ព័ត៌មានអន្ដរជាតិ

វៀតណាមរំពឹងរលកនៃការវិនិយោគផ្ទាល់ពីបរទេស ឆ្នាំនេះ

បានផុស

១ year មុន

នៅ

ថ្ងៃអង្គារ ១១ កុម្ភៈ ២០២៥

ដោយ

វៀតណាមបានកត់ត្រាពីកំណើនលំហូរចូលនៃការវិនិយោគដោយផ្ទាល់ពីប្រទេស (FDI) ក្នុងរយៈពេលពេញមួយខែមករា ដែលនេះបង្កើតមានការព្យាករពីរលក FDI សម្រាប់ប្រទេសក្នុងឆ្នាំ ២០២៥ ទាំងមូល។ នេះបើតាមការចុះផ្សាយរបស់កាសែត VietnamPlus នាថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យថ្មីៗដែលចេញផ្សាយដោយទីភ្នាក់ងារវិនិយោគបរទេស (FIA) ក្រោមក្រសួងផែនការ និងការវិនិយោគ ការវិនិយោគបរទេសជាង ៤,៣៣ ប៊ីលានដុល្លារ ត្រូវបានចុះបញ្ជីនៅក្នុងប្រទេសវៀតណាមក្នុងខែមករា កើនឡើង ៤៨,៦ ភាគរយ ធៀបនឹងរយៈពេលដូចគ្នាកាលពីឆ្នាំមុន។

នេះជាចំនួនដ៏ធំសម្រាប់ចំនួនសរុបប្រចាំខែ ខណៈការវិនិយោគបរទេសជាធម្មតា មានជាមធ្យមប្រហែល ២-៤ប៊ីលានដុល្លារ/ខែ និងគ្មានគម្រោងរាប់ពាន់លានដុល្លារ។

ក្នុងឆ្នាំ ២០២៤ វៀតណាមបានទាក់ទាញការវិនិយោគបរទេសចំនួន ៣៨,២៣ ប៊ីលានដុល្លារ ប៉ុន្តែវានៅតែខកគោលដៅ ៣៩-៤០ ប៊ីលានដុល្លារ។ លើសពីនេះទៀត ការចំណាយបានឡើងដល់កម្រិតខ្ពស់បំផុតគឺ ២៥,៣៥ ប៊ីលានដុល្លារ។ អ្វីដែលសំខាន់នោះគឺថា និន្នាការទូទៅបង្ហាញថា អ្នកវិនិយោគបរទេសបន្តមើលឃើញវៀតណាមជាគោលដៅវិនិយោគសំខាន់។

មុនថ្ងៃបុណ្យចូលឆ្នាំវៀតណាម ក្នុងអំឡុងដំណើរទស្សនកិច្ចរបស់លោកនាយករដ្ឋមន្ត្រីវៀតណាមទៅកាន់អឺរ៉ុប មេដឹកនាំមកពីសាជីវកម្មធំៗដូចជា Visa, Amazon Web Services (AWS) និង Trip.com និងជាពិសេសក្រុមហ៊ុនបច្ចេកវិទ្យាយក្សដូចជា Google, Siemens, Qualcomm និង Ericsson បានចែករំលែកនូវចេតនារបស់ពួកគេក្នុងការវិនិយោគ និងពង្រីកសកម្មភាពក្នុងប្រទេសវៀតណាម ជាពិសេសផ្នែកបច្ចេកវិទ្យា បន្ទះឈីប និង AI ។ ទាំងនេះគឺជាវិស័យសំខាន់ៗដែលវៀតណាមសង្ឃឹមថានឹងពន្លឿនការទាក់ទាញវិនិយោគក្នុងរយៈពេលខាងមុខ៕

Related Topics:វៀតណាម ការវិនិយោគផ្ទាល់ពីបរទេស

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា