ជីវិតកម្សាន្ដ
ឌុច លីដា៖ ការវិលមកវិញលើកនេះ ខ្ញុំពេញចិត្តនឹងរឿង «រសជាតិអ្នកមាន» វគ្គទីបី
តារាសម្តែង នាង ឌុច លីដា អះអាងថា ការវិលមកឆាកសិល្បៈភាពយន្តវិញជាលើកដំបូងនេះ ព្រោះតែនាងពេញចិត្តនឹងរឿង «រសជាតិអ្នកមាន» វគ្គទីបី។
អ្នកដឹកនាំរឿសម្រាប់ខ្សែភាពយន្តទូរទស្សន៍ រសជាតិអ្នកមាន វគ្គបី ប្រមាណជាងហុកសិបភាគបានលោកស្រី ពាន់ ភួងបុប្ផា ក៏បានពន្យល់ពីមូលហេតុដែល ការវិលមកវិញរបស់តារាស្រី ឌុច លីដា ថា ពិតជាត្រូវពេលវេលានិងសក្ដិសមសម្រាប់រឿងភាគមួយនេះ។ លោកស្រី ក៏បានលើកឡើងបន្ថែមទៀតថា ក្រៅពីរូបរាងសម្រស់ស្រគត់ស្រគំ សមត្ថភាពសម្តែងដែលមានកម្រិតកាន់តែខ្ពស់ឡើងៗ នៅពេល ឌុច លីដា វិលត្រឡប់មកកាន់ឆាកសិល្បៈវិញលើកនេះ ខ្លួននាងផ្ទាល់ថែមទាំងមានបទពិសោធជាម្តាយម្នាក់ ដែលយល់ច្បាស់អំពីការសម្ដែងនៅក្នុងរូបភាពស្ត្រីមេម៉ាយ ប្រឈមបញ្ហានៅក្នុងរង្វង់គ្រួសារ។
ចំណុចសំខាន់មួយទៀត អ្នកដឹកនាំរឿងភាគច្រើននៅក្នុងប្រទេសយើងចាំបានហើយថា ឌុច លីដា គាត់មានសមត្ថភាពក្នុងការចាំឃ្លាសន្ទនា ចាំអត្ថបទភាពយន្តបានល្អ ធ្វើការយកចិត្តទុកដាក់ ថែមទាំងចេះលើកដាក់បញ្ចេញបញ្ចូលសំឡេង គឺសម្តែងបានទាំងរូបភាព និងសំឡេង ធ្វើឲ្យឈុតឆាកនីមួយៗមានលក្ខណៈជក់ចិត្តដិតអារម្មណ៍។ «ប្រការនេះញាំងឱ្យអ្នកថតក៏មានលក្ខណៈងាយស្រួល ថតបានឆាប់រហ័ស អ្នកដឹកនាំរឿងក៏មិនសូវហត់នឿយនៅក្នុងការធ្វើការជាមួយនាង! ចំណែកចំណុចចុងក្រោយ គឺលីដាជាមនុស្សគោរពវិន័យ» ប្រសាសន៍អ្នកនិពន្ធនិងដឹកនាំរឿង លោកស្រី ពាន់ ភួងបុប្ផា ។
ទូរទស្សន៍ PNN ទើបនឹងចាក់ផ្សាយចេញនូវខ្សែរឿងភាគទូរទស្សន៍ដ៏សម្រិតសម្រាំង រឿង«រសជាតិអ្នកមាន»វគ្គ ហេឡូអ្នកម៉ាក់កាលពីយប់មិញនេះដែលនៅក្នុងនោះ តារាសម្តែងនាង ឌុច លីដា បានដើរតួជាស្ត្រីខ្មែរមានចរិតលក្ខណៈស្រគត់ស្រគំ តែរឹងមាំឈ្មោះថា ដានី។ ស្នាដៃដឹកនាំនឹង សរសេរឡើងដោយអ្នកនិពន្ធ ពាន់ ភួងបុប្ផា បានធ្វើឱ្យភាពយន្តរសជាតិអ្នកមាន បានទទួលជោគជ័យហួសស្មានពីរលើកមកហើយ។
ចំពោះការងារដំបូងសម្រាប់ការវិលមករកឆាកសម្តែងនេះវិញ តារាស្រី ឌុច លីដា ក៏ទុកថា ជាអារម្មណ៍ថ្មី និងបទពិសោធន៍ដ៏មានតម្លៃខ្លាំងសម្រាប់នាង។ នាងប្រាប់ដូច្នេះថា «ខ្ញុំយកសាច់រឿងមកអានក៏មានអារម្មណ៍ថា ជាសាច់រឿងដ៏ពិសេសទៅហើយ! តួអង្គឈ្មោះដានីនេះ ខ្ញុំចាប់បានអត្តចរិតរបស់គាត់ ហើយពេលសម្តែងខ្ញុំព្យាយាមអត់ឲ្យបាត់អារម្មណ៍ទេ! ទិសដៅនៃការសម្តែងគឺធ្វើឱ្យបានអស់ពីសមត្ថភាព ព្រោះអី ខ្ញុំសប្បាយសប្បាយចិត្តខ្លាំង ដែលខ្ញុំត្រូវបានជ្រើសយកមកសម្តែងថតសាច់រឿងដ៏ល្អ លើកតម្កើងស្ត្រីខ្មែរ!»។
ខ្សែរឿងភាគសេរ៊ី រសជាតិអ្នកមាន ដ៏ល្បីរបស់ Pnn វគ្គ ហេឡូអ្នកម៉ាក់ បានទទួលការវាយតម្លៃរួចមកហើយក្រោយការចេញផ្សាយភាគដំបូងកាលពីយប់មិញថា កំពុងផ្តល់នូវទស្សនាទានថ្មី សម្រាប់ស្ត្រីមេផ្ទះក្នុងការតស៊ូកែប្រែកម្រិតសមត្ថភាពសង្គមរបស់ខ្លួន ក៏មិនចុះចាញ់ឧបសគ្គ មិនបណ្តោយទៅតាមព្រហ្មលិខិត ថែមទាំងមិនស្ងៀមស្ងាត់ចំពោះអំពើហិង្សា មិនថា កាយឬចិត្តក្តី ក្នុងរង្វង់អាពាហ៍ពិពាហ៍ពោរពេញដោយភាពផិតក្បត់។ នេះក៏ជាយុទ្ធសាស្ត្រមួយរបស់ ភី អិន អិន ក្នុងការជំរុញគុណភាពភាពយន្តខ្មែរ គឺការស្វែងរកមនុស្សដែលមានចក្ខុវិស័យច្បាស់ មានជំនាញ មានបេះដូងស្រលាញ់វិស័យផលិតភាពយន្តនេះដ៏ពិតប្រាកដ មិនថាអ្នកនិពន្ធ អ្នកដឹកនាំ អ្នកផលិត ឬអ្នកសម្តែងក្តី។
រឿងរសជាតិអ្នកមាន វគ្គ៣ វគ្គហេឡូអ្នកម៉ាក់ នេះនឹងចាក់ផ្សាយនៅរៀងរាល់ថ្ងៃ ច័ន្ទ ដល់ថ្ងៃ ព្រហស្បតិ៍ វេលាម៉ោង ៨ ដល់ ៩ យប់ ចាប់ពីថ្ងៃទី ០៦ ខែមិថុនាតទៅ៕
សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ក្រសួងការងារនាំយកប្រាក់ឈ្នួល និងប្រាក់បំណាច់ជូនកម្មកររោងចក្រ Y&W ដែលកំពុងសម្រាលកូនដល់មន្ទីរពេទ្យ
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)