ជីវិតកម្សាន្ដ

ទោះបីជាសះស្បើយពីកូវីតែ ម៉ែផល្លា នៅបារម្ភរឿងមួយទៀត

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ភ្នំពេញ ៖ តារាសម្តែងជើងចាស់អ្នកស្រី អ៊ឹម ផល្លាហៅម៉ែ ផល្លាបានបញ្ជាក់ប្រាប់កម្ពុជាថ្មីនៅរសៀលថ្ងៃទី១៩ ខែឧសភា ឆ្នាំ២០២១ថា ពេលនេះគាត់បានជាសះស្បើយពីជំងឺកូវីដ-១៩ហើយ។

ចំណែកឯកូន ស្រីរបស់គាត់ដែលឆ្លងកូវីដដែរនោះកំពុងរង់ចាំល ទ្ធផលសំណាក់លើកទី២។ ម៉ែ ផល្លា បានបន្តថា អ្នកស្រីត្រូវបានក្រុមគ្រូពេទ្យចេញលិខិតបញ្ជាក់ដោយអនុញ្ញាតឲ្យចេញទៅផ្ទះហើយនឹងត្រូវបន្តធ្វើចត្តាឡីស័ក១៤ថ្ងៃទៀត។ ប៉ុន្តែដោយសារកូនស្រីមិនទាន់ទទួលលទ្ធផលទើបគាត់សុំគ្រូពេទ្យស្នាក់នៅបន្តដើម្បីរង់ចាំចេញទៅជាមួយកូនព្រមគ្នា។

ប៉ុន្តែទោះបីទទួលបានដំណឹងល្អជាសះស្បើយពីកូវីដបែបនេះក្តី តែតារាជើងចាស់ម៉ែ ផល្លា ក៏បានបង្ហាញការព្រួយបារម្ភចំពោះរឿងផ្ទាល់ខ្លួនមួយទៀតគឺពេលចេញទៅមិនដឹងស្នាក់នៅឯណាព្រោះបន្ទប់ដែលរស់នៅសព្វថ្ងៃពេលចូលដល់រដូវភ្លៀងគឺពិបាកស្នាក់នៅដោយមានភ្លៀងលិចចូលគ្រប់កន្លែង។

តារាសម្តែងម៉ែ ផល្លា បានបន្តទៀតថា ដោយគ្មានជម្រើសនៅពេលចេញទៅវិញមានតែបន្តទ្រាំរស់នៅបណ្តោះអាសន្នក្នុងបន្ទប់ម្តុំបឹងសាឡាងបន្តទៀតសិន ដោយសារពេលនេះគាត់គ្មានលទ្ធភាពរើចេញ ឬ ជួលកន្លែងផ្សេងទេ។ ជាមួយគ្នានេះម៉ែផល្លាក៏អរគុណផងដែរដល់ម្ចាស់ផ្ទះដែលបានយោគយល់ឲ្យគាត់និងកូនរស់នៅដោយមិនចំបាច់បង់ថ្លៃជួលជាច្រើនខែមកនេះ៕

ដោយ ៖ ចាន់រ៉ា