កូវីដ-១៩
ផ្ទុះជំងឺកូវីដ-១៩ នៅរោងចក្រ យូលី ក្រុងបាវិតរកឃើញកម្មករឆ្លង៣៤នាក់
លោក បណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងព្រឹកថ្ងៃទី២២ ខែឧសភានេះថា មានករណីផ្ទុះជំងឺ១៩នៅរោងចក្រ យូលី ដែលមានទីតាំងស្ថិតនៅក្នុងតំបន់សេដ្ឋកិច្ចពិសេសសាន់តុង ក្រុងបាវិត ខេត្តស្វាយរៀង ដោយរកឃើញមានអ្នកឆ្លងជាបឋមចំនួន៣៤នាក់ ហើយក្រុមការងារកំពុងបន្តធ្វើតេស្តរហ័សទៅលើកម្មករពាក់ព័ន្ធបន្ថែមទៀត។
លោកបណ្ឌិតបានបន្តថា ករណីឆ្លងនេះ គឺផ្តើមចេញពីកម្មករ១នាក់ដែលបានឆ្លងពីប្តីរបស់ខ្លួនជាអ្នកដឹកបន្លែពីស្វាយរៀង យកទៅលក់ផ្សារដើមគរ រាជធានីនៅភ្នំពេញ។
លោកបណ្ឌិតបានបន្តទៀតថា ពេលបរុសជាប្តីកម្មករនោះគាត់មានបញ្ហាសុខភាព បានទៅពិនិត្យនៅមន្ទីរពេទ្យជម្ភូ ហើយបានទៅយកសំណាកនៅមណ្ឌលចត្តាឡឺស័ក មីស្ទ័រសូ។ លុះដល់រកឃើញមានវិជ្ជមានទើបក្រុមការងារបានយកប្រពន្ធគាត់ជាកម្មករធ្វើការនៅរោងចក្រ យូលី ទៅធ្វើតេស្តក៏មានវិជ្ជមានដូចគ្នា ហើយក្រុមការងារក៏បានបន្តស្រាវជ្រាវដល់រោងចក្រតែម្តងទៅ។
លោកបណ្ឌិតបានបន្តទៀតថា ការរកឃើញឆ្លងបឋមចំនួន៣៤នាក់នេះ ក្នុងនោះរកឃើញមានឆ្លង៥នាក់ដែលក្រុមការងារបានធ្វើតេស្តទៅលើអគារមួយមានកម្មករចំនួន៨០នាក់ និងព្រឹកនេះបានធ្វើបន្តទៅលើកម្មករផ្សេងទៀតប្រមាណ៣០០នាក់ បានរកឃើញចំនួន២៩នាក់ទៀត និងនៅសល់ជិត៥០០នាក់ទៀតកំពុងបន្តធ្វើតេស្ត។
លោកបណ្ឌិតបានបន្តទៀតថា «អីចឹងក្នុង១ថ្ងៃហ្នឹងប្រសិនបើយើងធ្វើតេស្តទៅលើកម្មករជិត៨០០នាក់ហ្នឹងមានករណីឆ្លងកើនឡើងបន្ថែមទៀត »។
លោកបណ្ឌិត កែរ រដ្ឋា បានបន្ថែមថា គិតត្រឹមថ្ងៃទី២១ ខែឧសភា ឆ្នាំ២០២១នេះ ខេត្តស្វាយរៀងមានអ្នកឆ្លងជំងឺកូវីដ១៩ ចំនួន៤១៤នាក់ ជាសះស្បើយចំនួន៣៤១នាក់ ស្លាប់ចំនួន៥នាក់ និងកំពុងព្យាបាលចំនួន៦៧នាក់ នៅតាមកន្លែងព្យាបាលជំងឺកូវីដ១៩ចំនួន៣កន្លែង ទី១.នៅមន្ទីរពេទ្យបង្អែកស្វាយជ្រំ ទី២.មន្ទីរពេទ្យបង្អែកសាមគ្គីរំដួល និងទី៣.មណ្ឌលព្យាបាលជំងឺកូវីដ ១៩ក្រុងបាវិត៕
អត្ថបទ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ