កូវីដ-១៩
គ្រូពេទ្យចុះយកសំណាកអាជីវករផ្សារព្រែកប្រា១០២នាក់ ក្រោយតេស្ដសពស្ត្រីចាមម្នាក់ វិជ្ជមាន
ភ្នំពេញ៖ គ្រូពេទ្យ ស្ម័គ្រចិត្តសម្តេចតេជោ ហ៊ុន សែន បានសហការណ៍ជាមួយអាជ្ញាធរសង្កាត់ព្រែកប្រា និងអាជ្ញាធរភូមិព្រែកតាពៅ បានចុះយកសំណាកពីបងប្អូនអាជីវករលក់ដូរនៅផ្សារចាមព្រែកប្រា១០២នាក់ ក្រោយលទ្ធផលតេស្តបង្ហាញថាសពស្ត្រីលក់សាច់គោ ឈ្មោះ ម៉ីត សៃម៉ាស់ ដែលបានស្លាប់កាលពីថ្ងៃទី៧ ខែឧសភា ដោយសារជំងឺកូវីដ-១៩។
យោងតាមសេចក្តីរាយការណ៍ពីលោក យូសុះ អាប់ឌុលឡោះ ចៅរងទី២សង្កាត់ព្រែកប្រា បានឲ្យដឹងថា កាលពីរសៀលថ្ងៃទី៩ ខែឧសភា ក្រុមគ្រូពេទ្យស្ម័គ្រចិត្តសម្តេចតេជោ បានចុះមកពិនិត្យសំណាកបងប្អូនអាជីវករលក់ដូរក្នុងផ្សារចាមព្រែកប្រាចំនួន១០២នាក់ក្នុងនោះមានស្រី៧២នាក់ និងប្រុស៣០នាក់ចាប់តាំងពីម៉ោង១រសៀលរហូតដល់ម៉ោង៦ព្រលប់ថ្ងៃដដែល ដោយរកអ្នកវីជ្ជមានកូវីដតែម្នាក់ប៉ុណ្ណោះឈ្មោះ លី រ៉នី ភេទស្រី អាយុ៣៥ឆ្នាំ។
លោក យូសុះ អាប់ឌុលឡោះ បានបន្តថា ចំពោះការចុះមកយកសំណាកនេះគឺសុទ្ធសឹងជាបងប្អូនខ្មែរឥស្លាមដែលកំពុងលក់ដូរក្នុងផ្សារជនជាតិខ្មែរឥស្លាមស្ថិតនៅតាមបណ្តោយផ្លូវ៣៦៩ ភូមិព្រែកតាពៅ សង្កាត់ព្រែកប្រាខ ណ្ឌច្បារអំពៅ រាជធានីភ្នំពេញ ដោយពុំទាន់បានយកសំណាកពីម៉ូយមកទិញសាច់គោជារៀងរាល់ថ្ងៃមុនពេលដែលស្ត្រីឈ្មោះ ម៉ីត សៃម៉ាស់ បានមរណៈភាពនោះទេ។
ដោយឡែកក្រុមគ្រួសាររួមនឹងកម្មករបម្រើការនៅផ្ទះសពចំនួន១៥នាក់គឺរកឃើញវីជ្ជមានកូវីដ-១៩ ចំនួន៥នាក់ ក្នុងនោះមានស្រី៣ ហើយត្រូវបានរថយន្តសង្រ្គោះដឹកយកទៅព្យាបាលកាលពីយប់ថ្ងៃទី៨ ខែឧសភា វេលាម៉ោង១០យប់ទៅហើយ។ នៅសល់១០នាក់ទៀតត្រូវធ្វើចត្តាឡីស័កក្នុងផ្ទះ។
គួររំលឹកថា កាលពីថ្ងៃទី៧ ខែឧសភា កន្លងទៅក្រុមគ្រួសារសពស្ត្រីលក់សាច់គោនៅផ្សារចាមព្រែកប្រានេះបានប្រតិកម្មនឹងគ្រូពេទ្យចុះមកយកសំណាកសព ដើម្បីច្បាស់ថាសពមានវីជ្ជមានកូវីដ-១៩ ឬទេ ប៉ុន្តែគ្រួសារបានស្តីបន្ទោសទៅគ្រូពេទ្យថាចេះតែចោទប្រកាន់។ រហូតដល់គ្រូពេទ្យបានយកសំណាកសពទៅពិនិត្យនៅប៉ាស្ទ័រនាទីក្រុងភ្នំពេញ ជាលទ្ធផលឃើញថាសព មានវីជ្ជកូវីដ-១៩ ទើបក្រុមគ្រួសារសុខចិត្តឲ្យគ្រូពេទ្យយកសពទៅបញ្ចុះនៅខេត្តកំពង់ស្ពឺតាមលក្ខណៈជំនាញរបស់គ្រូពេទ្យ។ បន្ទាប់មកបាន១ថ្ងៃគ្រូពេទ្យបានចុះមកធ្វើតេស្តក្រុមគ្រួសារសពស្ត្រីខាងលើចំនួន១៥នាក់ទើបរកឃើញ៥នាក់បន្ថែម៕
អត្ថបទ៖ នរា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore