វៀតណាមនាំចេញកសិផលមានអតិរេកពាណិជ្ជកម្ម​ខ្ពស់ក្នុងរយៈពេល៤ខែកន្លងមកនេះ

ទីក្រុងហាណូយ៖ ក្រសួងកសិកម្ម និងអភិវឌ្ឍន៍ជនបទ (MARD) បានរាយការណ៍ថា ការនាំចេញផលិតផលកសិ-រុក្ខាប្រមាញ់-នេសាទរបស់វៀតណាមទទួលបានប្រហែល ១៩,០៦ ពាន់លានដុល្លារក្នុងរយៈពេល ៤ ខែដំបូងនៃឆ្នាំ ២០២៤ កើនឡើង ២៣,៧ ភាគរយពីឆ្នាំមុន។

​ទន្ទឹមនឹងនេះ ប្រទេសនេះក៏បាននាំចូលផលិតផលទាំងនេះមានតម្លៃ ១៤,៣២​ ពាន់លានដុល្លារផងដែរ ដែលបណ្តាលឱ្យមានអតិរេកពាណិជ្ជកម្មចំនួន​៤,៧៤ ​ពាន់លានដុល្លារ កើនឡើង ៧១,៥ភាគរយធៀបនឹងឆ្នាំមុន។ នេះបើយោងតាមទីភ្នាក់ងារសារព័ត៌មានវៀតណាមចុះផ្សាយថ្ងៃពុធនេះ។

ក្នុងរយៈពេល ៤ ខែ វៀតណាមបាននាំចេញកសិផលទៅក្រៅប្រទេសមានតម្លៃ ១០,៤៤ ពាន់លានដុល្លារ កើនឡើង ៣២,៥ ភាគធៀបទៅនឹងឆ្នាំមុន។ នាំចេញ ផលិតផលព្រៃឈើមានទឹកប្រាក់៥,១៨ ពាន់លានដុល្លារនៃ កើនឡើង ២២,៨ ភាគរយ; និងផលិតផលជលផល ២,៦៨ ពាន់លាន កើនឡើង ៤,២ ភាគរយ។

ទាក់ទងនឹងទីផ្សារ ការនាំចេញទៅកាន់ទ្វីបអាស៊ី អាមេរិក អឺរ៉ុប អូសេអានី និងអាហ្រ្វិក មានការកើនឡើងពី ១៩,៨ ភាគរយដល់ ៣៨,៦ ភាគរយ។ សហរដ្ឋអាមេរិក ចិន និងជប៉ុននៅតែជាប្រទេសទិញកសិផល-ព្រៃឈើ-ជលផលច្រើនជាងគេទាំងបីរបស់វៀតណាម។

ដើម្បីរក្សាល្បឿនកំណើន ក្រសួងបាននិយាយថា ខ្លួនបានដោះស្រាយបញ្ហាទាក់ទងនឹងទីផ្សារ ដើម្បីសម្រួលដល់ការនាំចេញ ជាពិសេសទៅកាន់ប្រទេសចិន សហរដ្ឋអាមេរិក ជប៉ុន និងសហភាពអឺរ៉ុប ខណៈពេលដែលពង្រីកទៅកាន់ប្រទេសថ្មីដូចជាមជ្ឈិមបូព៌ា អាហ្វ្រិក និងប្រទេសអ៊ីស្លាម។

ទន្ទឹមនឹងនោះ ខ្លួនក៏បានពង្រីកឱកាសកាន់តែច្រើនស្ថិតក្រោមកិច្ចព្រមព្រៀងពាណិជ្ជកម្មសេរី ជាពិសេសកិច្ចព្រមព្រៀងគ្រប់ជ្រុងជ្រោយ និងរីកចម្រើននៃភាពជាដៃគូអន្តរប៉ាស៊ីហ្វិក (CPTPP) និងកិច្ចព្រមព្រៀងពាណិជ្ជកម្មសេរី EU-វៀតណាម (EVFTA)៕