សេដ្ឋកិច្ច

ថៃជាប់ជាទិសដៅទេសចរណ៍ទី១នៅអាស៊ី សម្រាប់ភ្ញៀវអឺរ៉ុប

បានផុស

៦ ថ្ងៃ មុន

នៅ

ថ្ងៃសៅរ៍ ២៥ ឧសភា ២០២៤

ដោយ

ការស្ទង់មតិរបស់ទីភ្នាក់ងារដំណើរកម្សាន្ត Agoda បានបង្ហាញថា ប្រទេសថៃគឺជាគោលដៅទី១ប្រចាំទ្វីបអាស៊ី សម្រាប់អ្នកទេសចរមកពីអឺរ៉ុប។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបង្ហាញថា ប្រទេសដែលឈរនៅលេខរៀងជាបន្តបន្ទាប់ រួមមានឥណ្ឌូណេស៊ី ជប៉ុន ម៉ាឡេស៊ី និងហ្វីលីពីន។

លោក Pierre Honne មន្រ្តីជាន់ខ្ពស់របស់ Agoda ប្រចាំប្រទេសថៃ បាននិយាយថា តាមទិន្នន័យពីគេហទំព័រ Agoda ភ្ញៀវទេសចរអឺរ៉ុបស្វែងរកសណ្ឋាគារនៅភូកេតច្រើនជាងគេ បន្ទាប់មកគឺទីក្រុងបាងកក និងខេត្ត Krabi ។

លោកបន្តថា ខេត្តក្រុងទាំង៣ លេចធ្លោសម្រាប់ការលំហែ ការផ្សងព្រេង និងតំបន់ទេសចរណ៍វប្បធម៌ដែលទាក់ទាញភ្ញៀវទេសចរអន្តរជាតិ ជាពិសេសក្នុងអំឡុងថ្ងៃឈប់សម្រាកនារដូវក្តៅ។

ស្ថិតិរបស់ Agoda ក៏បានបង្ហាញផងដែរថា ចំនួនជនជាតិអឺរ៉ុបដែលស្វែងរកសណ្ឋាគារនៅអាស៊ីនៅលើគេហទំព័ររបស់ខ្លួន បានកើនឡើង ៥២ ភាគរយ ធៀបនឹងឆ្នាំមុន។ ភាគច្រើនភ្ញៀវទេសចរទាំងនោះ មកពីចក្រភពអង់គ្លេស បារាំង អាល្លឺម៉ង់ អេស្ប៉ាញ និងហូឡង់។

លោក Honne បាននិយាយថា បណ្តាប្រទេសនៅអាស៊ី គឺស្ថិតក្នុងចំណោមគោលដៅវិស្សមកាលដ៏ពេញនិយមបំផុតសម្រាប់អ្នកធ្វើដំណើរនៅអឺរ៉ុប ដោយសារភាពសម្បូរបែបនៃការទាក់ទាញរបស់ប្រទេសទាំងនោះ៕

Related Topics:

Up Next

កម្ពុជាមានកំពង់ផែតាមដងទន្លេសំខាន់ៗចំនួន ១៩ សម្រួលដឹកជញ្ជូនទំនិញតាមផ្លូវទឹក

Don't Miss

កាណាដាបញ្ជាឱ្យរំលាយក្រុមហ៊ុនបច្ចេកវិទ្យា២ ដោយលើកឡើងពីការព្រួយបារម្ភផ្នែកសន្តិសុខជាតិ