សេដ្ឋកិច្ច
ថៃជាប់ជាទិសដៅទេសចរណ៍ទី១នៅអាស៊ី សម្រាប់ភ្ញៀវអឺរ៉ុប
ការស្ទង់មតិរបស់ទីភ្នាក់ងារដំណើរកម្សាន្ត Agoda បានបង្ហាញថា ប្រទេសថៃគឺជាគោលដៅទី១ប្រចាំទ្វីបអាស៊ី សម្រាប់អ្នកទេសចរមកពីអឺរ៉ុប។ នេះបើតាមការចុះផ្សាយរបស់កាសែតបាងកកប៉ុស្តិ៍។
![](https://www.kampucheathmey.com/wp-content/uploads/2024/05/thailand-tourism-d-1024x614.jpeg)
ទិន្នន័យបង្ហាញថា ប្រទេសដែលឈរនៅលេខរៀងជាបន្តបន្ទាប់ រួមមានឥណ្ឌូណេស៊ី ជប៉ុន ម៉ាឡេស៊ី និងហ្វីលីពីន។
លោក Pierre Honne មន្រ្តីជាន់ខ្ពស់របស់ Agoda ប្រចាំប្រទេសថៃ បាននិយាយថា តាមទិន្នន័យពីគេហទំព័រ Agoda ភ្ញៀវទេសចរអឺរ៉ុបស្វែងរកសណ្ឋាគារនៅភូកេតច្រើនជាងគេ បន្ទាប់មកគឺទីក្រុងបាងកក និងខេត្ត Krabi ។
លោកបន្តថា ខេត្តក្រុងទាំង៣ លេចធ្លោសម្រាប់ការលំហែ ការផ្សងព្រេង និងតំបន់ទេសចរណ៍វប្បធម៌ដែលទាក់ទាញភ្ញៀវទេសចរអន្តរជាតិ ជាពិសេសក្នុងអំឡុងថ្ងៃឈប់សម្រាកនារដូវក្តៅ។
![](https://www.kampucheathmey.com/wp-content/uploads/2024/05/thai-beaches-hero--1024x614.jpg)
ស្ថិតិរបស់ Agoda ក៏បានបង្ហាញផងដែរថា ចំនួនជនជាតិអឺរ៉ុបដែលស្វែងរកសណ្ឋាគារនៅអាស៊ីនៅលើគេហទំព័ររបស់ខ្លួន បានកើនឡើង ៥២ ភាគរយ ធៀបនឹងឆ្នាំមុន។ ភាគច្រើនភ្ញៀវទេសចរទាំងនោះ មកពីចក្រភពអង់គ្លេស បារាំង អាល្លឺម៉ង់ អេស្ប៉ាញ និងហូឡង់។
លោក Honne បាននិយាយថា បណ្តាប្រទេសនៅអាស៊ី គឺស្ថិតក្នុងចំណោមគោលដៅវិស្សមកាលដ៏ពេញនិយមបំផុតសម្រាប់អ្នកធ្វើដំណើរនៅអឺរ៉ុប ដោយសារភាពសម្បូរបែបនៃការទាក់ទាញរបស់ប្រទេសទាំងនោះ៕
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៩ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម២ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ