ជីវិតកម្សាន្ដ
ទើបដឹងលោក ហ៊ុយ ពុធ ជាអ្នកមានគុណដំបូងធ្វើឱ្យអម្ពរ ទេវី ល្បីល្បាញលើវិស័យខ្សែភាពយន្ត
ស្ថិតនៅឯនាយសមុទ្រអតីតតារាសម្ដែងជើងចាស់អ្នកនាង អម្ពរ ទេវី បានសម្តែងការរន្ធត់ចិត្តខ្លាំងបំផុតបន្ទាប់ពីទទួលដំណឹងនៃការស្លាប់របស់ព្រឹទ្ធាចារ្យសិល្ប:ល្បីឈ្មោះ ហ៊ុយ ពុធ។
អ្នកនាង អម្ពរ ទេវី ក៏បានចាត់ទុកថាមរណភាពរបស់លោក ហ៊ុយ ពុធ ជាការបាត់បង់ធនធានដ៏សំខាន់សម្រាប់វិស័យសិល្ប:ខ្មែរ។មិនតែប៉ុណ្ណោះអ្នកនាងទម្លាយថាលោក ហ៊ុយ ពុធ គឺជាអ្នកមានគុណមុនគេបង្អស់ដែលជំរុញអ្នកនាងឱ្យជោគជ័យក្នុងវិស័យភាពយន្ដខ្មែរកន្លងមក។
តាមរយៈសំណេរដែលសរសេរនៅលើបណ្ដាញសង្គមរបស់អ្នកនាង អម្ពរ ទេវី នៅថ្ងៃទី០៤ខែសីហានេះបានរៀបរាប់ថា “នាងខ្ញុំ អម្ពរ ទេវីសូមលំឱនកាយគោរពនិងសូមចូលរួមរំលែកនូវមរណៈទុក្ខដ៏សែនក្រៀមក្រំជាមួយគ្រួសារ នៃសពលោកពូ ហ៊ុយ ពុធ”។
អ្នកនាង អម្ពរ ទេវី បន្តថាខ្លួនមានអារម្មណ៍ក្ដុកក្ដួលនិងសោកស្ដាយខ្លាំងណាស់ដែលបាត់បង់លោកពូដែលជាកំពូលអ្នកនិពន្ធនិងដឹកនាំរឿងដ៏ល្បីល្បាញនៃខ្សែរភាពយន្តខ្មែរ។
លោក ហ៊ុយ ពុធ គឺជាអ្នកមានគុណរបស់នាងខ្ញុំមុនគេបង្អស់ជាមួយនឹងលោកអ៊ុំ ម៉ៅ អាយុទ្ធ ក្នុងចំណោមអ្នកមានគុណជាច្រើនដែលបានជួយរុញច្រាននាងឱ្យទទួលបាននូវភាពជោគជ័យនិងភាពល្បីល្បាញនៅលើវិស័យខ្សែរភាពយន្តខ្មែរនាទសវត្ស ឆ្នាំ១៩៩០ខ្សែ ភាពយន្តដំបូងរបស់លោកដែលធ្វើឲ្យនាងខ្ញុំបានទទួលជោគជ័យគឺរឿង «ស្នេហ៍រហែកជ្រែកវិញ្ញាណ»។
លោកព្រឹទ្ធាចារ្យ ហ៊ុយ ពុធ គឺជាផលិតករដ៏មានទេពកោសល្យក្នុងវិស័យភាពយន្តខ្មែរតាំងពីទសវត្ស៨០បានទទួលមរណភាពកាលពីថ្ងៃទី០២ ខែសីហាឆ្នាំ២០២១នៅវេលា ម៉ោង២០និង១៥នាទី នៅក្នុងជន្មាយុ៨២ឆ្នាំដោយសាររោគាពាធ៕ ដោយៈចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ