ឌុច លីដា ពន្យល់ហេតុនិងផល ក្រោយផ្ទុះការវែកញែកជាថ្មី ដោយចោទ Peypey Dy រឿងជំនួយ បន្ទាប់ពីទិញដី នៅសៀមរាប

ជាថ្មីម្តងទៀតមហាជនអ្នកគាំទ្របានមានការចាប់អារម្មណ៍ និងផ្ទុះការវែកញែកញែកក្រោយមានព័ត៌មានអំពី Peypey Dy ចាយលុយរាប់សែនដុល្លារទិញនៅខេត្តសៀមរាប ខណ: ឌុច លីដា ចេញមកពន្យល់ថា ដីគេ ទ្រព្យគេ គេមានទាំងមុខជំនួញទៀត។ បើតាមដឹង អ្នកបាញ់លុយ អត់មានអ្នកណាបន្ទោសទេ ព្រោះមុនគេបាញ់គេ ទុកចិត្តគេស្គាល់ថាជាមនុស្សរបៀបណា ណាស់តែអ្នកមិនបានចូលរួមបរិច្ចាគទេ ដែលតែងគិតថាគេយកទៅនេះយកទៅនោះឱ្យតែពូកែគិតដេកគិតឱ្យឈឺក្បាលទៅ។

តែយ៉ាងណា តារាស្រីរូបនេះសង្កត់ធ្ងន់ដែរថា “បើគាត់ពិតជាកិបកេងលុយជំនួយឬធ្វើដូចគេនិយាយមែនទុកឱ្យគាត់ជាអ្នកទទួលផលកម្មនោះទៅ”។

ឌុច លីដា បន្តថា “មនុស្សគេពូកែរកសុីពូកែរកលុយគេ រកលុយកន្លះជីវិតគេហើយគេ មានមុខរបរគេច្រើនមុខណាស់ លុយប៉ុណ្ណឹងគិតថា គេគ្មានឬ? គេមានគោលដៅដែលគេចង់បានអ៊ីចឹងព្រោះតែលុយជំនួយនេះ គឺថ្ងៃក្រោយទៅគេទិញនេះទិញនោះ ដែលគេចង់បានគេត្រូវមានសម្ពាធរហូតមែនទេ? មនុស្សមួយចំនួនសូមឈប់តែស្ករទៅ បើមិនបានជួយអីកុំដាក់បន្ទុកលើគាត់កុំអោយគាត់មានអារម្មណ៍ថា ចំណាយកម្លាំងកាយចិត្ត ហើយទទួលបានតែការចោទប្រកាន់ចំពោះគា ត់ ឈប់ទៅ”។

អ្នកនាង ឌុច លីដា បន្ថែមទៀតថា “យ៉ាងហោចណាស់ក៏គាត់បានជួយដល់អ្នកដែលពិបាកបំផុតក្នុងអំឡុងពេលមានសង្រ្គាមដែរ តែធម្មតាទេមនុស្សតែចិត្តគំនិតខ្លួនឯងមិនល្អស្មោះត្រង់ហើយ គឺមិនអាចគិតថាអ្នកដទៃល្អបានទេ បើគាត់ពិតជាកិបកេងលុយជំនួយឬធ្វើដូចគេនិយាយមែនទុកឱ្យគាត់ជាអ្នកទទួលផលកម្មនោះទៅ ហើយចាំថាកម្មពាវាមិនដែលវង្វេងម្ចាស់ទេមិនថាអ្នកណាក៏ដោយ”៕ អត្ថបទ៖ ចាន់រ៉ា