ព័ត៌មានអន្ដរជាតិ
នៅអាមេនី គណបក្សនយោបាយដែលងាកទៅស្និទ្ធអឺរ៉ុបនិងអាមេរិក ឈ្នះឆ្នោតលើគូប្រជែងដែលស្និទ្ធនឹងរុស្ស៊ី
ទីបំផុតប្រជាជនអាមេនី បានជ្រើសរើស លោក នីកុល ផាស៊ីនីយ៉ាន (Nikol Pashinyan) ដែលដឹកនាំប្រទេសអាមេនីងាកទៅស្និទ្ធជាមួយអឺរ៉ុប និងសហរដ្ឋអាមេរិក ដោយដកខ្លួនកាន់តែឆ្ងាយពីមហាអំណាចរុស្សីដែលធ្លាប់ធ្វើជាអ្នកធានាសន្តិភាពរវាងអាមេនី និង អាស៊ែបៃហ្សង់ជាច្រើនទសវត្សរ៍ក៏ដោយ។
លទ្ធផលបោះឆ្នោតនៅថ្ងៃអាទិត្យក្នុងប្រទេសអាមេនី ដែលស្ថិតនៅតំបន់កូកាសខាងត្បូង និងជាតំបន់ប្រទាញប្រទុង ដោយសារអឺរ៉ុបនិងរុស្ស៊ី បានបង្ហាញថា នាយករដ្ឋមន្ត្រីអាមេនី លោក Nikol Pashinyan ដែលមានទំនោរទៅរកបស្ចិមប្រទេសនោះ បានឈ្នះលើគូប្រជែងនយោបាយ លោក Samvel Karapetyan ដែលជាសេដ្ឋីមានទំនោរស្និទ្ធទៅខាងរុស្ស៊ី។
នាយករដ្ឋមន្ត្រីអាមេនី លោក Nikol Pashinyan បានប្រកាសជ័យជម្នះនៅព្រឹកថ្ងៃចន្ទ ក្នុងការបោះ ឆ្នោតសភា បន្ទាប់ពីលទ្ធផលពីកន្លែងបោះឆ្នោតជាងមួយភាគប្រាំបានបង្ហាញថា គណបក្សរបស់លោកទទួលបានសំឡេងគាំទ្រប្រហែល ៥៤ ភាគរយ។ យោងទីភ្នាក់ព័ត៌មានតួកគី Anadolu។
នៅក្នុងសន្និសីទសារព័ត៌មានមួយនៅព្រឹកព្រលឹមថ្ងៃចន្ទ លោក Pashinyan បាននិយាយថា គណបក្សកិច្ចសន្យាស៊ីវិល (Civil Contract party) របស់លោកទទួលបានជ័យជម្នះ ដោយហៅវាថាជា «ជ័យជម្នះជាប្រវត្តិសាស្ត្រ»។
គណៈកម្មការរៀបចំការបោះឆ្នោតរបស់ប្រទេសអាមេនី បានចេញផ្សាយលទ្ធផលដំបូងពីការិយាល័យបោះឆ្នោតប្រហែល ២១ ភាគរយ នៅពេលដែល លោក Pashinyan បានធ្វើសន្និសីទសារព័ត៌មាន។
ការបោះឆ្នោតនៅថ្ងៃអាទិត្យ ដែលជាការបោះឆ្នោតទូទៅលើកដំបូងរបស់ប្រទេសអាមេនី ចាប់តាំងពីការបរាជ័យផ្នែកយោធាយ៉ាងធ្ងន់ធ្ងរដោយប្រទេសអាស៊ែបៃហ្សង់ក្នុងឆ្នាំ ២០២៣ ត្រូវបានគេមើលឃើញថា ជាការសាកល្បងនៃការជំរុញរបស់លោក Pashinyan ក្នុងការពង្រឹងទំនាក់ទំនងជាមួយលោកខាងលិច និងធានាកិច្ចព្រមព្រៀងសន្តិភាពជាមួយប្រទេសអាស៊ែបៃហ្សង់ បន្ទាប់ពីជម្លោះ និងភាពចលាចលនយោបាយអស់រយៈពេលជាច្រើនឆ្នាំ។
លទ្ធផលបឋម បានបង្ហាញថា គណបក្សកិច្ចសន្យាស៊ីវិល ទទួលបានសំឡេងគាំទ្រ ៥៤.៥ ភាគរយ និងសម្ព័ន្ធមិត្តអាមេនីរឹងមាំគាំទ្ររុស្ស៊ី (Strong Armenia)ដឹកនាំដោយលោក Samvel Karapetyan ស្ថិតនៅលំដាប់ទីពីរ ដោយមានសំឡេងគាំទ្រ ២១.៩ ភាគរយ។ គណបក្សសម្ព័ន្ធអាមេនីស្ថិតនៅលំដាប់ទីបីដោយមានសំឡេងគាំទ្រ ៨,៧ ភាគរយ ហើយគណបក្សអាមេនីរុងរឿងស្ថិតនៅលំដាប់ទីបួនដោយមានសំឡេងគាំទ្រប្រហែលប្រាំភាគរយ៕
សម្រួល រើយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ