សេដ្ឋកិច្ច

អាកាសយានដ្ឋានអន្តរជាតិតេជោ ហោះហើរសាកល្បង ធ្វើតេស្តបច្ចេកទេសឧបករណ៍

បានផុស

១១ ខែ មុន

នៅ

ថ្ងៃចន្ទ ៩ កញ្ញា ២០២៤

ដោយ

លោក ស៊ីន ចាន់សេរីវុត្ថា រដ្ឋលេខាធិការ និងជាអ្នកនាំពាក្យ អាកាសចរស៊ីវិលកម្ពុជា បានឱ្យដឹងថា ការហោះហើរសាកល្បងនៅអាកាសយានដ្ឋានអន្តរជាតិតេជោ គឺជាការធ្វើតេស្តសាកល្បងឧបករណ៍ បច្ចេកទេស ដែលបានដំឡើង ធានាការប្រាស្រ័យទាក់ទង និងការវាស់វែង សម្រាប់ចុះចត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ីន ចាន់សេរីវុត្ថា បញ្ជាក់ថា៖«ជាការហោះហើរតេស្តសាកល្បងឧបករណ៍ នេះជាយន្តហោះពិសេសមានឧបករណ៍វាស់វែងលើយន្តហោះតូចហ្នឹង ធ្វើការតេស្តឧបករណ៍ដែលយើងបានដំឡើងហើយ គឺធានាថា ការប្រាស្រ័យទាក់ទង និងការវាស់វែង ទំនាក់ទំនងផ្សេងៗសម្រាប់ការចុះចត សម្រាប់ទំនាក់ទំនងរវាងយន្តហោះ និងយន្តហោះ»។

ការហោះហើរធ្វើតេស្តសាកល្បង នឹងត្រូវធ្វើឡើងចំនួន ២ ដង ហោះហើរលើកទី១ មានរយៈពេល៥ថ្ងៃពីថ្ងៃទី០៨ កញ្ញា ដល់ថ្ងៃទី១២ កញ្ញា ២០២៤។ ហោះហើរលើកទី២ មានរយៈពេល៦ថ្ងៃ ពីថ្ងៃទី២៣ កញ្ញា ដល់ថ្ងៃទី២៨ កញ្ញា ២០២៤។

គិតត្រឹមដំណាច់ខែសីហា ឆ្នាំ ២០២៤ គម្រោងសាងសង់អាកាសយាន្តដ្ឋានអន្តរជាតិតេជោ សម្រេចបានប្រមាណ ៨៤% ដោយចំណាយទឹកប្រាក់ ១,២២ ពាន់លានដុល្លារ ដោយគ្រោងបញ្ចប់ការសាងសង់នៅដំណាច់ឆ្នាំ ២០២៤ ហើយដាក់ឱ្យដំណើរការហោះហើរផ្លូវការនៅចុងឆមាសទី១ ឆ្នាំ ២០២៥៕