Connect with us

សេដ្ឋកិច្ច

​កសិដ្ឋានគិរីសួគ៌​ មានសមត្ថភាពផលិតទឹកដោះគោស្រស់​ដល់ ១ ម៉ឺន ៥ ពាន់លីត្រ ​ក្នុងមួយថ្ងៃ​

បានផុស

នៅ

កសិដ្ឋានចិញ្ចឹមគោយកទឹកដោះគិរីសួគ៌ ស្ថិតនៅភ្នំតាម៉ៅ ស្រុកបាទី ខេត្តតាកែវ ​មានសមត្ថភាព​ផលិត​ទឹកដោះគោស្រស់ចន្លោះ​ពី ១ ២០០០-១ ៥០០០ លីត្រក្នុងមួយថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ជឿន វិជ្ជា ​បុគ្គលិកផ្នែកទីផ្សារនៅក្រុមហ៊ុន Khmer Fresh Milk  ​បានឱ្យដឹងថា ​បច្ចុប្បន្ន​ប្រ​ជាជនខ្មែរ ​ហាក់មានការគាំទ្រលើផលិតផលទឹកដោះគោស្រស់​ ខណៈនៅតាមផ្សារទំនើបនានាទឹក​ដោះគោក្រុមហ៊ុនរបស់លោក ដែលវិនិយោគលើកសិដ្ឋានគិរីសួគ៌ លក់ដាច់ច្រើនគួរសម។​

លោក ជឿន វិជ្ជាក៏បានអំពាវនាវឱ្យប្រជាជនខ្មែរ បង្កើន​ការ​គាំទ្រផលិតផលខ្មែរឱ្យបានកាន់តែច្រើន​បន្ថែមទៀត ​ដើម្បីលើកទឹកចិត្តដល់អ្នកផលិតក្នុងស្រុក។​

​កសិដ្ឋានចិញ្ចឹមគោយកទឹកដោះគិរីសួគ៌​បានបើកសម្ពោធជាផ្លូវការនៅថ្ងៃទី ​១១ ខែមេសា ឆ្នាំ ២០២៤ ​ក្រោមវត្តមានសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

កសិដ្ឋានគិរីសួគ៌មានសមត្ថភាពផលិតទឹកដោះគោស្រស់រហូតដល់ ១ ៥០០០ ពាន់លីត្រក្នុងមួយថ្ងៃ​ និងផ្គត់​ផ្គង់​បានប្រមាណ ១៥ ភាគ​រយ​​​នៃចំណែកទីផ្សារកម្ពុជា។ នេះបើតាមការលើកឡើងរបស់​លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

កសិដ្ឋានគិរីសួគ៌ ជា​កសិដ្ឋាន​ខ្នាតធំថ្នាក់ជាតិដំបូងគេនៅកម្ពុជា ដែលមានសង្វាក់ផលិតកម្មទំនើប មានសមត្ថភាព​ផលិតទឹកដោះគោសុទ្ធស្រស់មានគុណភាពខ្ពស់ និងជំនួយផ្នែកអាហារូបត្ថម្ភ។

​កសិដ្ឋានគិរីសួគ៌មានចំនួនគោសរុបជិត ១ ពាន់ក្បាល (៩២៨) និងមានគម្រោង បង្កើនចំនួន​គោយក​ទឹក​ដោះឱ្យដល់ ៣ ពាន់ក្បាល ដើម្បីបង្កើនផលិត​កម្ម​ទឹកដោះគោស្រស់ និងផលិតផលទឹកដោះគោ ដោយ​វេចខ្ចប់ជាកញ្ចប់ដាក់ក្រដាសតូចៗ ​សម្រាប់​ផ្គត់ផ្គង់នៅតាមសាលារៀន។

កសិដ្ឋាន​គិរីសួគ៌មានរោងចក្រកែច្នៃទឹកដោះគោ និងយ៉ាអួរប្រកបដោយបច្ចេកវិទ្យាខ្ពស់លើផ្ទៃដីចំនួន ៣០០ ហិកតា ស្ថិតនៅភ្នំតាម៉ៅ ស្រុកបាទី ខេត្តតាកែវ។

បច្ចុប្បន្នកម្ពុជា មានកសិដ្ឋានផលិតគោយកទឹកដោះចំនួន ៤ គឺកសិដ្ឋានគិរីសួគ៌ កសិដ្ឋាន មូមូ កសិដ្ឋានឧទ្យានជាតិឬស្សីត្រឹប និងកសិដ្ឋានអូម៉។

គិតត្រឹមខែមីនា ឆ្នាំ ២០២៤ កសិដ្ឋានទាំង ៤ មានគោយកទឹកដោះចំនួន ១.១៧៦ ក្បាល ដែលអាចផលិតទឹកដោះគោស្រស់ ជាង ១៣ ពាន់លីត្រក្នុងមួយថ្ងៃ ​ស្មើនឹងជាង ៥ លានលីត្រក្នុង១ ឆ្នាំ ឬ ១៧ ភាគរយ នៃតម្រូវការទឹកដោះគោ​ស្រស់ក្នុងស្រុកជាង ៣០ លានលីត្រ៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៨ នាទី មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ១ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៤ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៥ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ១០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៣ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម