត យុវជន យុវនារី ព្រះសង្ឃ ពិសេសនិស្សិតសាកលវិទ្យាស្វាយរៀង មេត្តាអញ្ជើញចូលរួមបរិច្ចាគឈាមដោយស្ម័គ្រចិត្ត ដើម្បីអបអរសាទរទិវានៃសេចក្តីស្រលាញ់ ១៤-កុម្ភៈ-២០២៥ ខាងមុខ។ កម្មវិធីនេះនឹងធ្វើឡើងនៅថ្ងៃទី១៥ ខែកុម្ភៈ ឆ្នាំ២០២៥ នៅសាលប្រជុំធំ នៃសាកលវិទ្យាល័យស្វាយរៀង ចាប់ពីវេលាម៉ោង ៧៖៣០ នាទីព្រឹកតទៅ។

ទន្ទឹមនឹងនេះ រដ្ឋបាលខេត្តស្វាយរៀង ក៏បានអំពាវនាវដល់ប្រជាពលរដ្ឋ និស្សិត យុវជន យុវនារី ព្រះតេជគុណគ្រប់ព្រះអង្គ មេត្តាចូលរួមបរិច្ចាគឱ្យបានច្រើនកុះករ ដើម្បីជួយសង្គ្រោះអ្នកជំងឺដែលកំពុងត្រូវការឈាមជារៀងរាល់ថ្ងៃ៕