សន្តិសុខសង្គម

ខណ្ឌច្បារអំពៅ ដាក់កម្លាំងត្រួតពិនិត្យអ្នកបើកបរមានជាតិស្រវឹង ជាលទ្ធផលពុំមានបទល្មើស

បានផុស

៥ ខែ មុន

នៅ

ថ្ងៃសុក្រ ២៦ មករា ២០២៤

ដោយ

កាលពីយប់ថ្ងៃទី ២៥ ខែមករា ឆ្នាំ ២០២៤ កម្លាំងគណៈបញ្ជាការឯកភាពសាលាខណ្ឌច្បារអំពៅ បានដាក់គោលដៅត្រួតពិនិត្យអាវុធជាតិផ្ទុះ និងអ្នកបើកបរមានជាតិស្រវឹង ជាលទ្ធផលពុំមានបទល្មើសអ្វីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពី លោក គុយ គឹមហ៊ាង នាយករងរដ្ឋបាលសាលាខណ្ឌច្បារអំពៅ បានឲ្យដឹងថា កិច្ចប្រតិបត្តិការនេះ ដឹកនាំដោយ លោក ចេង មុនីរ៉ា អភិបាលខណ្ឌច្បារអំពៅ និង លោកវរសេនីយ៍ឯក ម៉ៅ សឿត អធិការនគរបាលខណ្ឌ ក្នុងនោះក៏មានការចូលរួមពីលោកស្នងការរងនគរបាលរាជធានីភ្នំពេញមួយរូបផងដែរ។

លោកនាយករងរដ្ឋបាល បានបន្តថា គោលដៅដាក់ត្រួតពិនិត្យស្ថិតនៅតាមបណ្ដោយផ្លូវជាតិលេខ ១ មុខវត្តច្បារអំពៅ ក្នុងភូមិសាស្ត្រខណ្ឌច្បារអំពៅ រាជធានីភ្នំពេញ ចាប់ពីវេលាម៉ោង ៨ យប់ រហូតដល់ ម៉ោង ១១ យប់ ថ្ងៃដដែល ហើយជាលទ្ធផលគ្មានបទល្មើសកើតឡើងឡើយ។

លោក គុយ គឹមហ៊ាង បានបញ្ជាក់ទៀតថា ការដាក់គោលដៅត្រួតពិនិត្យអាវុធជាតិផ្ទុះ និងត្រួតពិនិត្យជាតិស្រវឹង នឹងបន្តធ្វើឡើងរាល់យប់ រហូតដល់មានបទបញ្ជាថ្មីពីសាលារាជធានីភ្នំពេញ៕

អត្ថបទ ៖ នរា