ឃើញឡាយលក់តែផ្អក ប្រហុក តាមវាលស្រែសោះ ពេលនេះ នេន ទុំ ទិញរថយន្ដតម្លៃជិត២០ម៉ឺនដុល្លារ

ថ្វីត្បិតតែអាជីពសិល្ប:ហាក់មានភាពស្ងប់ស្ងាត់ដោយសារជំងឺកូវីដ-១៩ ក៏ពិតមែន តែតារាចម្រៀងរ៉េប នេន ទុំ បច្ចុប្បន្នកំពុងតែ​មមាញឹក​ក្នុងការលក់ប្រហុក ផ្អក ជាដើម នៅលើទំព័រហ្វេសប៊ុករបស់ខ្លួន។ តែទោះជាយ៉ាង គេមិនធ្លាប់ដឹងពីចំណូលដែល​ នេន ទុំ ចំណេញពីការលក់ផ្អក ប្រហុក បានកម្រិតណានោះទេ។ ប៉ុន្តែថ្មីៗនេះ ស្រាប់តែធ្វើឲ្យមហាជនភ្ញាក់ផ្អើលក្រោយតារារ៉េបរូបនេះ បង្ហាញ​រថយន្ត​មួយ​គ្រឿង​តម្លៃ​ជិត​២០​ម៉ឺន​ដុល្លារ ជាការដូរលួងខ្លួនឯង ។

ជាមួយគ្នានោះ គេឃើញ នេនទុំ បង្ហោះរូបភាពរថយន្តភ្ជាប់នឹងខ្លឹមសារអមដោយអត្ថន័យថា«​ជា​ដំបូង​ខ្ញុំ​សូម​អរគុណ​ដល់​អ្នក​ម្តាយ​️️​ជាទី​ស្រឡាញ់របស់ខ្ញុំ ដែលតែងតែលើកទឹកចិត្តកូន អរគុណដល់អ្នកគ្រប់គ្នាដែលតែងតែស្រឡាញ់និងគាំ ទ្ររូបខ្ញុំកន្លងមក»។

តារាចម្រៀងរ៉េប នេន ទុំ បាននិយាយទៀតថា ខ្លួនមានថ្ងៃនេះ គឺដោយសារអ្នកទាំងអស់គ្នាបានផ្តល់​ឱកាស​ដល់​រូបលោក មិន​នឹកស្មាន​ថា លោកមានថ្ងៃមកឈរនៅទីនេះទាល់តែសោះ វា​ពិតជា​អស្ចារ្យ​ខ្លាំងបំផុតសម្រាប់ជីវិតមួយនេះ១៩៥,០០០ដុល្លារ៕

អត្ថបទ ៖ ចាន់រ៉ា