ព័ត៌មានអន្ដរជាតិ

មន្ត្រីឥណ្ឌូណេស៊ី៖ ឧស្សាហកម្មស្បែកជើង អាចរួមចំណែកជំរុញសេដ្ឋកិច្ចរបស់ប្រទេស

បានផុស

២ years មុន

នៅ

ថ្ងៃអង្គារ ២៤ កញ្ញា ២០២៤

ដោយ

មន្រ្តីក្រសួងឧស្សាហកម្មឥណ្ឌូណេស៊ីម្នាក់ បាននិយាយកាលពីថ្ងៃអាទិត្យថា ឧស្សាហកម្មស្បែកជើងរបស់ឥណ្ឌូណេស៊ី មានសក្តានុពលក្នុងការជំរុញសេដ្ឋកិច្ចរបស់ប្រទេសទៅកាន់កម្រិតពិភពលោក។ នេះបើតាមការចុះផ្សាយរបស់ទីភ្នាក់ងារសារព័ត៌មាន Antara កាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការនៃអគ្គនាយកដ្ឋានឧស្សាហកម្មធុនតូច និងមធ្យម ចំណុះឱ្យក្រសួងឧស្សាហកម្ម លោក Riefky Yuswandi បានថ្លែងថា៖ «គិតត្រឹមត្រីមាសទី ២ ឆ្នាំ ២០២៤ ដំណើរការរបស់ឧស្សាហកម្មស្បែកជើងជាតិ បានកើនឡើង ៣,៩២ ភាគរយ បើធៀបនឹងរយៈពេលដូចគ្នាកាលពីឆ្នាំមុន»។

ក្នុងអំឡុងការប្រកួតប្រជែងច្នៃប្រឌិតស្បែកជើងឥណ្ឌូណេស៊ី (IFCC) នៅទីក្រុង Surabaya កាលពីថ្ងៃអាទិត្យ លោក Yuswandi បានលើកឡើងពីទិន្នន័យអំពីឧស្សាហកម្មស្បែកជើងពិភពលោកប្រចាំឆ្នាំ ២០២៣ ដោយលោកគូសបញ្ជាក់ថា ឥណ្ឌូណេស៊ីជាប់ចំណាត់ថ្នាក់ក្នុងចំណោមប្រទេសផលិតស្បែកជើងកំពូលៗទាំង ៥ នៅទូទាំងពិភពលោក ដោយផលិតបានស្បែកជើងប្រមាណ ៨០៧ លានគូ កាលពីឆ្នាំមុន។

លោក Yuswandi បានកត់សម្គាល់ថា ក្នុងចំណោមផលិតកម្មសរុប ស្បែកជើងប្រហែល ៤៤៥ លានគូ ឬប្រហែល ៥៥ ភាគរយ ត្រូវបាននាំចេញ ដែលការណ៍នេះបង្ហាញពីផលិតភាព និងសមត្ថភាពដ៏ខ្លាំងបស់ប្រទេសឥណ្ឌូណេស៊ី។

លោកបានព្យាករថា ការនាំចេញស្បែកជើងរបស់ប្រទេសនៅឆ្នាំនេះ អាចលើសពី ៦,៤ ប៊ីលានដុល្លារ ដែលឥណ្ឌូណេស៊ីរកបានក្នុងឆ្នាំ ២០២៣។ គិតត្រឹមតែពីខែមករា ដល់ខែមិថុនា ការនាំចេញស្បែកជើងបានឈានដល់តម្លៃប្រមាណ ៣,៧ ប៊ីលានដុល្លារ៕

Related Topics:ឥណ្ឌូណេស៊ី ឧស្សាហកម្មស្បែកជើង

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា