ជីវិតកម្សាន្ដ

វណ្ណា ស័ក្តិ សុខចិត្តនៅមើលថែម្ដាយបន្តទៀត បើទោះបីខ្លួនជាសះស្បើយពីជំងឺកូវីដ១៩ក៏ដោយ

បានផុស

៣ years មុន

នៅ

ថ្ងៃអង្គារ ២៥ ឧសភា ២០២១

ដោយ

តារាចម្រៀងលោក វណ្ណា ស័ក្តិ បានបញ្ជាក់ឲ្យដឹងថា បន្ទាប់ពីចូលព្យាបាលរយៈពេលជាង១០ថ្ងៃមកនោះ ពេលនេះលោកបានជាសះស្បើយពីជំងឺកូវីដ-១៩ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាប្រុស វណ្ណា ស័ក្តិ ដែលត្រូវជាកូនប្រុងបង្កើតលោកយាយ ណយ សំណាង បានលើកឡើងថា ក្រុមគ្រូពេទ្យនៃមន្ទីរពេទ្យរុស្សីបានប្រាប់ថា ស្ថានភាពជំងឺកូវីដ-១៩ គឺលោកបានជាសះស្បើយហើយ ដែលអាចអនុញ្ញាតឲ្យវិលត្រឡប់ទៅផ្ទះនឹងបន្តធ្វើចត្តាឡីស័ក១៤ថ្ងៃទៀត។

យ៉ាងណាមិញស្ថិតក្នុងស្ថានភាពនេះ លោកពិតជាត្រេកអរណាស់ ដែលខ្លួនបានជាសះស្បើយពីជំងឺដ៏កាចសាហាវនេះ។ ប៉ុន្តែរឿងដែលបារម្ភ គឺអ្នកម្តាយ (លោកយាយ ណយ សំណាង)មិនទាន់អាចវិលទៅរកភាពដើម ដែលត្រូវបានអនុញ្ញាតឲ្យចេញទៅផ្ទះវិញទេហេតុនេះ ទើបលោកសុំគ្រូពេទ្យដើម្បីបានបន្តស្នាក់នៅមើលថែម្តាយសិន។

លោក វណ្ណា ស័ក្តិ បានបន្ថែមថា ថ្វីត្បិតកន្លងមកស្ថានភាពជំងឺម្តាយហាក់ធូរស្រាលខ្លះ ក៏ពិតមែន តែលោកនៅតែបារម្ភចំពោះគាត់ជានិច្ចដោយហេតុថា មានពេលខ្លះគាត់ដូចជាមានការប្រែប្រួលដោយនិយាយរវើរវាយ ដូច្នេះទើបលោកសុំបន្តស្នាក់នៅ ដើម្បីមើលថែម្តាយបន្តទៀតរហូតបានជាសះស្បើយត្រឡប់ទៅផ្ទះទាំងអស់គ្នាវិញ៕

អត្ថបទ៖ ចាន់រ៉ា

សូមចុចអាន៖ ដេននី ក្វាន់ ទម្លាយរឿងសណ្ឋាគារមួយនៅកំពង់សោមលួចបង្កប់Camera ក្នុងបន្ទប់ដេក