សេដ្ឋកិច្ច
លោក ឈរ រិទ្ធី មានមហិច្ឆតាផលិតទឹកដោះគោស្រស់ផ្គត់ផ្គង់ក្នុងស្រុកជំនួសការនាំចូលឱ្យបាន ៥០ភាគរយ
កសិដ្ឋានគិរីសួគ៌ បានផលិតទឹកដោះគោស្រស់ផ្គត់ផ្គង់ក្នុងស្រុក បានប្រមាណ ១៥ភាគរយ បើធៀបនឹងការនាំចូល។ នេះជាការបញ្ជាក់របស់លោក ឈរ រិទ្ធី អគ្គនាយកក្រុមហ៊ុន ខ្មែរ ហ្វ្រេស មិល និងកសិដ្ឋានគិរីសួគ៌។
ជាមួយនឹងការផ្គត់ផ្គង់ក្នុងស្រុកនៅមានកម្រិតនេះ លោក រិទ្ធី មានមហិច្ឆតាបង្កើតការផលិតទឹកដោះគោស្រស់ ដើម្បីបំពេញតម្រូវការក្នុងស្រុកជំនួសការនាំចូលឱ្យបាន ៥០ភាគរយ នៅពេលខាងមុខ។
ថ្លែងនៅក្នុងកម្មវិធី Grow under peace របស់កម្ពុជាថ្មី អគ្គនាយកក្រុមហ៊ុន ខ្មែរ ហ្វ្រេស មិល និងកសិដ្ឋានគិរីសួគ៌ បានលើកឡើងថា បច្ចុប្បន្នកសិដ្ឋានគិរីសួគ៌ មានគោផលិតទឹកដោះប្រមាណ ៦០០ក្បាល ក្នុងចំណោមជាង ១ពាន់ក្បាល។ បើតាមលោក ឈរ រិទ្ធី ក្នុងមួយថ្ងៃ កសិដ្ឋានផលិតទឹកដោះគោបានប្រមាណ ១ម៉ឺន ៧ពាន់លីត្រ និងបានចែកចាយទៅតាមហាងចំនួន ២៥០០ហាង នៅក្នុងប្រទេសកម្ពុជា។
កសិដ្ឋានគិរីសួគ៌ បានដើរមុនគេក្នុងការផលិតទឹកដោះគោស្រស់សម្រាប់ផ្គត់ផ្គង់ទីផ្សារក្នុងស្រុក ត្រួតពិនិត្យតាមបែបបច្ចេកទេសទំនើប និងធានាគុណភាពខ្ពស់។ លោក ឈរ រិទ្ធី ទើបទទួលបានពានមាសក្នុងកម្មវិធីប្រកួតសហគ្រិនថ្នាក់ជាតិ ឆ្នាំ ២០២២ បន្ទាប់ពីកសិដ្ឋានទើបតែទទួលបានពានរង្វាន់ GREEN AWARD ពីកម្មវិធី ASEAN Young Entrepreneur Awards ២០២២។
លោក ជី សិលា សហស្ថាបនិកក្រុមហ៊ុន Khmer Fresh Milk និងកសិដ្ឋានគិរីសួគ៌ បានឱ្យដឹងថា បច្ចុប្បន្នកសិដ្ឋាន មានផលិតដូចជា ទឹកដោះគោស្រស់ យ៉ាអួ និងទឹកយ៉ាអួ(សម្រាប់ផឹក) ដោយក្នុងនោះក៏មានបែងចែកទៅតាមផ្នែក ដូចជា ទឹកដោះគោគ្មានជាតិខ្លាញ់ យ៉ាអួ ទឹកដោះគោមានជាតិសូកូឡា ស្តបបឺរី និងទឹកដោះគោយ៉ាអួ សម្រាប់ផឹក ជាដើម។ ក្រៅពីនេះ ក៏មានបឺ សម្រាប់ញ៉ាំជាមួយនំប៉័ងផងដែរ។
សូមបញ្ជាក់ថា រោងចក្រផលិតទឹកដោះគោស្រស់របស់កសិដ្ឋានគិរីសួគ៌ បង្កើតនៅឆ្នាំ ២០១៨ និងចាប់ផ្តើមនាំយកគោចូលកសិដ្ឋាននៅឆ្នាំ ២០២០។ រយៈពេល ២ឆ្នាំ មានការគាំទ្រច្រើនពីសំណាក់ប្រជាពលរដ្ឋខ្មែរ និងមានតម្រូវការខ្ពស់នៅលើទីផ្សារ។
កសិដ្ឋានគិរីសួគ៌មានផ្ទៃដីទំហំ ៣០០ហិកតា មានទីតាំងស្ថិតនៅជ្រលងភ្នំតាម៉ៅ ស្រុកបាទី ខេត្តតាកែវ ចម្ងាយជាង ៣០គីឡូម៉ែត្រ ពីភាគខាងត្បូងរាជធានីភ្នំពេញ៕
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន