សេដ្ឋកិច្ច
សហជីពឥណ្ឌូណេស៊ី ព្រមានពីការដួលរលំនៃវិស័យវាយនភ័ណ្ឌ ដោយសារការបញ្ឈប់កម្មករច្រើន និងការបិទរោងចក្រ
ប្រធានសហព័ន្ធសហជីពឥណ្ឌូណេស៊ី (KSPN) លោក Ristadi បានប្រកាសថា កម្មករផ្នែកវាយនភណ្ឌ និងផលិតផលវាយនភណ្ឌរាប់ម៉ឺននាក់របស់ឥណ្ឌូណេស៊ី ត្រូវបានបញ្ឈប់ពីការងារក្នុងឆ្នាំនេះ ដោយសារតែភាពចុះដុនដាបអាចនឹងដួលរលំនៃវិស័យនេះ។ នេះបើតាមការចុះផ្សាយបន្តរបស់កាសែត Jakarta Globe។
លោក Ristadi បានប្រាប់សារព័ត៌មានក្នុងស្រុក Beritasatu.com កាលពីថ្ងៃអាទិត្យថា៖ «វិស័យឧស្សាហកម្មវាយនភណ្ឌ និងផលិតផលវាយនភណ្ឌ កំពុងស្ថិតក្នុងស្ថានភាពដុនដាប ជាពិសេសរោងចក្រក្នុងស្រុក ដោយសារទីផ្សារក្នុងស្រុកត្រូវបានជន់លិចដោយទំនិញនាំចូល។ សម្លៀកបំពាក់ វាយនភ័ណ្ឌ និងស្បែកជើងពីបរទេស នៅតែបន្តជន់លិចទីផ្សារក្នុងស្រុករបស់យើង»។
យោងតាម KSPN ចាប់តាំងពីដើមឆ្នាំ ២០២៤ មក កម្មករចំនួន ១៣ ៨០០ នាក់ក្នុងឧស្សាហកម្មវាយនភណ្ឌរបស់ប្រទេសឥណ្ឌូណេស៊ី ត្រូវបានបញ្ឈប់ដោយសារតែការបញ្ជាទិញធ្លាក់ចុះ ដោយក្រុមហ៊ុនមួយចំនួនថែមទាំងផ្អាកប្រតិបត្តិការទាំងស្រុងទៀតផង។ បច្ចុប្បន្ននេះ មានតែឧស្សាហកម្មវាយនភ័ណ្ឌដែលតម្រង់ទិសសម្រាប់ការនាំចេញប៉ុណ្ណោះ ដែលបន្តប្រតិបត្តិការរបស់ខ្លួន។
យ៉ាងណាមិញ លោក Ristadi បានបន្ថែមថា ចំនួនកម្មករដែលរងការបញ្ឈប់ពិតប្រាកដគឺ ៥០ ០០០ នាក់ ប៉ុន្តែ ក្រុមហ៊ុនជាច្រើនមិនចង់បង្ហាញឈ្មោះពាក់ព័ន្ធនឹងបញ្ហានេះ ដើម្បីរក្សាការជឿទុកចិត្តពីធនាគារ និងអ្នកទិញ។ លោកគូសបញ្ជាក់ថា ប្រសិនបើក្រុមហ៊ុនទាំងនោះបង្ហាញថា ខ្លួនបញ្ឈប់កម្មករ នោះអ្នកទិញអាចនឹងលុបចោលការបញ្ជាទិញរបស់ខ្លួន ហើយប្ដូរទៅរកក្រុមហ៊ុនផ្សេងៗទៀត។
មន្រ្តី KSPN ដដែលគូសបញ្ជាក់ថា ការបញ្ឈប់កម្មករភាគច្រើនកើតឡើងនៅខេត្តជ្វាខាងលិច និងជ្វាកណ្តាល ដែលបណ្ដុំទៅដោយរោងចក្រឧស្សាហកម្មវាយនភ័ណ្ឌ។
គួរគូសបញ្ជាក់ថា រលកនៃការបិទរោងចក្រវាយនភ័ណ្ឌឥណ្ឌូណេស៊ីកើតឡើង ក្រោយឥណ្ឌូណេស៊ីធ្វើវិសោធនកម្ម បន្ធូរបន្ថយបទបញ្ជារដ្ឋមន្ត្រីពាណិជ្ជកម្ម ទាក់ទងនឹងគោលនយោបាយ និងបទប្បញ្ញត្តិនាំចូល ដែលបង្កឱ្យសម្លៀកបំពាក់នាំចូលជន់លិចទីផ្សារក្នុងស្រុក។
លោក Ristadi ព្រមានថា៖ «ប្រសិនបើបញ្ហានេះនៅតែបន្ត មិនយូរមិនឆាប់ ឧស្សាហកម្មវាយនភណ្ឌក្នុងស្រុក នឹងមិនអាចប្រកួតប្រជែងជាមួយផលិតផលវាយនភ័ណ្ឌបរទេសបានទេ ដោយសារតម្លៃរបស់គេថោកជាង»។ លោកបន្ថែមថា រដ្ឋាភិបាលឥណ្ឌូណេស៊ីត្រូវតែកំណត់ការនាំចូល ព្រោះ «បើនិយាយពីបច្ចេកវិទ្យា និងធនធានមនុស្ស ឥណ្ឌូណេស៊ីមានសមត្ថភាពផលិតរួចហើយ» បែបនេះហើយគួរតែនាំចូលវត្ថុធាតុដើមដែលឥណ្ឌូណេស៊ីមិនអាចផលិតបាន៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១៣ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២៤ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?